ايماقتار • 25 اقپان، 2021

الماتىلىقتار كولىكتى تاعى ءبىر اۆتو ورتالىقتا قايتا راسىمدەي الادى

24 رەت كورسەتىلدى

1 ناۋرىزدان باستاپ الماتىلىقتارعا كولىكتى قايتا تىركەۋ ءۇشىن قالا سىرتىنا شىعۋ قاجەت بولمايدى. بۇرىن №1 مامانداندىرىلعان حقو-دا  (سايالى شاعىن اۋدانى) كولىك قۇرالدارىن ساتىپ الۋ-ساتۋدى راسىمدەۋ بويىنشا قىزمەت كورسەتكەن بارلىق وپەراتورلار «Avtodom» اۆتوكەشەنىنىڭ عيماراتىنا كوشىرىلەدى. وسىعان بايلانىستى 27 اقپاندا №1 مامانداندىرىلعان حقو قىزمەت كورسەتپەيدى، دەپ حابارلايدى Egemen.kz

وسى جىلدىڭ باسىندا «Avtodom» ساۋدا ورتالىعىندا شاعىن بۇرىش اشىلدى، وندا كولىكتى قايتا تىركەۋ قىزمەتىن تەك ءبىر وپەراتور عانا ۇسىنعان بولاتىن. مەملەكەتتىك كورپوراتسيا بۇل بۇرىشتى كەڭەيتىپ، اۆتو حقو-نىڭ تولىققاندى سەكتورىنا اينالدىرۋ تۋرالى شەشىم قابىلدادى.

– ءبىز حالىق ەڭ كوپ باراتىن مامانداندىرىلعان حقو جۇكتەمەسىن ازايتىپ، الماتىلىقتار ءۇشىن قايتا تىركەۋ قىزمەتىن ىڭعايلى جەردەن الا الاتىنداي ەتۋ ماڭىزدى بولدى. جاڭا لوكاتسيا قالا سىرتىنا شىقپاي-اق، ساتىپ الىنعان ماشينانى قايتا راسىمدەۋ پروتسەسىن جەدەلدەتۋگە مۇمكىندىك بەرەدى. ءبىز تىركەۋ ءبولىمىنىڭ 50 مامانىن وسى سەكتورعا كوشىرۋدى جوسپارلاپ وتىرمىز، - دەيدى مەملەكەتتىك كورپوراتسيانىڭ باسقارما توراعاسى ءادىل قوجىقوۆ.

پاندەمياعا قاراماستان، حالىققا قىزمەت كورسەتۋ ورتالىقتارى كليەنتتەرىنىڭ سانى ازايعان جوق. بىلتىر الماتىلىقتارعا اۆتوكولىكتەردى قايتا تىركەۋ بويىنشا 608 مىڭ قىزمەت كورسەتىلدى، بۇل رەسپۋبليكا بويىنشا كورسەتىلگەن قىزمەت كولەمىنىڭ 24%-ى.

سايالى ىقشام اۋدانىنداعى №1 مامانداندىرىلعان حقو-دا الماتىلىقتار بۇرىنعىداي جۇرگىزۋشى كۋالىگىن راسىمدەۋگە بايلانىستى مەملەكەتتىك قىزمەتتەردى الۋدى جالعاستىرا بەرەدى. اتاپ ايتقاندا، تەوريالىق، پراكتيكالىق ەمتيحانداردى تاپسىرۋ، جۇرگىزۋشى كۋالىگىن جوعالۋىنا جانە مەرزىمىنىڭ اياقتالۋىنا بايلانىستى اۋىستىرۋ، قوسىمشا جۇرگىزۋشى كاتەگورياسىن الۋ جانە تاعى باسقا قىزمەتتەر.

جۇرگىزۋشى كۋالىگىن الۋ كەزىندە پراكتيكالىق ەمتيحان تاپسىرۋ جانە مەديتسينالىق تەكسەرۋدەن ءوتۋ سايالى جانە كەمەل شاعىن اۋداندارىنىڭ مامانداندىرىلعان حالىققا قىزمەت كورسەتۋ ورتالىقتارىندا جۇزەگە اسىرىلادى. بۇدان باسقا، اۆتوكولىكتى راسىمدەۋ بويىنشا شاعىن بۇرىشتار ALLUR AUTO، Astana Motors جانە Aster Auto سالوندارىندا جۇمىس ىستەيدى. الماتىدا بارلىعى 5 اۆتو حقو جۇمىس ىستەيدى.

ەستەرىڭىزگە سالا كەتەيىك، ازاماتتار اۆتوقىزمەتتەردى ونلاين تۇردە eGov.kz جانە kaspi.kz قوسىمشاسى ارقىلى دا راسىمدەي الادى. 

 

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار