جۇزدەگەن ۇسىنىستار اراسىنان الماتى قالاسىنىڭ تۇرعىنى ۇسىنعان نۇسقا تاڭدالدى.
زووباق اكىمشىلىگىنىڭ حابارلاۋىنشا, ەسىمدى تاڭداۋ بارىسىندا جەلى قولدانۋشىلارىنىڭ پىكىرلەرى ەسەپكە الىندى. امۋر جولبارىستارى تۋرالى جاريالانعان پوستقا شامامەن 400 پىكىر كەلىپ ءتۇستى.
«ەسىمدەردى تاڭداۋ وڭاي بولمادى, بىراق «جىرتقىش سۇتقورەكتىلەر» ءبولىمىنىڭ قىزمەتكەرلەرى ءوز تاڭداۋىن جاسادى», دەپ اتاپ ءوتتى زووباقتا.
ناتيجەسىندە كىشكەنتاي جولبارىستارعا الان, ارلان جانە تارلان ەسىمدەرى قويىلدى.
جازىلۋشىلارعا ەسىمدەر بىردەن ۇنادى. كوپشىلىگى ولاردىڭ ادەمى ەستىلەتىنىن جانە جولبارىستارعا ساي كەلەتىنىن جازدى.
ايتا كەتەيىك, قاڭتار ايىندا الماتى حايۋاناتتار باعىندا بەنتلي مەن يارگا اتتى جولبارىستار جۇبىندا ءۇش بىردەي كىشكەنتاي ءتول ومىرگە كەلدى.
