قازاقستان • 18 اقپان، 2021

«ەلوردا جاستارى» تۇرعىن ءۇي باعدارلاماسى ىسكە قوسىلادى

22 رەت كورسەتىلدى

ەلوردادا «Nur Otan» پارتياسى استانالىق فيليالىنىڭ ساياسي كەڭەسى بيۋروسى وتىرىس وتكىزدى. جيىندا نۇر-سۇلتان قالاسى بويىنشا پارتيانىڭ سايلاۋالدى باعدارلاماسىن ىسكە اسىرۋدىڭ 2021-2025 جىلدارعا ارنالعان جول كارتاسى بەكىتىلدى، دەپ حابارلايدى Egemen.kz پارتيانىڭ ءباسپاسوز قىزمەتىنە سىلتەمە جاساپ.

جول كارتاسىندا 10 نەگىزگى سىن-تاۋەكەل انىقتالعان: قولجەتىمدى تۇرعىن ۇيمەن قامتاماسىز ەتۋ; ۇلەستىك قۇرىلىس; الەۋمەتتىك سالا; شەت ايماقتاردى، قوعامدىق كەڭىستىكتەر مەن اۋلالاردى دامىتۋ; گازداندىرۋ; جولدار مەن قوعامدىق كولىك; نوسەر كارىزى مەن تازارتۋ قۇرىلىستارى; ەكولوگيا; قوعامدىق قاۋىپسىزدىك جانە شاعىن جانە ورتا بيزنەستى دامىتۋ.

ەلوردانىڭ كوپتەگەن تۇرعىندارىن الاڭداتىپ وتىرعان وزەكتى ماسەلە – قولجەتىمدى تۇرعىن ۇيمەن قامتاماسىز ەتۋ. بۇل ماسەلەنى شەشۋ ءۇشىن جىل سايىن 10 مىڭ پاتەر سالۋ جوسپارلانۋدا.

«جاستار – ءبىزدىڭ بولاشاعىمىز. ەلوردادا شامامەن 250 مىڭ جاستار تۇرادى. ولارعا جان-جاقتى قولداۋ كورسەتىلەدى. بۇل جۇمىس ىستەيتىن جاستارعا ارنالعان «ەلوردا جاستارى» قالالىق تۇرعىن ءۇي باعدارلاماسىن ىسكە قوسۋ، بيزنەستى دامىتۋعا، وقۋعا جانە سپورتپەن شۇعىلدانۋعا قولداۋ كورسەتۋ»، دەيدى د. كارىبەك.

تۇرعىن ءۇي الاپتارىندا جايلى جانە تولىققاندى ءومىر ءسۇرۋ ءۇشىن 130 كم سۋمەن جابدىقتاۋ جانە سۋ بۇرۋ جەلىلەرى، 85 كم نوسەر كارىزى، ءۇش نوسەر كارىزىن تازارتۋ قۇرىلىستارى كەشەنى، ءبىر قوسالقى ستانتسيا جانە 177 كم ەلەكترمەن جابدىقتاۋ جەلىلەرى سالىنادى. 500 اۋلانى جوندەۋ جانە اباتتاندىرۋ جوسپارلانعان. 

سوڭعى جاڭالىقتار

جىراۋلىق ونەردىڭ جاناشىرلارى

رۋحانيات • بۇگىن، 21:56

Big Tech كومپانيالارىنىڭ قارجىلىق ماسەلەسى

باعدارلامالار • بۇگىن، 21:30

ۇستازى جاقسىنىڭ ۇستامى جاقسى

رۋحانيات • بۇگىن، 18:30

بالقاشتا قار جاۋىپ جاتىر

اۋا رايى • بۇگىن، 15:48

ۇقساس جاڭالىقتار