وقيعا ساعات 03:00 شاماسىندا بولعان. ارقالىق قالاسى مەن الۋا سەلوسىنىڭ ارالىعىندا «ۋاز» اۆتوكولىگى سىنىپ قالعان. بوران كۇشەيىپ, قار قالىڭداپ كەتكەن سوڭ جولاۋشىلار قۇتقارۋشىلارعا حابار بەرەدى.
«اۆتوكولىك ىشىندە 2 بالانى قوسقاندا 7 ادام بولعان. تجد ءورت ءسوندىرۋ قىزمەتىنىڭ جەدەل-قۇتقارۋ جاساعى بوراندا قالعان جولاۋشىلاردى ارقالىق قالاسىنا جەتكىزدى. گەنەراتوردىڭ ىستەن شىعۋىنا بايلانىستى اۆتوكولىكتىڭ بۇزىلعانى انىقتالدى», دەيدى ۆەدومستۆونىڭ ءباسپاسوز حاتشىسى ءۋاليحان دوسانوۆ. وبلىستىق تجد تۇرعىندارعا توتەنشە جاعداي كەزىندە قۇتقارۋ قىزمەتىنە («112» تەلەفونى ارقىلى) قوڭىراۋ شالۋ قاجەتتىگىن ەسكەرتەدى.
