قىلمىس 2002 جىلى اقكولا قالاسىندا بولعان. سوت الدىندا 61 جاستاعى ەر ادام جاۋاپقا تارتىلدى. سول كەزدە ونىڭ جاسى 37-گە, ال قۇربانىنىڭ جاسى 29-عا تولعان ەدى.
«ايەل تۇندە جولدا كەلە جاتىپ, ۇيىنە جەتۋ ءۇشىن كولىكتەردى توقتاتقان. ايىپتالۋشى ونى ۇرىپ-سوققان, ستاديون اۋماعىنا اكەتىپ, زورلىق كورسەتتى, دەنەسىن تەمەكىمەن كۇيدىرگەن», دەپ حابارلادى سوت.
قىلمىس ەرەكشە قاتىگەزدىكپەن جاسالعان: ەر ادام قۇربانىنىڭ اۋزىنا شىرشا شوقتارى مەن توپىراق سالعان, سودان كەيىن ونى كوشەدەگى دارەتحاناعا تاستاپ كەتكەن. ساراپتاما كورسەتكەندەي, ايەل تىنىس الۋ جولدارىنىڭ جابىلۋىنان قايتىس بولعان.
اكەسىن سوققىعا جىققان ازاماتتىڭ ءىسى: سوت ايىپتالۋشىعا قاتىستى ۇكىمدى وزگەرتتى
سوت ماتەريالدارىندا ەر ادامنىڭ بۇرىن بىرنەشە رەت جاۋاپقا تارتىلعانى ەسكەرىلدى. ۇكىم بويىنشا وعان 22 جىل باس بوستاندىعىنان ايىرۋ جازاسى تاعايىندالىپ, قۇربانىنا 10 ملن تەڭگە مورالدىق زيان وتەۋ مىندەتتەلدى.
قازىرگى ۋاقىتتا ۇكىم ءالى زاڭدى كۇشىنە ەنگەن جوق.
