جۇرتشىلىقتى ساقتاندىرۋ ستاتۋسىمەن قامتاماسىز ەتۋ – ءمامس جۇيەسىندەگى وزەكتى ماسەلەلەردىڭ ءبىرى. 1.02.2021 جىلعى مالىمەت بويىنشا الماتىداعى 1,9 ملن تۇرعىننىڭ 81,5% ساقتاندىرىلعان.
جەرگىلىكتى اتقارۋ ورگاندارىمەن بىرگە جۇرگىزىلىپ جاتقان جۇمىستار وڭ ناتيجەسىن بەرىپ تە جاتىر. ماسەلەن, وتكەن جىلدىڭ 1 تامىزىندا الماتىدا ساقتاندىرىلماعانداردىڭ ۇلەسى 22,6% بولسا, جىل سوڭىندا 15% دەيىن قىسقاردى. بۇگىنگى تاڭدا بۇل كورسەتكىش 18,5% ءوسىپ وتىر.
ءمامس ءۇشىن جارنالار مەن اۋدارىمداردىڭ ءتۇسۋى جالعاسۋدا. ءمامس جۇيەسى ەنگىزىلگەن ساتتەن باستاپ (2017 جىلعى 1 شىلدە) 2021 جىلعى 15 اقپانعا دەيىن 529,1 ملرد تەڭگە ءتۇستى. بارلىق قاراجاتتىڭ بەستەن ءبىر بولىگى بۇرىنعىسىنشا الماتىعا تيەسىلى. جالپى, الماتىدان تۇسكەن تۇسىمدەردىڭ جالپى سوماسى 99,5 ملرد تەڭگەدەن استى. تۇسىمدەردىڭ نەگىزگى بولىگى نەمەسە 79 ملرد تەڭگەدەن استام-بۇل جۇمىس بەرۋشىلەردىڭ اۋدارىمدارى, قالعان 20,5 ملرد تەڭگە-جەكە كاسىپكەرلەر مەن ازاماتتىق-قۇقىقتىق سيپاتتاعى شارتتار بويىنشا جۇمىس ىستەيتىن ادامداردىڭ جارنالارى.
سونداي-اق اي سايىن بجت تولەۋشىلەردىڭ ءوسۋى بايقالادى. 2019 جىلدىڭ باسىنان باستاپ ءوزىن-ءوزى جۇمىسپەن قامتىعان 197 مىڭنان استام الماتىلىق 392,3 ملن تەڭگە كولەمىندە بىرىڭعاي جيىنتىق تولەم تولەگەن.
2021 جىلعا الماتى قالاسىنىڭ دەنساۋلىق ساقتاۋ سالاسىن قارجىلاندىرۋ 186,8 ملرد.تەڭگەنى قۇرادى, ونىڭ ىشىندە تمككك شەڭبەرىندە 109,5 ملرد تەڭگە, ءمامس جۇيەسىندە 77,3 ملرد. تەڭگە. قوردىڭ الماتى قالاسى بويىنشا دەرەكتەر بازاسىندا بارلىعى 317 ءونىم بەرۋشى (جەتكىزۋشى) بار.
اعىمداعى جىلعى 10 اقپانداعى جاعداي بويىنشا الماتى قالاسى بويىنشا تمككك شەڭبەرىندە جانە ءمامس جۇيەسىندە قىزمەتتەر كورسەتۋگە 183 دەنساۋلىق ساقتاۋ سۋبەكتىلەرىمەن جالپى سوماسى 179,2 ملرد تەڭگەگە شارتتار جاسالدى, ونىڭ ىشىندە 44% - مەملەكەتتىك مەنشىك نىسانى, 56% - جەكە مەنشىك يەلەرى.
تمككك شەڭبەرىندە 104,3 ملرد تەڭگە سوماسىنا 152 دەنساۋلىق ساقتاۋ سۋبەكتىلەرىمەن قىزمەتتەر كورسەتۋگە شارتتار جاسالدى, ونىڭ ىشىندە 47% مەملەكەتتىك, 53% جەكە مەنشىك نىسانى. ءمامس جۇيەسىندە 74,9 ملرد تەڭگە سوماسىنا 163 دەنساۋلىق ساقتاۋ سۋبەكتىلەرىمەن شارتتار جاسالدى, ونىڭ 45%-ى مەملەكەتتىك, 55%-ى جەكە مەنشىك نىسانى.
جالپى, ءمامس رەفورماسى حالىقتىڭ دەنساۋلىققا جۇمسايتىن شىعىندارىن قىسقارتۋعا باعىتتالعان. ماسەلەن, ءمامس ىسكە قوسىلعالى بەرى بۇرىن ازاماتتار قالتاسىنان تولەپ كەلگەن باعاسى قىمبات قىزمەتتەر قولجەتىمدى بولا باستادى.
«وتكەن جىلى ساقتاندىرۋ پاكەتى شەڭبەرىندە كورسەتىلگەن كت/مرت, پتر سىندى ت.ب. قىزمەتتەر سانى 2019 جىلمەن سالىستىرعاندا 3 ەسە ارتتى. مىسالى, 2020 جىلى الماتى قالاسى بويىنشا 41 مىڭ 540 كت/مرت جاسالعان. وعان 543,1 ملن تەڭگەدەن استام قاراجات تولەندى. سونىمەن قاتار, ونكولوگيالىق سىرقاتتى انىقتاۋ ماقساتىندا جاسالاتىن 7 مىڭ پەت-دياگنوستيكا قىزمەتى كورسەتىلگەن (پوزيتروندى-ەميسسيوندىق توموگرافيا). وعان 1,2 ملرد تەڭگە تولەندى», دەدى ت.ابىلداەۆ.
ءمامس ەنگىزىلگەلى بەرى مەديتسينالىق رەابيليتاتسياعا, جالپى, مەديتسينالىق كومەكتىڭ بارلىق تۇرلەرىنە بولىنەتىن قاراجات كولەمى ەداۋىر ارتقانى بايقالادى. مىسالى, باستاپقى مەديتسينالىق-سانيتارلىق كومەكتى قارجىلاندىرۋ دەڭگەيى 7%, پروفيلاكتيكالىق تەكسەرۋلەر 162%, كونسۋلتاتيۆتىك-دياگنوستيكالىق قىزمەتتەر 49%, ونكوگەماتولوگيا 17%, گەمودياليز 6%, ستاتسيوناردى الماستىراتىن كومەك 13%, ستاتسيونارلىق كومەك 8%, قالپىنا كەلتىرۋگە باعىتتالعان ەم-دوم 63%, پاللياتيۆتىك كومەك - 12% ءوستى.
