ەكونوميكا • 23 اقپان، 2021

Fitch Ratings اگەنتتىگى راستادى

5 رەت كورسەتىلدى

Fitch Ratings رەيتينگ اگەنتتىگى قازاقستاننىڭ كرەديتتىك رەيتينگىن «BBB» دەڭگەيىندە راستادى، بولجام «تۇراقتى».

اگەنتتىكتىڭ پىكىرىنشە، قازاق­ستان­نىڭ تۇراقتى رەيتينگى ەل ەكو­نوميكاسىنىڭ تۇراقتى­لىعى­نىڭ جوعارى دەڭگەيىن كورسەتەدى. رەيتينگ اگەنتتىگى مۇناي باعا­سىنا جانە كوروناۆيرۋس ىندەتى­نىڭ تارالۋىنا بايلانىستى ايقىن­سىز­دىققا قاراماستان، ەلدە مەم­لەكەتتىك قارىزدىڭ تومەن دەڭ­گەيى مەن قولدانىستاعى جانە ىق­تي­مال سىرتقى كۇيزەلىستەردى ازاي­تۋ ءۇشىن قاجەتتى فيسكالدىق رەزەرۆ­تەردىڭ ەداۋىر كولەمى ساقتالىپ وتىرعانىن اتاپ ءوتتى. كرەديتتىك باعالاۋ تۇراقتىلىعىنىڭ وڭ فاكتورى مەملەكەتتىك ينستي­تۋت­تار ساپاسىنىڭ جاقسارتىلۋى بولىپ وتىر.

Fitch رەيتينگ اگەنتتىگى 2020 جىلى ۇلتتىق ەكونوميكانىڭ تۇ­راقتىلىعىن قامتاماسىز ەتۋ­دەگى ناقتى سەكتوردىڭ، ونىڭ ىشىن­دە وڭدەۋ ونەركاسىبىنىڭ، قۇرى­لىس پەن اۋىل شارۋاشى­لىعىنىڭ ءرولىن اتاپ ءوتتى. اگەنتتىكتىڭ با­عا­لاۋى بويىنشا، 2021 جىلى ەكو­نو­ميكانىڭ ءوسۋ قارقىنى 3،5%-دى قۇرايدى. Fitch Ratings اتاپ وتكەندەي، ۇلتتىق بانكتىڭ قۇ­بىل­مالى ايىرباس باعا­مى ساياساتى كۇيزەلىستەردى سىڭىرۋ­گە مۇمكىندىك بەردى، ال تەڭ­گە با­عا­­مى­­نىڭ يكەم­دىلىگى 2014-2015 جىل­دارى مۇناي باعا­سى قۇل­دىرا­عاننان بەرى ەكونو­مي­كالىق ساياسات تەتىگىندە ەلەۋلى جاقسارتۋعا اينالدى.

Fitch Ratings اگەنتتىگى قازاق­ستاننىڭ ەگەمەن كرەديتتىك رەي­تينگىن ودان ءارى ارتتىرۋداعى نەگىزگى فاكتورلار رەتىندە ەكونو­مي­كالىق ساياساتتىڭ بولجام­دى­لىعى مەن تيىمدىلىگىن ۇلعاي­تۋ­عا، سونداي-اق ەل ەكونوميكا­سىن ءارتاراپتاندىرۋ جانە فيس­كال­دىق رەزەرۆتەرىن ءوسىرۋ جونىن­دەگى شارالاردى ىسكە اسىرۋدى جال­عاستىرۋعا باعىتتالعان قۇرى­لىم­دىق ينستيتۋتسيونالدىق رەفور­­­مالاردىڭ ودان ءارى جۇر­گىزى­لۋىن كەلتىرەدى. بۇعان دە­يىن، 2021 جىلدىڭ 17 اقپا­نىندا قازاقستان ەكونوميكاسى­نا قاتىستى كرەديت­تىك پىكىر­دى Moody’s كرەديتتىك اگەنت­تىگى جاريالاعان بولاتىن. جاڭار­تىلعان كرەديتتىك پىكىرگە سايكەس، قازاقستاننىڭ رەيتينگى Baa3 «وڭ» بولجامدى پاندەمياعا دەيىنگى كورسەتكىشتەرىنە ساي كەلەدى.

سوڭعى جاڭالىقتار

«كيىك جاپپاي قىرىلىپ جاتىر»..

ايماقتار • بۇگىن، 14:15

پنەۆمونيادان 5 ادام قايتىس بولدى

كوروناۆيرۋس • بۇگىن، 10:00

شقو-دا تۇرعىندار ەۆاكۋاتسيالاندى

ايماقتار • 09 ءساۋىر، 2021

تاسقىن قاۋپى اۋەدەن زەرتتەلدى

ايماقتار • 09 ءساۋىر، 2021

الماتىدا تاۋ باۋرايى وتقا وراندى

ايماقتار • 09 ءساۋىر، 2021

ۇقساس جاڭالىقتار