«تۇرعىن ءۇي الۋعا كەزەكتە تۇرعان ازاماتتاردىڭ سانى جىل سايىن 50 مىڭعا دەيىن وسۋدە جانە بۇگىنگى كۇنى 548 مىڭ ادامدى قۇرايدى. كەزەكتەگى كوپبالالى وتباسىلاردى, جەتىم بالالاردى, مۇگەدەك بالالارى بار وتباسىلاردى جانە حالىقتىڭ باسقا دا الەۋمەتتىك وسال توپتارىن تابىسى ۇيدەگى ءار ادامعا شاققاندا ەڭ تومەنگى كۇنكورىس دەڭگەيىنەن تومەن بولعان جاعدايدا تۇرعىن ۇيمەن قامتاماسىز ەتۋ جالعا بەرىلەتىن تۇرعىن ءۇيدى سۋبسيديالاۋ تەتىگى ارقىلى جۇزەگە اسىرۋ ۇسىنىلادى. مەملەكەتتىك قىزمەتكەرلەر, بيۋدجەت قىزمەتكەرلەرى, تولىق ەمەس وتباسىلار جانە باسقا دا كەزەكتە تۇرعان ازاماتتاردىڭ تابىس كولەمى ەڭ تومەنگى ءبىر كۇنكورىس دەڭگەيىنەن جوعارى بولسا, جاڭا تۇرعىن ۇيگە جەڭىلدەتىلگەن قارىز الۋ ارقىلى قول جەتكىزەتىن بولادى», دەدى مينيستر.
