ۆاك وتىرىسىنىڭ قورىتىندىسى بويىنشا مىناداي شەشىمدەر قابىلداندى:
1.7 كۇن بويى «جاسىل ايماقتا» تۇرعان وڭىرلەردە ۇستىمىزدەگى جىلدىڭ 1 ناۋرىزىنان باستاپ رۇقسات ەتىلەدى: تسيركتەردىڭ, بيليارد كلۋبتارىنىڭ, بالالار ويىن-ساۋىق ورتالىقتارىنىڭ جۇمىس ىستەۋىنە – تولىمدىلىعى 30%-عا دەيىن; سپورتتىق ءىس-شارالاردى وتكىزۋگە (30%-عا دەيىن), جۇما نامازىن وقۋعا (30%-عا دەيىن) جانە اس بەرۋ ءراسىمىن وتكىزۋگە (30%-عا دەيىن, 50 ادامنان ارتىق ەمەس).
2. 7 كۇن بويى «سارى ايماقتا» بولعان وڭىرلەردە ۇستىمىزدەگى جىلدىڭ 1 ناۋرىزىنان باستاپ جابىق بازارلاردىڭ (ازىق-ت ۇلىك, ازىق-ت ۇلىك ەمەس), ساۋدا جانە ويىن-ساۋىق ورتالىقتارىنىڭ, ساۋدا ۇيلەرىنىڭ, ساۋدا جەلىلەرىنىڭ جەكسەنبى كۇندەرى جۇمىس ىستەۋىنە رۇقسات ەتىلەدى.
3. مونيتورينگتىك تەكسەرۋ قورىتىندىسى بويىنشا ءبىلىم بەرۋ ۇيىمدارىندا سانيتارلىق-ەپيدەميالىق تالاپتاردىڭ بۇزىلۋ فاكتىلەرىنىڭ كوپ مولشەرى تىركەلگەن ماڭعىستاۋ, قوستاناي جانە جامبىل وبلىستارىن قوسپاعاندا, بارلىق وبلىستاردا ۇستىمىزدەگى جىلدىڭ 1 ناۋرىزىنان باستاپ 1-5 سىنىپتاردىڭ, حالىقارالىق مەكتەپتەردە 1-7 سىنىپتاردىڭ وقۋشىلارىن ارالاس وقىتۋعا رۇقسات ەتىلەدى.
سونداي-اق يندۋستريا جانە ينفراقۇرىلىمدىق دامۋ مينيسترلىگىنىڭ تۇركيامەن (قوسىمشا 4 رەيس), وزبەكستانمەن (+4 رەيس), قىرعىزستانمەن (+2 رەيس) جانە ۋكراينامەن (+1 رەيس) حالىقارالىق اۋە رەيستەرىنىڭ سانىن ارتتىرۋ تۋرالى ۇسىنىسى كوميسسيانىڭ قولداۋىنا يە بولدى. سونىمەن قاتار, دەنساۋلىق ساقتاۋ ءمينيسترى الەكسەي تسوي بيولوگيالىق قاۋىپسىزدىك تۋرالى زاڭ جوباسىن ازىرلەۋ بارىسىن باياندادى.
ءوز كەزەگىندە ۆيتسە-پرەمەر ە.توعجانوۆ اتالعان زاڭ جوباسى بويىنشا بارلىق جۇمىلدىرىلعان مەملەكەتتىك ورگاندارمەن كەلىسۋ جۇمىستارىن جانە بيۋدجەتتىك ەسەپتەردى ەنگىزۋدە بۇعان دەيىن بەكىتىلگەن مەرزىمدەردى ۇستانۋ قاجەتتىگىن اتاپ ءوتتى.
