ەكولوگيا • 26 اقپان، 2021

ەكولوگيا ۆيتسە-ءمينيسترى جۇمىس ساپارىمەن قىزىلوردا وبلىسىندا بولدى

16 رەت كورسەتىلدى

ەكولوگيا، گەولوگيا جانە تابيعي رەسۋرستار ۆيتسە-ءمينيسترى سەرىك قوجانيازوۆ جۇمىس ساپارىمەن ءوڭىردىڭ بيىلعى جىلعى ۆەگەتاتسيالىق كەزەڭگە دايىندىعىن ءبىلۋ، «قازسۋشار» رمك قىزىلوردا وبلىسى فيليالىنىڭ بۇگىنگى كۇنى اتقارىپ جاتقان جۇمىستارىمەن تانىسۋ، سونداي-اق وبلىستاعى باسقا دا ماسەلەلەردى زەردەلەۋ ماقساتىندا قىزىلوردا وبلىسىنا باردى، دەپ حابارلايدى Egemen.kz.

وتكەن 2020 جىلى وڭتۇستىك وڭىرلەردەگى وزەندەردە سۋدىڭ مولشەرى از بولىپ، ونىڭ سۋارمالى ەگىنشىلىككە اسەر ەتكەنى دە جاسىرىن ەمەس. وسىنداي جاعداي ورىن الماس ءۇشىن ۆيتسە-مينستر قىزىلوردا وبلىسىنىڭ 2021 جىلعا ۆەگەتاتسيالىق كەزەڭگە دايىندىعىن پىسىقتادى.

«سۋ شارۋاشىلىعى جاعدايىن ەسكەرە وتىرىپ، بيىلعى جىلعا جوسپارلانعان كۇرىش القابىنىڭ كولەمىن 84،4 مىڭ گەكتاردان اسىرماۋ جانە سۋ ۇنەمدەۋ تەحنولوگيالارىن ەنگىزۋ ماسەلەسىن جانداندىرۋ قاجەت»،- دەپ اتاپ ءوتتى سەرىك قوجانيازوۆ.

ءوز كەزەگىندە «قازسۋشار» رمك قىزىلوردا وبلىسى فيليالىنىڭ باسشىسى حاميت بەيىمبەتوۆ وسىعان وراي، فيليال تاراپىنان وبلىستىق اۋىل شارۋاشىلىعى باسقارماسىنا جانە اۋدان اكىمدىكتەرىنە بيىلعى جىلى ەگىلەتىن ەگىس كولەمىن ينديكاتيۆتىك جوسپاردان اسىرماۋ قاجەتتىگى جونىندە ەسكەرتۋ حاتتار جىبەرىلىپ، ارتىق ەگىلگەن ەگىستىك ءۇشىن سۋ جەتكىزىپ بەرۋ قىزمەتىنە شارت جاسالمايتىنىن جەتكىزدى.

ەكولوگيا ۆيتسە-ءمينيسترى «قازسۋشار» رمك قىزىلوردا وبلىسىنداعى فيليالىندا بولىپ، شارۋاشىلىق كانالدارى مەن مەحانيكالىق تازارتۋ جۇمىستارىن دا پىسىقتادى.

«قازسۋشار» رمك فيليالىنىڭ باسشىسى «ەگىستىككە سۋ بەرۋ ناۋقانىنا دەيىن 21،9 شاقىرىم كانالعا مەحانيكالىق تازالاۋ جۇمىستارى (كەلىنتوبە ماگيسترالدى كانالى (قورجىن ۋچاسكەسى)، شيەلى اۋدانى و-2، ر-10، ر-7 كانالدارىندا تازالاۋ جۇمىستارى جۇرگىزىلۋدە) ورىندالۋدا»، دەپ ءسوزىن جەتكىزدى.

سونىمەن بىرگە ۆيتسە-مينيستر «ارال-سىرداريا باسسەيندىك ينسپەكتسياسى» رمم، «قىزىلوردا-1 يرريگاتسيالىق-درەناجدىق جۇيەسى»، «قىزىلوردا وبلىسىنىڭ قىزىلوردا سۋ تورابىن قايتا جاڭارتۋ» جانە وڭىردەگى وزگە دە سۋ شارۋاشىلىعى نىساندارىنا بارىپ، سۋدى پايدالانۋشى شارۋالاردىڭ كوكەيكەستى ماسەلەلەرىن تىڭدادى.

سونداي-اق، سەرىك قوجانيازوۆ سۋ رەسۋرستارى كوميتەتىنە ايتەك سۋ تورابىنداعى جوندەۋ جۇمىستارىن بيىلعى جىلعى 10 ساۋىرگە دەيىنگى مەرزىمدە اياقتاۋ، «كوكارال بوگەتىن ساقتاپ قالۋ جانە سىرداريا وزەنىنىڭ اتىراۋىن قالپىنا كەلتىرۋ» جانە «قىزىلوردا وبلىسىنىڭ قاراوزەك اعىسىنداعى سۋدى شوعىرلاندىرۋ ءۇشىن سۋ قويماسىن سالۋ» جوبالارىن، اعىمداعى جىلى باستاۋ بويىنشا شارالار قابىلداۋ سياقتى مىندەتتەر قويدى.

ءىسساپار سوڭىندا قىزىلوردا وبلىسى بويىنشا جۇمىس ساپارىنىڭ حاتتاماسى تولتىرىلىپ، وڭىردەگى سۋ شارۋاشىلىقتارى نىساندارىنا، قازسۋشار فيليالىنا، سونداي-اق سۋ رەسۋرستارى كوميتەتىنە بىرقاتار تاپسىرمالار بەرىلدى.

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار