ء«وڭىر تۇرعىندارىنا ءموبيلدى بايلانىس وپەراتورلارىنىڭ كومەگىمەن اۋا-رايىنىڭ قولايسىزدىعى تۋرالى داۋىلدى ەسكەرتۋ تۋرالى سمس-حابارلاما جىبەرىلدى. سوعان قاراماستان, 22 اقپاندا ساعات 20:17-دە مال ىزدەۋگە شىققان ازاماتتىڭ ۇيىنە ورالماعانى تۋرالى حابار ءتۇستى. ماقات اۋداندىق توتەنشە جاعدايلار ءبولىمىنىڭ قىزمەتكەرلەرى جەرگىلىكتى اتقارۋشى ورگاندارمەن بىرگە ىزدەستىرۋ جۇمىسىن جۇرگىزدى. سونىڭ ناتيجەسىندە 23 اقپاندا ساعات 00:44-تە «ماقات-يندەر» تەمىر جولىنىڭ 20-شى شاقىرىمىنان جوعالعان ازامات تابىلىپ, ۇيىنە جەتكىزىلدى» دەپ ءمالىم ەتتى دەپارتامەنتتىڭ ءباسپاسوز قىزمەتىنەن.
سول كۇنى ساعات 19:08-دە جىلىوي اۋدانىندا 4 جولاۋشىسى بار كولىك جولدا تۇرىپ قالعان. قۇتقارۋشىلار ساعات 20:32-دە قۇلسارى قالاسىنان 15 شاقىرىم قاشىقتان «نيۆا» اۆتوكولىگىن تاۋىپ, جولاۋشىلاردى ۇيىنە جەتكىزدى.
«اۋا-رايىنىڭ قولايسىزدىعىنا بايلانىستى 23 اقپاندا ساعات 17:00-دە بارلىق باعىتتاعى رەسپۋبليكالىق, وبلىستىق ماڭىزى بار اۆتوجولدى جابۋ تۋرالى شەشىم قابىلداندى. بىراق, ەسكەرتۋلەرگە قاراماستان, ادامدار جوعالىپ, تەحنيكالاردىڭ دجولدا تۇرىپ قالعانى تۋرالى دەرەكتەر تىركەلدى. ماسەلەن, قىزىلقوعا اۋدانىنداعى ساعىز ستانتسياسىنان 10 شاقىرىم جەردە قار كەپتەلىسىندە 3 جۇك, 8 جەڭىل اۆتوكولىك قالعان. بۇلاردا 34 ادام بولعان, ونىڭ 5 ء–ۋى كامەلەتكە تولماعان بالالار. توتەنشە جاعدايلار دەپارتامەنتىنىڭ قىزمەتكەرلەرى كولىكتەردى تازارتىلعان ۋچاسكەگە, ادامداردى ەلدى مەكەندەرگە جەتكىزدى» دەپ حابارلادى ءباسپاسوز قىزمەتىنەن.
سونداي-اق, 23 اقپاندا يساتاي اۋدانىندا تۇراتىن 41 جاستاعى ازامات 2006 جانە 2007 جىلى تۋعان بالالارىمەن باتىس قازاقستان وبلىسىنا بارۋ ءۇشىن قارا جولمەن (توتە جول) شىعىپ كەتكەن. بىراق, ولاردان ەشقانداي حابار بولماعان. سول سەبەپتەن, ىزدەستىرۋ-قۇتقارۋ توپتارى قۇرىلعان. جوعالعان ازامات بالارىمەن بىرگە 24 اقپاندا ساعات 15:30-دا اۋدان ورتالىعى – اققىستاۋ اۋىلىنان 80 شاقىرىم جەردەگى «ناسيحات» قىستاعىنان تابىلدى.
«اتىراۋ وبلىسىندا اۋا-رايىنىڭ قولايسىزدىعىنا بايلانىستى تۇرعىنداردىڭ جوعالۋ دەرەگى كوبەيدى. تەك 17-24 اقپاندا قار قۇرساۋىندا قالعان 63 ادام (58 ەرەسەك ادام, 5 بالا) قۇتقارىلىپ, قاۋىپسىز جەرگە جەتكىزىلدى. سونداي-اق, قار قۇرساۋىندا توقتاپ قالعان 10 تەحنيكاعا كومەك كورسەتىلدى» دەپ ءمالىم ەتتى ءباسپاسوز قىزمەتىنەن.
