بي توبىنىڭ العاشقى قۇرامى 1986 جىلى ءال-فارابي اتىنداعى مادەنيەت ينستيتۋتىنىڭ نەگىزىندە قۇرىلدى. ول كەزدە «قازىنا» ۇلتتىق ساز اسپاپتارىمەن بىرگە بولاتىن. ەڭ العاشقى بي جەتەكشىسى – ساۋلە بالباراكوۆا, ال كوركەمدىك جەتەكشىسى – مارقۇم مۇسا جارقىنبەكوۆ بولعان. 1995 جىلى انسامبل تاراپ, 2003 جىلى ءشامشى قالداياقوۆ اتىنداعى وبلىستىق فيلورمونيا نەگىزىندە قايتا قۇرىلىپ, بي توبىنا قر مادەنيەت قايراتكەرى زاۋرە اجىبەكوۆا جەتەكشىلىك جۇمىسىن باستادى. 2019 جىلدان باستاپ «شىمكەنت قالالىق مادەنيەت ءۇيى» كونتسەرتتىك ۇيىمى» مكقك مەكەمەسىندە قىزمەت اتقارىپ كەلەدى.
زاۋرە بەكەمبايقىزى جەتەكشىلىك ەتەتىن «قازىنا» بي ءانسامبلى تالاي دودالاردى باعىندىرىپ, وبلىستىق, ءتۇرلى رەسپۋبليكالىق, حالىقارالىق جارىستارعا قاتىسىپ وڭتۇستىك ءوڭىرىنىڭ اتىن اسقاقتاتىپ ءجۇر. وسىناۋ قاجىرلى ەڭبەگىن باعالاپ 2018 جىلى قازاقستان رەسپۋبليكاسىنىڭ تۇڭعىش پرەزيدەنتى, ەلباسى ن.نازارباەۆتىڭ جارلىعى بويىنشا “قازاقستاننىڭ ەڭبەك سىڭىرگەن قايراتكەرى” قۇرمەتتى اتاعى بەرىلسە, 2019 جىلى قازاقستان رەسپۋبليكاسى مادەنيەت جانە سپورت ءمينيستىرى العىس حاتىمەن ماراپاتالدى.
ايتا كەتەتىن جايت, رەسەيدىڭ ەكاتەرينبۋرگ قالاسىندا وتكەن حالىقارالىق «رەسەي راۋشانى-2017» ونەر فەستيۆالىندە «قازىنا بي» ءانسامبلىنىڭ سوليستەرى جەكە ورىنداۋشى نوميناتسياسى بويىنشا باس جۇلدەنى جەڭىپ السا, اۋستريا رەسپۋبليكاسىندا 73-ءشى رەت ۇيىمداستىرىلعان حالىقارالىق فەستيۆالدە «تۇمار» جانە «قازىنا» بي توپتارى ۇلتتىق ونەردى پاش ەتىپ كورەرمەن ىقىلاسىنا بولەندى. وسىناۋ قاجىرلى ەڭبەكتىڭ ارقاسىندا كوركەمدىك جەتەكشىنىڭ قوسار ۇلەسى زور ەكەنى بەلگىلى.
