ەلءىمىز پرەزيدەنتىءنىڭ جولداۋىندا جىنىستىق تۇرعىداعى زورلىق-زومبىلىق, پەدوفيليا, ەسىرتكى تاراتۋ, ادام ساۋداسى, ايەلدەرگە قاتىستى تۇرمىستىق كۇش كورسەتۋ جانە جەكە ادامعا, اسىرەسە بالالارعا قاتىستى باسقا دا اۋىر قىلمىستار ءۇشىن شۇعىل تۇردە جازانى قاتايتۋ قاجەت ەكەنى اتاپ ءوتىلگەن بولاتىن.
كوميتەت توراعاسى ۆلاديمير ۆولكوۆ ءوزىنىڭ كىرىسپە سوزىندە بۇگىنگى تاڭدا ناشاقورلىق پروبلەماسى جاھاندىق تۇرعىدا حالىق دەنساۋلىعىنا جانە ەلىمىزدىڭ ۇلتتىق قاۋىپسىزدىگىنە قاتەر توندىرەتىنىن اتاپ ءوتتى.
كەزدەسۋگە قاتىسۋشىلار الدىندا سويلەگەن سوزىندە ىشكى ىستەر ءمينيسترىنىڭ ورىنباسارى قايرات سۇنتاەۆ جالپى قازاقستانداعى ەسىرتكى احۋالى كۇردەلى ەكەنىن, بىراق تۇراقتى بولىپ وتىرعانىن اتاپ ءوتتى. ەسىرتكى قۇقىق بۇزۋشىلىقتارىن, ونىڭ ىشىندە ەسىرتكىنى وتكىزۋ فاكتىلەرىن انىقتاۋ, ۇيىمداسقان ەسىرتكى توپتارىن جويۋ جانە سينتەتيكالىق پسيحوتروپتىق زاتتاردى الىپ قويۋ بولىگىندە وڭ قوزعالىس بايقالادى. سونىمەن قاتار, بىرقاتار وزەكتى ماسەلەلەر دە بار, ولاردىڭ نەگىزگىسى ناشاقورلىقتىڭ الدىن الۋدى جۇيەلى ۇيىمداستىرۋ تەتىگىنىڭ بولماۋى بولىپ تابىلادى.
ىشكى ىستەر مينيسترلىگى ەسىرتكىنى تاراتۋ ءۇشىن پايدالانىلعان 1100-دەن استام ينتەرنەت-سايتتاردى بۇعاتتادى. سونداي-اق وسى ۋاقىت ىشىندە ەسىرتكى جاساۋمەن اينالىساتىن 8 زەرتحانا جويىلدى.
دەپۋتاتتار سونداي-اق ۇلتتىق قاۋىپسىزدىك كوميتەتى مەن دەنساۋلىق ساقتاۋ مينيسترلىگىنىڭ وكىلدەرىن تىڭدادى
"بۇگىن ءبىز ەسىرتكىنىڭ تارالۋىنا قارسى ءىس-قيمىل جاساۋ تەك قۇقىق قورعاۋ ورگاندارىنىڭ عانا ەمەس, مەملەكەتتىك ورگاندار مەن جۇرتشىلىقتىڭ دا كۇش-جىگەرىن تالاپ ەتەتىن ەلەۋلى پروبلەمالاردىڭ ءبىرى ەكەنىن ايقىن تۇسىنۋگە ءتيىسپىز", - دەءدى سەناتور اندرەي لۋكين كەزدەسۋ سوڭىندا.
وتىرىس ناتيجەسى بويىنشا قورىتىندى دايىندالدى, ول ۇكىمەت پەن مەملەكەتتىك ورگاندارعا جىبەرىلەتىن بولادى.
