ەكولوگيا • 27 اقپان، 2021

10 قالادا اتموسفەرالىق اۋانىڭ لاستانۋ يندەكسى جوعارى

12 رەت كورسەتىلدى

بۇگىنگى كۇنى رەسپۋبليكا بويىنشا 10 قالادا اتموسفەرالىق اۋانىڭ لاستانۋ يندەكسى جوعارى. بۇل تۋرالى قر ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ ەكولوگيا ماسەلەلەرى جونىندەگى قوعامدىق كەڭەس الدىنداعى ەسەپتىك كەزدەسۋدە ءمالىم ەتتى.

جيىن بارىسىندا 2020 جىلعى قىزمەت قورىتىندىلارى مەن ورتا مەرزىمدى كەزەڭدەگى نەگىزگى مىندەتتەر تالقىلاندى.

«قازاقستاندا اتموسفەراعا زياندى زاتتاردى كوپ شىعارىپ وتىرعان 8-10 جىلۋ ەلەكتر ورتالىعى بار جانە 4-5 ءىرى كاسىپورىن جۇمىس ىستەپ تۇر. بارلىق كۇش-جىگەردى سولارعا باعىتتاۋ كەرەك. وسى باعىتتا كەشەندى شارالاردى ايقىنداپ تا قويدىق»، - دەدى مينيستر.

م.مىرزاعاليەۆ اتاپ وتكەندەي، قازاقستاندا 2 ملرد اعاش وتىرعىزۋ، سۋارمالى جەرلەردىڭ كولەمىن ۇلعايتۋ شارالارى قاراستىرىلىپ جاتىر.

ەل ەكولوگياسىن دامىتۋ، تابيعاتتى جانە جانۋارلار دۇنيەسىن قورعاۋ بويىنشا 2020 جىلى مينيسترلىك ۇلكەن جۇمىستار ىسكە اسىرىلعانى جەتكىزىلدى. دەسە دە، قوعام وكىلدەرىمەن بىرلەسىپ اتقاراتىن جۇمىستاردىڭ دا جەتكىلىكتى ەكەنى تىلگە تيەك ەتىلدى.

«بۇگىنگى كۇنى رەسپۋبليكا بويىنشا 10 قالادا اتموسفەرالىق اۋانىڭ لاستانۋ يندەكسى جوعارى بولىپ تابىلادى. ول – الماتى، تەمىرتاۋ، جەزقازعان، وسكەمەن، نۇر-سۇلتان، اقتوبە، بالقاش، قاراعاندى، اتىراۋ، شىمكەنت قالالارى. سوندىقتان، ءبىز 2020 جىلى ەكولوگيالىق كودەكستى جاڭا رەداكتسيادا قابىلدادىق. 16 وڭىردە ايماقتارداعى ەكولوگيالىق احۋالدى جاقسارتۋ جونىندەگى جول كارتالارى بەكىتىلدى، جايىق وزەنى باسسەينىنىڭ ەكوجۇيەسىن ساقتاۋ جانە قالپىنا كەلتىرۋ جونىندەگى قازاقستان-رەسەي ىنتىماقتاستىعىنىڭ باعدارلاماسىنا قول قويىلدى»، دەپ اتاپ ءوتتى مينيستر.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار