ءبىلىم • 23 اقپان، 2021

ۇبت-دان شەت ءتىلى الىنىپ تاستالعانى راس پا؟

62 رەت كورسەتىلدى

الەۋمەتتىك جەلىدە مەكتەپ تۇلەكتەرى شەت تىلىنەن ۇلتتىق بىرىڭعاي تەستىلەۋ تاپسىرمايتىنى تۋرالى جانساق پىكىرلەر تاراپ جاتىر، دەپ حابارلايدى Egemen.kz

پىكىر بىلدىرۋشىلەر مەكتەپ تۇلەكتەرىنىڭ ورتا ءبىلىمدى اياقتاي سالىپ، مۇحيت اسىپ كەتەتىنىن جازدى. بۇدان وزگە، تارالىپ جاتقان مالىمەتتە جۋىرلا مەكتەپتەردە بىرقاتار ءپاندى وقىتۋ توقتاتىلادى دەپ ايتىلعان.

«سەبەبى دەنە شىنىقتىرۋ ءپانى – قازاقستاننان قالاي قاشۋدى، گەوگرافيا ءپانى – قاي ەلگە قاشۋعا بولاتىنىن، ال تاريح ءپانى ەلدەن نەلىكتەن قاشۋ كەرەكتىگىن ۇيرەتەدى. ارينە بۇل ءازىل ەكەنى انىق، بىراق ادامداردىڭ كوبى مۇنى شىنايى اقپارات رەتىندە قابىلداعان»، دەيدى جەلى قولدانۋشىلارى.

Stopfake.kz سايتى ءمالىم ەتكەندەي، قازاقستاندا ۇبت-داعى بەيىندىك پاندەر تىزىمىنەن شەت تىلدەرىن جانە باسقا دا پاندەردى الىپ تاستاۋ جوسپارلانباعان.

«ۇبت-دان شەت ءتىلىن جانە باسقا دا پاندەردى الىپ تاستاۋ تۋرالى الەۋمەتتىك جەلىلەر مەن مەسسەندجەرلەردە تاراتىلعان اقپارات شىندىققا سايكەس كەلمەيدى. رەسمي دەرەككوزدەردەن تاراعان اقپاراتتى پايدالانۋىڭىزدى سۇرايمىز» دەلىنگەن ۇلتتىق تەستىلەۋ ورتالىعىنىڭ Instagram-داعى رەسمي پاراقشاسىندا.

«ال ءازىل – رەسەيلىك بلوگەر ۆەرا افاناسەۆانىڭ شەت ءتىلىن بىرىڭعاي مەملەكەتتىك ەمتيحاننان (ۇبت انالوگى) الىپ تاستاۋ تۋرالى جاڭالىق بويىنشا جازعان پوستىنان الىنعان كالكا. رەسەي ءبىلىم مينيسترلىگى ۇستىمىزدەگى جىلدىڭ قاڭتارىندا مىندەتتى بىرىڭعاي مەملەكەتتىك ەمتيحاننان شەت ءتىلىن الىپ تاستاۋ تۋرالى شەشىم قابىلداعان بولاتىن»، دەپ ناقتىلادى Stopfake.kz.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار