"ساقتاعان اعامىز سانالى عۇمىرىندا ماعىنالى تىرلىك كەشكەن, قازاق تەاتر ونەرىنىڭ ءورىسىن كەڭەيتىپ, قانات جايۋىنا زور ۇلەس قوسقان ناعىز مايتالمان قايراتكەر, بولمىسى بولەك ازامات ەدى. ۇزاق جىل ىرگەلى ونەر وشاقتارىنا باسشىلىق ەتكەن جايساڭ جان ۇجىمدى دارىندى تۇلەكتەرمەن تولىقتىرۋعا, بىلىكتى رەجيسسەرلەردى قاناتتاندىرۋعا, تالعامپاز كورەرمەنگە مازمۇنى مول دۇنيەلەردىڭ جول تارتۋىنا ەرەن ەڭبەك ءسىڭىردى. زەينەتكە شىقسا دا مەرزىمدى باسىلىم بەتتەرىندەگى سالماقتى ماتەريالدارىمەن وقىرماندى تەاتر əلەمىنەن حاباردار ەتىپ وتىردى.
ونەگەلى ءومىر يەسىنىڭ اسىل بەينەسى تۋعان-تۋىس پەن قالىڭ قازاقتىڭ كوڭىل ءتورى مەن جۇرەك تۇكپىرىندە مəڭگى ساقتالادى.
مارقۇمنىڭ كوزى تىرىسىندە جاساعان يگى-جاقسى امالدارى الدىنان جارىلقاسىن. جاتقان جەرى جايلى, توپىراعى تورقا, الدى پەيىش, ارتى كەنىش بولسىن", دەدى مينيستر.
ساقتاعان تۇرلىمۇراتوۆ - 1933 جىلى 10 تامىزدا قىزىلوردا وبلىسى, سىرداريا اۋدانى, سۇلۋتوبە كىستاعىندا دۇنيەگە كەلگەن. 1955 جىلى تاشكەنت تەاتر-كوركەمسۋرەت ينستيتۋتىنىڭ تەاترتانۋ فاكۋلتەتىن ءبىتىرىپ, 1955 - 1960 جىلدارى قىزىلوردا وبلىس ارالىق كونتسەرت-ەسترادا بىرلەستىگىنىڭ كوركەمدىك جەتەكشىسى, 1960 - 1977 جىلدارى قىزىلوردا وبلىستىق قازاق دراما تەاترىنىڭ ديرەكتورى, 1977-1978 جىلدارى قازاق اكادەميالىق دراما تەاترىنىڭ كارجى جونىندەگى, 1978 -1984 جىلدارى قازىرگى قازاق اكادەميالىق بالالار مەن جاسوسپىرىمدەر تەاترى جانە مەملەكەتتىك اكادەميالىق ورىس بالالار مەن جاسوسپىرىمدەر تەاترىنىڭ ديرەكتورى, 1986 -1993 جىلدارى الماتى قالاسىنداعى قۋىرشاق تەاترىنىڭ ديرەكتورى بولىپ جۇمىس ىستەدى. 1956 جىلدان تەاتر جايلى ماقالالارى وبلىس جانە رەسپۋبليكانىڭ مەرزىمدى باسىلىمدارىندا جاريالاندى. 1993 جىلدان رەسپۋبليكالىق دارەجەدەگى زەينەتكەر. 1968, 1979 جىلدارى قازاقستاننىڭ جوعارعى كەڭەسىنىڭ قۇرمەت گراموتاسىمەن ماراپاتتالعان, 1991 جىلى "قازاقستاننىڭ ەڭبەك سىڭىرگەن مادەنيەت قايراتكەرى" اتاعىن يەلەندى.
