ايماقتار • 18 اقپان، 2021

شىعىس قازاقستاندا سۋ تاسقىنىنا دايىندىق بويىنشا كوميسسيا جۇمىسى باستالدى

16 رەت كورسەتىلدى

4 توپتىڭ قۇرامىندا شقو تجد قۇتقارۋشىلارى، جەرگىلىكتى اتقارۋشى جانە مۇددەلى ورگاندار كوكتەمگى سۋ ەرۋگە دايىندىق دەڭگەيىن انىقتاۋ ءۇشىن شىعىس قازاقستان وبلىسىنداعى بارلىق تاسقىن قاۋىپتى ۋچاسكەلەردى تەكسەرۋدە، دەپ حابارلايدى Egemen.kz.

«كوكتەم ماۋسىمىنداعى سۋ تاسقىنىنا قارسى ءىس-شارالار جوسپارىنا» جانە «سۋ تاسقىنى قاۋپىنىڭ الدىن الۋ جانە جويۋ بويىنشا ءىس-شارالار كەشەنى» جول كارتاسىن جۇزەگە اسىرۋعا سايكەس كوزدەلگەن شارالار ەگجەي-تەگجەيلى تەكسەرىلەدى. شىعىس قازاقستان اۋداندارىنداعى سۋ تاسقىنىن بولدىرماس ءۇشىن جاعالاۋدى بەكىتۋ جانە بوگەتتەردىڭ ءتۇبىن تەرەڭدەتۋ،جوندەۋ، ارنانى تۇزەتۋ جاە وزگە دە جۇمىستاردى تەكسەرىلەدى.

سونىمەن قاتار كوميسسيا سۋ تاسۋى كەزىندە ازاماتتاردى ۋاقىتشا ورنالاستىرۋ ورىندارىنىڭ دايىندىعىن، ججم قورى، ينەرتتى ماتەريالدار مەن تەحنيكانىڭ جاعدايىن دا قاداعالايدى.

تاسقىن قاۋىپتى ورىنداردى تەكسەرۋ ناتيجەسى بويىنشا كوميسسيا «ۇلكەن سۋدىڭ» قاۋپىن بارىنشا ازايتۋ بويىنشا ۇسىنىستار بەرەدى.

«كازگيدرومەت» رمك فيليالىنىڭ اقپاراتى بويىنشا شىعىس قازاقستانداعى قار جابىنىنىڭ بيىكتىگى 7-دەن 56 سم دەيىن.

شىعىس قازاقستاندا كوپجىلعى سينوپتيكتەردىڭ بولجامىنا سايكەس وبلىستا وزەندەردىڭ تاسۋى ادەتتە ناۋرىزدىڭ ەكىنشى ونكۇندىگىنەنباستاپ ماۋسىمنىڭ ەكىنشى جارتىلىسىنا دەيىن جالعاسادى. سۋ دەڭگەيىنىڭ كوتەرىلۋ قارقىندىلىعى جانە بەتكەيلەردە قار ەرۋى اۋا تەمپەراتۋراسىنىڭ كۇرت جوعارىلاۋىنا جانە جاۋىن جاۋى سەبەپتەن ارتۋى مۇمكىن.

جاقىن كۇندەرى شقو اكىمدىگىندە توتەنشە جاعدايلار كوميسسياسىنىڭ وتىرىسى بولادى، وندا تاسقىنعا قالاي قارسى تۇرۋ بويىنشا بارلىق نەگىزگى ماسەلەلەر قاراستىرىلادى.

سوڭعى جاڭالىقتار

دوللار ارزاندادى

قارجى • بۇگىن، 15:58

ۇقساس جاڭالىقتار