بەردىبەك ساپارباەۆ حالىقپەن ەسەپ بەرۋ كەزدەسۋىندە ايتىپ وتكەندەي, ا تالعان جۇمىس ساپارلارى بارىسىندا جەرگىلىكتى تۇرعىندارمەن كەزدەسۋلەر وتكىزىلدى, ولاردىڭ ۇسىنىستارى مەن وتىنىشتەرى تىڭدالدى, جاۋاپتى تۇلعالارعا ءتيىستى تاپسىرمالار جۇكتەلدى.
سونداي-اق, ايماق باسشىسى ەل پرەزيدەنتىنىڭ تاپسىرماسىنا سايكەس حالىقپەن ءتيىمدى كەرى بايلانىس ورناتۋ بويىنشا جۇرگىزىلىپ جاتقان جۇمىستارعا باسا توقتالدى. ماسەلەن, اعىمداعى جىلدىڭ 18 قاڭتارىنان باستاپ وبلىستاعى بارلىق دەڭگەيدەگى اكىمدەردىڭ 378 ەسەپ بەرۋ كەزدەسۋى وتكەن. ولاردا جالپى 29,6 مىڭ تۇرعىن قامتىلعان. وبلىس اكىمى اۋىلدىق وكرۋگتەر مەن اۋدان اكىمدەرىنىڭ 14 ەسەبىنە قاتىستى. حالىقپەن جۇزدەسۋلەردە وزەكتى ماسەلەلەر تالقىلانىپ, تۇرعىندار اكىمدەردىڭ جۇمىسىن وبەكتيۆتى تۇردە باعالاۋعا مۇمكىندىك الدى.
«تۇرعىنداردىڭ ءبىزدىڭ جۇمىسىمىزعا بەرەتىن باعاسى اسا ماڭىزدى. العا قويىلعان مىندەتتەردى ورىنداي الماعان اكىمدەر جاۋاپكەرشىلىككە تارتىلادى. ماسەلەن, بەكتوبە اۋىلىنىڭ تۇرعىندارى ەسەپ بەرۋ كەزدەسۋىندە قاراتوبە اۋىلدىق وكرۋگى اكىمىنىڭ جۇمىسىن سىنعا العان بولاتىن. ناتيجەسىندە ول قىزمەتىنەن بوساتىلدى», دەدى ب.ساپارباەۆ.
