جاڭا تەتىككە سايكەس, تىزىمدەگى ماماندىق يەلەرىنە قازاقستاندا تۇراقتى تۇرۋعا رۇقسات الۋ مۇمكىندىگى قاراستىرىلعان. بۇل شەشىم ەل ەكونوميكاسى ءۇشىن باسىم باعىتتاردا مامان تاپشىلىعىن ازايتۋعا باعىتتالعان.
Enbek.kz پورتالىنىڭ مالىمەتىنشە, مەديتسينا سالاسىندا اسىرەسە سۇرانىس جوعارى:
-
اكۋشەر-گينەكولوگ – 469 بوس ورىنعا 100 تۇيىندەمە
-
پەدياتر – 448 بوس ورىنعا 139 تۇيىندەمە
-
انەستەزيولوگ-رەانيماتولوگ – 300 بوس ورىنعا 75 تۇيىندەمە
سونىمەن قاتار ونكولوگ, نەوناتولوگ جانە ەندوكرينولوگ ماماندارىنا دا جوعارى سۇرانىس بار.
اتوم ەنەرگەتيكاسى ماماندارى «بولاشاق» باعدارلاماسى اياسىندا ءبىلىم الادى
IT سالاسىندا دا كادر تاپشىلىعى بايقالادى. اتاپ ايتقاندا:
-
قولدانبالى باعدارلاماشىلار – 509 بوس ورىن
-
گرافيكالىق ديزاينەرلەر – 355 بوس جۇمىس ورنى
بىرىڭعاي ەڭبەك شارتتارىن ەسەپكە الۋ جۇيەسىنىڭ دەرەكتەرىنە سايكەس, سۇرانىسقا يە ماماندىقتار بويىنشا 45 مىڭنان استام ەڭبەك شارتى جاسالعان. ونىڭ ىشىندە باعدارلامالىق قامتاماسىز ەتۋ ازىرلەۋشىلەرى, دارىگەرلەر مەن IT ماماندارى باسىم.
سونىمەن بىرگە شەتەلدىك جۇمىسكەرلەرمەن 55 ەڭبەك شارتى راسىمدەلگەن, ولاردىڭ نەگىزگى بولىگى اۆتوماتتاندىرۋ ينجەنەرى ماماندىعىنا تيەسىلى.
جالپى, رەسمي دەرەكتەر ىشكى ەڭبەك نارىعى كوپتەگەن سالالاردا سۇرانىستى قامتاماسىز ەتىپ وتىرعانىن كورسەتەدى. دەگەنمەن, دەنساۋلىق ساقتاۋ سالاسىنداعى كادر تاپشىلىعى ءالى دە وزەكتى ماسەلە بولىپ قالىپ وتىر. ەسكە سالا كەتەيىك بۇعان دەيىن 2022 جىلدان باستاپ مەديتسينالىق جوعارى وقۋ ورىندارىنا تۇسكەن تۇلەكتەر رەزيدەنتۋرانى مىندەتتى تۇردە وتپەي-اق جۇمىس ىستەۋگە رۇقسات بەرىلگەن بولاتىن.
نۇربولات امانبەك
