ايماقتار • 17 اقپان، 2021

باقىتجان ساعىنتاەۆ: الماتىلىق ىنتىماقتاستىق پاندەميانى تەجەۋگە كومەكتەستى

11 رەت كورسەتىلدى

بۇگىن الماتى اكىمى ب. ساعىنتاەۆ حالىقپەن ەسەپتى كەزدەسۋ كەزىندە كوروناۆيرۋس ينفەكتسياسىنىڭ اۋىزدىقتاۋعا الدىمەن نە كومەكتەسكەنىن اتادى، دەپ حابارلايدى Egemen.kz.

ب. ساعىنتاەۆتىڭ الماتى ديالوگى 2.0 ەسەپتىك كەزدەسۋى ونلاين فورماتتا ءوتىپ جاتىر. قۇجاتتامالىق فيلمدە قالانىڭ 2020 جىلى قالاي ءومىر سۇرگەنى جانە كۇرەسكەنى، قانداي مەجەلەردى باعىندىرعانى، الماتىنىڭ بيىلعى جىلى كانداي ماسەلەلەر بويىنشا جۇمىس جاسايتىنى باياندالادى.

«راسىندا دا ارقايسىمىز ءۇشىن وتكەن جىل شيەلەنىستەردى باعىندىرعان جىل بولدى. الەمدىك پاندەميا ءبىزدىڭ قوعامىمىزدىك ءومىرىن تۇبەگەيلى وزگەرتتى. مەنتاليتەتىمىزگە، ءومىر سۇرۋىمىزگە ىقپال ەتتى. پاندەميا الەۋمەتتىك جانە ەكونوميكالىق سالالارعا كەرى اسەرىن تيگىزدى. بىراق ءبىزدىڭ «الماتى بىرگەمىز» دەگەن سوزدە كورىنىس تاپقان الماتىلىق ىنتىماعىمىز بىزگە پاندەميانى اۋىزدىقتاۋعا كومەكتەستى»، دەپ اتاپ ءوتتى قالا اكىمى باقىتجان ساعىنتاەۆ.

قالا تۇرعىندارىنىڭ اراسىندا ينفەكتسيانىڭ كەڭ تارالۋىنا جول بەرمەۋ ماقساتىندا الماتى اكىمدىگى الەۋەتسىز شىعىنداردان باس تارتىپ، بيۋدجەتتى وڭتايلاندىردى، COVID-19-عا قارسى كۇرەسكە 19 108،4 ملرد تەڭگە ءبولدى. وسىنىڭ ارقاسىندا قىسقا مەرزىم ىشىندە 2 ءمودۋلدى كلينيكا سالىندى، رۆ-90 ينفەكتسيالىق ستاتسيوناردىڭ، پاتولوگواناتوميالىق بيۋرونىڭ قۇرىلىسى اياقتالدى. كلينيكالاردىڭ ماتەريالدىق تەحنيكالىق بازالارى 41،8 ملرد تەڭگەگە نىعايتىلدى. مەديتسينالىق پرەپاراتتار مەن ءدارى-دارمەكتەردىڭ تاپشىلىعىن بولدىرماي تۇراقتىلىق قورىن قۇرۋ ءۇشىن قالالىق بيۋدجەتتەن 10 ملرد تەڭگە ءبولىندى. ونىڭ 5 ملرد ءدارىحانالاردى قامتامامىز ەتۋگە، 5 ملرد اۋرۋحانالار مەن ەمحانالارعا ءبولىندى.

جەدەل جاردەمنىڭ جانە العاشقى مەديكو-سانيتارلىق كومەكتىڭ جۇمىستارى كۇشەيتىلدى. كۇن سايىن 103 پۋلتىنە قالالىقتاردان ءتورت مىڭعا دەيىن قوڭىراۋلار ءتۇسىپ وتىردى. قادامدىق مەديتسينالىق قىزمەتپەن قامتاماسىز ەتۋدىڭ ءۇش جىلدىق قالالىق جوسپارىنىڭ اياسىندا 16 امبۋلاتوريا ىسكە قوسىلدى. جەدەل جاردەم قىزمەتى جاڭا رەانيموبيلدەرمەن قامتاماسىز ەتىلدى. زاماناۋي قۇرىلعىلارمەن جابدىقتالعان 135 جەدەل جاردەم كولىگى ساتىپ الىندى.

كادرلار رەزەرۆى جاساقتالدى. مەديتسينا قىزمەتكەرلەرىنىڭ جالاقىسى 30 %-عا كوتەرىلدى. 50 مىڭنان استام مەديتسينالىق قىزمەتكەرلەرگە 16،7 ملرد كولەمىندە جالاقىلارىنا قوسا ۇستەمە اقى تولەندى. قالالىقتارعا قاشىقتان كەڭەس بەرۋ ءۇشىن تەلەمەديتسينا ورتالىعى قۇرىلدى.

داعدارىسقا قارسى ءتيىمدى شارالاردىڭ ارقاسىندا ينفەكتسيانىڭ كەڭ تاراۋىنا، ءولىم-جىتىمگە توسقاۋىل قويىلىپ، ۆاكتسينالاۋدىڭ باستالۋىنا دەيىن ۋاقىتتى جەڭۋگە مۇمكىندىك تۋدى. الماتىدا 2021جىلدىڭ اقپانىندا حالىقتى جاپپاي ۆاكتسينالاۋدىڭ اۋقىمدى ناۋقانى باستالدى.

«قالا پاندەميانى لايىقتى جەڭىپ كەلەدى. بۇگىنگى كۇنى الماتى جاسىل ايماقتا. بۇل ءبىز قۇرعان جۇيەلەر مەن قابىلداعان شەشىملەردىڭ تيىمدىلىگىن كورسەتەدى»، دەدى ب. ساعىنتاەۆ. ول COVID-19-عا قارسى باستالعان ۆاكتسينالاۋدىڭ قالا ءومىرىن قالپىنا كەلتىرۋگە جانە پاندەميادان كەيىن ەكونوميكانى قايتا جاڭعىرتۋعا وڭ ىقپال ەتەتىنىن اتاپ ءوتتى.

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

ۇقساس جاڭالىقتار