قازاقستان • 23 اقپان، 2021

اۋە قورعانىسى كۇشتەرىنىڭ اسكەري بولىمدەرىندە كەنەتتەن تەكسەرىس جۇرگىزىلدى

0 رەت كورسەتىلدى

الماتى گارنيزونىنىڭ اسكەري بولىمدەرىندە جاۋىنگەرلىك كەزەكشىلىكتىڭ احۋالىنا، اۋە شابۋىلىنا قارسى قورعانىس جۇيەلەرىن ورىستەتۋگە، اۆياتسيالىق توپتاردىڭ ازىرلىگىنە، اسكەرلەر قىزمەتىنە، جاۋىنگەرلىك دايارلىق پەن ماتەريالدىق-تەحنيكالىق قامتاماسىز ەتۋگە ەرەكشە نازار اۋدارىلدى.

وسىعان بايلانىستى اسكەري بولىمدەر جاۋىنگەرلىك وقۋ-جاتتىعۋ مىندەتتەردى ورىنداي وتىرىپ، جاۋىنگەرلىك دايارلىقتىڭ جوعارى دەڭگەيىنە كەلتىرىلدى. سونىمەن قاتار، بارلىق تەكسەرىلەتىن بولىمشەلەرمەن باقىلاۋ ساباقتارى وتكىزىلدى.

نەت وپيسانيا فوتو.

قاۋىرت تەكسەرۋ بارىسىندا اۋە شابۋىلىنا قارسى قورعانىس اسكەرلەرىنىڭ بولىمشەلەرى قارسىلاستىڭ اۋە ماقساتتارىن انىقتاۋ جانە شارتتى تۇردە جويۋ جونىندەگى ءىس-قيمىلداردى، ال اۆياتسيا بازاسىنىڭ ينجەنەرلىك-تەحنيكالىق قۇرامى مەن قامتاماسىز ەتۋ كۇشتەرى اۆياتسيا تەحنيكاسىن جاۋىنگەرلىك وقۋ-جاتتىعۋ ۇشۋلارىنا دايىنداۋ جونىندەگى ءىس-شارالاردى پىسىقتادى. ۇشۋ قۇرامى ۇشۋ داعدىلارىن، نىساندى دالدەۋ ەپتىلىگىن جانە شارتتى قارسىلاستى جويۋدى، سونداي-اق جاۋىنگەرلىك ۇشۋدى ورىنداۋدى باعالادى.

نەت وپيسانيا فوتو.

- اتالعان تەكسەرۋ الماتى گارنيزونىنىڭ اۋە قورعانىسى كۇشتەرى اسكەري بولىمدەرىنىڭ جەكە قۇرامى ەلدىڭ اۋە شەبىن كۇزەتۋدەگى جۇكتەلگەن مىندەتتەردى ورىنداۋعا دايىن ەكەنىن كورسەتتى. بۇل جەكە قۇرامنىڭ جاۋىنگەرلىك داعدىسىن، اسكەري بولىمدەردىڭ قويىلعان مىندەتتەردى قىسقا مەرزىمدە ورىنداۋعا دايىندىعىن، سونداي-اق جاۋىنگەرلىك دايارلىق دەڭگەيى مەن بولىمشەلەردىڭ ۇيلەسىمدىگىن جان-جاقتى باعالاۋ، - دەدى اۆياتسيا گەنەرال-لەيتەنانتى نۇرلان ورمانبەتوۆ.

كۇتپەگەن جەردەن تەكسەرۋدى قر قك اۋە قورعانىسى كۇشتەرى باس قولباسشىسىنىڭ كوميسسياسى جۇزەگە اسىردى.

نەت وپيسانيا فوتو.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار