قوعام • 25 اقپان، 2021

شىمكەنتتىك ۇستاز – رەسپۋبليكادا ۇزدىك اتاندى

101 رەت كورسەتىلدى

ادال ەڭبەگىمەن ەلگە تانىلعان ادامدار قاي سالادا دا كەزدەسەدى. بۇكىل ءبىر اۋلەتتىڭ اتادان بالاعا بەرىلەتىن كاسىبى ارقىلى ەلدىڭ قۇرمەتىنە بولەنۋى سول ەڭبەكتىڭ اقتالعانىن كورسەتسە كەرەك. سونداي وتباسىنىڭ ءبىرى – شىمكەنت قالاسىندا تۇراتىن جۇنىسبەكوۆتەر اۋلەتى.

ۇل ۇلكەن وتباسىن قالا تۇرعىندارى «ۇستازدار ديناستياسى» دەپ اتاپ كەتكەن. وسىنداي وتباسىدا تۋىپ، وسكەن دانا جۇنىسبەكوۆا بۇگىندە م. ح. دۋلاتي اتىنداعى ءۇش تىلدە وقىتاتىن № 8 مامانداندىرىلعان گيمنازيادا فيزيكا پانىنەن ۇستازدىق ەتەدى. 

دانانىڭ بۇل ماماندىقتى تاڭداۋعا اكەسى دۇيسەباي جۇنىسبەكوۆ سەبەپ بولعان. اكەسى 35 جىلدان استام ۋاقىت فيزيكا پانىنەن ساباق بەرۋمەن بىرگە مەتوديكالىق قولدانبالار، وقۋلىقتار جازعان. بولاشاقتا بۇل ەڭبەكتەردى ءوز بالالارى قولدانۋدى ارمانداپ، وزىنەن وربىگەن پەرزەنتتەرىن ءبىلىم سالاسىنا باعىتتاعان. 

اكە تىلەگى ورىندالىپ، بەس پەرزەنتى اعارتۋ جولىن تاڭدادى. دانا دۇيسەبايقىزى جانە باۋىرلدارى اكە جولىنىڭ ىزىمەن شىمكەنت قالاسىنداعى مەكتەپتەردە ۇستازدىق ەڭبەكتەرىن ادال اتقارىپ كەلەدى. 

دانا دۇيسەبايقىزى - ءوز ءىسىنىڭ ناعىز مامانى، زامان تالابىنا ساي ءبىلىمدى، بىلىكتى، شىعارماشىل ۇستاز. ول قر ءبىلىم جانە عىلىم مينيسترلىگىنىڭ 1-دارەجەلى ديپلومىمەن، رەسپۋبليكالىق كيو وليمپياداسىنىڭ بىرنەشە رەت جەڭىمپازى، «نيۋتون» وليمپياداسىنىڭ «العىس حاتىمەن» جانە  2018 جىلى ەلىمىزدىڭ «ۇزدىك پەداگوگ-2018» توسبەلگىسىمەن ماراپاتتالعان. 

رەسپۋبليكالىق، قالالىق سەمينار ساباقتار بارىسىندا وزىندىك ءىس-تاجىريبەسىمەن دە ءبولىسىپ وتىراتىن جاڭاشىل ۇستاز – Youتube جەلىسىندە «فيزيكا. تەوريا. پراكتيكا» كانالىنا جاريالاپ وتىرادى. قازىرگى تاڭدا Youتube كانالىنداعى ساباقتاردى مەتوديكا رەتىندە قولدانۋشى ۇستازدار سانى ارتىپ كەلەدى. 

وتكەن جىلى ەلىمىزدە مۇمكىندىگى شەكتەۋلى بالالارعا ەرىكتى تۇردە ۇستازدىق ەتكەنى ءۇشىن رەسپۋبليكالىق «پەداگوگتار اكادەمياسى» قوعامدىق بىرلەستىگى ۇيىمداستىرعان «جىل ۆولونتەرى» بايقاۋىندا ء«بىلىمدى ايگىلەۋدەگى ۇلەسى ءۇشىن» نوميناتسياسى بويىنشا ۇزدىك اتاندى. 

د.جۇنىسبەكوۆا بالالاردىڭ قابىلەتىن ۇشتاۋ ماقساتىندا 2012-2016ج.ج. ارالىعىندا 7،9،10،11-سىنىپتارعا ارنالعان «فيزيكا» وقۋ – ادىستەمەلىك قۇرالدارىن جازعان. سونىمەن بىرگە، 8-سىنىپقا ارنالعان «وزىندىك جانە باقىلاۋ جۇمىستارى» جيناعىنىڭ اۆتورى.

سوڭعى جاڭالىقتار

سۇيىسپەنشىلىك ساباعى

ايماقتار • بۇگىن، 12:15

ەلوردادا كۇن جىلىنا باستايدى

ايماقتار • بۇگىن، 10:57

تۇرمەگە كىتاپ سىيلادى

ايماقتار • بۇگىن، 10:10

جاقسىنىڭ اتى ولمەيدى...

رۋحانيات • بۇگىن، 08:31

تەڭدىك ءتۇبى – بىرلىك

ەلباسى • بۇگىن، 08:03

جەكە كۋالىكتىڭ قاجەتى بولمايدى

ساياسات • بۇگىن، 07:47

تالدىنىڭ ماڭىن تازارتتى

رۋحانيات • بۇگىن، 07:38

جول ۇستىندەگى مۇزتاۋ

وقيعا • بۇگىن، 07:34

تالدىقۇدىق نەدەن تارىقتى؟

ايماقتار • بۇگىن، 07:33

جاھاندانۋ جايى وزەكتى

قوعام • بۇگىن، 07:24

حالىقارالىق شارتتار قارالدى

پارلامەنت • بۇگىن، 07:14

تاميلانىڭ تارتۋى

ونەر • كەشە

مۋتاتسيالانعان ۆيرۋس

مەديتسينا • كەشە

ۇقساس جاڭالىقتار