قوعام • 26 اقپان، 2021

پارتيا قوعامدىق كەڭەستەرىنىڭ قىزمەتى جۇيەلى تۇردە قايتا قۇرىلىمدالادى – باۋىرجان بايبەك

24 رەت كورسەتىلدى

«Nur Otan» پارتياسى توراعاسىنىڭ ءبىرىنشى ورىنباسارى باۋىرجان بايبەك Facebook جەلىسىندەگى پاراقشاسىندا پارتيانىڭ الداعى كەزەڭگە ارنالعان جوسپارلارىمەن ءبولىستى، دەپ حابارلايدى Egemen.kz.

ونىڭ ايتۋىنشا، 1 ناۋرىزدا «Nur Otan» پارتياسىنىڭ قۇرىلعانىنا 22 جىل تولادى. وسىناۋ ايتۋلى كۇننىڭ قارساڭىندا ەلىمىز بويىنشا مىڭنان استام بەلسەندى ازامات پارتيا قاتارىنا قوسىلدى. ولاردىڭ اراسىندا ازاماتتىق قوعام، ءبىلىم بەرۋ، دەنساۋلىق ساقتاۋ، ونەركاسىپ، مادەنيەت پەن سپورت سالاسىنىڭ وكىلدەرى بار.

«ەلباسى، پارتيا ليدەرى نۇرسۇلتان نازارباەۆ ايتقانداي، نۇروتاندىقتاردىڭ باستى پرينتسيپتەرى – جاۋاپكەرشىلىك، كوماندالىق رۋح جانە پارتيا يدەالدارى مەن قۇندىلىقتارىنا بەرىك بولۋ. ءبىز جارعى تالاپتارىنا سايكەس پارتيالىقتاردىڭ ساپالىق قۇرامىن جاقسارتۋ بويىنشا جۇمىستى جالعاستىرامىز. سونداي-اق پارتيا جاقتاستارىنىڭ ينستيتۋتى كەڭەيتىلەدى»، - دەدى ول.

باۋىرجان بايبەك اتاپ وتكەندەي، الداعى ەلەكتوراتارالىق كەزەڭدە ەلباسى «Nur Otan»-نىڭ جۇمىسىن تولىقتاي قايتا قۇرۋدى جانە سايلاۋالدى ۋادەلەردىڭ ىسكە اسىرىلۋىنا جۇيەلى باقىلاۋدى قامتاماسىز ەتۋدى تاپسىردى.

«پارتيا ليدەرىنىڭ فراكتسيالار جۇمىسىن كۇشەيتۋ جونىندەگى تاپسىرماسىنا سايكەس ءبىزدىڭ دەپۋتاتتاردىڭ قوعامدىق رەيتينگى ەنگىزىلەدى. پارتيالىق تىزىمدەردە رەزەرۆتە تۇرعان 2 مىڭداي ازامات، ساراپشىلار مەن ۇكىمەتتىك ەمەس ۇيىمدار تارتىلا وتىرىپ، پارتيا قوعامدىق كەڭەستەرىنىڭ جۇمىسى جۇيەلى تۇردە قايتا قۇرىلىمدالاتىن بولادى»، - دەپ مالىمدەدى پارتيا توراعاسىنىڭ ءبىرىنشى ورىنباسارى.

سونداي-اق، ول ءوز جازباسىندا «ەلەكتروندى پارتيا» جوباسىن جانداندىرۋ اياسىندا ۇكىمەتپەن بىرلەسىپ ءار ءوڭىر، قالا جانە اۋدان بويىنشا سايلاۋالدى باعدارلامالار شەڭبەرىندەگى جول كارتالارىن ىسكە اسىرۋعا مونيتورينگ جۇرگىزۋ ءۇشىن تسيفرلىق پلاتفورما ازىرلەنەتىنىن ايتتى.

«پارتيا ليدەرى ايتقانداي، «Nur Otan»-نىڭ اپپاراتى پاندەميا كەزەڭىندە تۇرعىندارمەن ناقتى جۇمىس جۇرگىزۋگە باعدارلانۋى ءتيىس. ەل كولەمىندەگى 234 قوعامدىق قابىلداۋ بولمەسى ءوزارا ارەكەت جاساۋدىڭ پرواكتيۆتى فورماتىنا كوشۋى ءتيىس. ونىڭ ىشىندە الەۋمەتتىك جەلىلەر دە قامتىلۋى قاجەت. وسىعان بايلانىستى العا قويىلعان جاڭا مىندەتتەر ەسكەرىلە وتىرىپ، قوعام قايراتكەرى ءاليا سادىرباەۆا پارتيانىڭ رەسپۋبليكالىق قوعامدىق قابىلداۋ بولمەسىنىڭ باسشىسى بولىپ تاعايىندالدى. ونىڭ زاڭ جانە قوعامدىق ۇيىمدار سالاسىندا 20 جىلدان استام جۇمىس تاجىريبەسى بار»، - دەپ جازدى باۋىرجان بايبەك.

سونىمەن قاتار، سوڭعى جىلدا بىزگە 393 مىڭنان استام ءوتىنىش كەلىپ تۇسكەنى ايتىلدى. بۇل – 2019 جىلمەن سالىستىرعاندا 2 ەسە كوپ. 5 جىل ىشىندە پارتياعا 1،2 ملن. ادام جۇگىنسە، ونىڭ ىشىندە 423 مىڭنان استامى – ونلاين-فورماتتا. ولاردىڭ 92%-ءى وڭ شەشىمىن تاپتى، تەگىن كونسۋلتاتيۆتىك، قۇقىقتىق جانە وزگە دە كومەك كورسەتىلدى.

سوڭعى جاڭالىقتار

كوز تويمايتىن كوتتەدج قالاشىعى

ايماقتار • بۇگىن، 08:33

تىلەۋلى باتىردىڭ قانجارى

رۋحانيات • بۇگىن، 08:30

تۇقىمباقتاعى تىندىرىمدى ءىس

ايماقتار • بۇگىن، 08:22

بىرلىگى جاراسقان ەلمىز

پىكىر • بۇگىن، 08:10

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

امانات ارقالاعاندار

رۋحانيات • بۇگىن، 07:31

2020: مۋزەيگە قانشا ادام باردى؟

رۋحانيات • بۇگىن، 07:29

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

ۇقساس جاڭالىقتار