ايماقتار • 23 اقپان، 2021

شىمكەنتتە ۇلتتىق ۇلان ساربازى ماراپاتتالدى

3 رەت كورسەتىلدى

شىمكەنتتە قىلمىسكەرلەرگە قارسى كۇرەستە ەرلىك كورسەتكەن ۇلتتىق ۇلان ساربازى پوليتسيا تاراپىنان ماراپاتتالدى.

ۇلتتىق ۇلاننىڭ 6506 اسكەري ءبولىمىنىڭ قىزمەتكەرلەرىنىڭ ساپتىق جيىنىندا شىمكەنت قالاسى پوليتسيا دەپارتامەنتى باستىعىنىڭ ورىنباسارى ا.امزەەۆ 2021 جىلدىڭ 13 اقپان كۇنى كەشكى ۋاقىتتا قىزدى زورلاۋدان قۇتقارىپ قالعان ۇلتتىق ۇلاننىڭ 6506 اسكەري ءبولىمىنىڭ اسكەري قىزمەتكەرى ارتەم كالاشنيكوۆقا العىس ايتىپ، شىمكەنت قپد-ءنىڭ باستىعى ە.جۋماحانبەتوۆتىڭ گراموتاسىمەن ماراپاتتادى.

ايتا كەتسەك، جىبەك جولى كوشەسىمەن ۇيىنە قايتىپ بارا جاتقان قاتارداعى جاۋىنگەر ارتەم كالاشنيكوۆ قىز بالانىڭ كومەك سۇراپ ايقايلاعانىن ەستىگەن. وقيعا ساعات 00.40 شاماسىندا بولعان. اسكەري قىزمەتكەر ويلانباستان قىزدىڭ داۋىسى شىققان جاققا جۇگىرگەن. وقيعا ورنىنا كەلگەن ول قىزدى زورلاماق بولعان ەكى ەر ادامدى كورگەن. ارتەم ولارمەن قويان-قولتىق ۇرىسقا ءتۇسىپ، بىرەۋىن ۇستاپ ۇلگەرگەن، ال ەكىنشى كۇدىكتى قاشىپ كەتكەن.

وقيعا ورنىنا جەدەل تەرگەۋ توبى شاقىرىلىپ، كۇدىكتى شىمكەنت قالاسى ەڭبەكشى اۋدانىنىڭ اپب-نا جەتكىزىلدى.

كۇدىكتىلەردى ۇستاۋ كەزىندە اسكەري قىزمەتكەر ءوزى دە بايقاماي، قولىن جاراقاتتاپ العان. دەگەنمەن پوليتسيا كەلگەنگە دەيىن ەر ادامدى ۇستاپ تۇرعان. اتالعان ءىس بويىنشا قىلمىستىق ءىس جالعاسىپ جاتىر.

2021 جىلدىڭ 22 اقپان كۇنى ەڭبەكشى اپب-نىڭ قىزمەتكەرلەرى ىزدەستىرۋ ءىس-شارالارىن جۇرگىزۋ بارىسىندا ەكىنشى كۇدىكتىنى انىقتاپ، ول شىمكەنت قالاسى پوليتسيا دەپارتامەنتى ەڭبەكشى اۋدانى پوليتسيا باسقارماسىنا جەتكىزىلدى.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار