ايماقتار • 23 اقپان، 2021

داريا ارناسىن اۋەدەن باقىلادى

31 رەت كورسەتىلدى

سىرداريا وزەنىنىڭ ارناسىندا مۇز قاتاتىن قىس پەن سەڭ جۇرە باستايتىن كوكتەمدە وبلىستاعى ءتيىستى قۇرىلىمدار دا، وزەن جاعالاۋىنداعى جۇرت تا قاربالاسقا تۇسەدى. وڭتۇستىك اۋماقتا كۇن جىلىنعان ساتتە لىقسىپ كەلگەن مول سۋ كوكتەم كەش شىعاتىن قارماقشى، قازالى اۋداندارى اۋماعىندا ارنادان اسىپ كەتىپ، ەلدى ابىگەرگە سالاتىن كەزى دە از ەمەس.

وسىدان دا جىل سايىن جەرگىلىكتى اكىمدىكتەر، توتەنشە جاعدايلار قىزمەتى جوسپار ءتۇزىپ، داريا ارناسى تۇراقتى باقىلاۋعا الىنادى. وسى جىلى دا 2020-2021 جىلدارداعى قىسقى-كوكتەمگى كەزەڭدە سىرداريا وزەنىندەگى مول سۋدى قاۋىپسىز وتكىزۋگە دايىندىقتىڭ جوسپارى بەكىتىلگەن.

جوسپارعا سايكەس سۋ تاسقىنىنا قارسى ءىس-شارالارعا وبلىس بيۋدجەتىنەن 266،3 ملن تەڭگە بولىنگەن. ونىڭ 138،2 ملن تەڭگەسى قورعانىس بوگەتتەرىن جوندەۋ مەن قالپىنا كەلتىرۋگە ارنالسا، 10 ملن تەڭگەسى مۇز جارۋعا قارالعان. بەس ميلليون تەڭگەگە جۋىق قارجىعا قاپتار ساتىپ الۋ جوسپارلانىپ، "قازاۆياقۇتقارۋ"اق قىزمەتىنە 113،3 ملن تەڭگە قارالىپ وتىر.

سۋ تاسقىنىنا قارسى جۇمىستارعا 68،6 توننا جانار جاعار ماي، 154 590 دانا قاپ جانە باسقا دا ماتەريالدىق-تەحنيكالىق قۇرالدار قورى قالىپتاستىرىلعان.

اپتا باسىندا وبلىس اكىمى گۇلشارا ابدىقالىقوۆا داريانى تىكۇشاق ارقىلى اۋەدەن باقىلادى. وبلىستىق جۇمىلدىرۋ دايىندىعى باسقارماسىنىڭ باسشىسى مەدەت ۋساين وبلىس باسشىسىنا ارناداعى قازىرگى احۋال تۋرالى باياندادى.

  • بيىل قىستا داريانىڭ وبلىس اۋماعىنداعى بولىگىندە 10-55 سانتيمەتر ارالىعىندا مۇز قاتتى. اۋا رايىنىڭ جىلۋىنا بايلانىستى ءدال قازىر شيەلى اۋدانى قارعالى ەلدى مەكەنى تۇسىندا مۇز ءجۇرىپ جاتىر. وزەن ارناسى جۇيەلى باقىلاۋعا الىنعان، – دەدى باسقارما باسشىسى.

وسىدان كەيىن ءوڭىر باسشىسى جاۋاپتى مەكەمەلەر باسشىلارىنا بىرقاتار تاپسىرمالار بەردى. ونىڭ ىشىندە، سۋ باسۋ قاۋپى جوعارى ايماقتاردا وزەن بويىنا تاۋلىك بويى كەزەكشىلىك ۇيىمداستىرۋدى جانە ارنايى تەحنيكاسى بار جاۋاپتى مەكەمەلەردى بەكىتۋدى تاپسىردى.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار