جاقسى اۋدانىنىڭ پب باستىعىنىڭ ءبىرىنشى ورىنباسارى دانيار يشامبەكوۆ جولدى تەكسەرۋ بارىسىندا “الماتى-ەكاتەرينبۋرگ” اۆتوجولىنىڭ 926 شاقىرىمىندا جولدان شىعىپ كەتكەن “ۆولۆو” ماركالى ۇلكەن جۇك كولىگىن بايقاعان.
جۇك كولىگىنىڭ جۇرگىزۋشىسى بۇرىلۋ كەزىندە كولىكتى باسقارا الماي, كۇرتىك قارعا قۇلاعانىن ايتتى. ول ءوز بەتىنشە شىعا الماعان. بىرنەشە رەت ءوتىپ بارا جاتقان جۇك كولىكتەرىنىڭ جۇرگىزۋشىلەرىنەن كومەك سۇراعانىمەن, ناتيجە بولماعان, ەشكىم اۋىر جۇك كولىگىن شىعارۋعا كومەكتەسپەگەن.
ماسەلەنىڭ اۋقىمدىلىعىن ەسكەرە وتىرىپ, ءتارتىپ ساقشىلارى پروبلەمانى شەشۋگە جول قىزمەتىنىڭ ماماندارىن شاقىردى. الايدا تارتىلعان تروستار كولىكتىڭ سالماعىمەن ۇزىلە بەردى. تەك ولاردى ىلمەكتى ارقانعا اۋىستىرىپ, جۇك كولىگىن جولعا تارتىپ شىعارۋ مۇمكىن بولدى. جۇك كولىگىنىڭ جۇرگىزۋشىسى پوليتسەيلەرگە العىسىن ايتىپ, جولىن جالعاستىردى.
