قازاقستان • 17 اقپان، 2021

قورعانىس مينيسترلىگىندە «اسكەري قۇرىلىس استانا» جشس قىزمەتىنىڭ ماسەلەسى قارالدى

26 رەت كورسەتىلدى

قورعانىس ءمينيسترى «اسكەري قۇرىلىس» اق جانە «اسكەري قۇرىلىس استانا» جشس باسشىلىعىنىڭ قاتىسۋىمەن كەڭەس وتكىزىپ، وندا ولاردىڭ قوسالقى مەردىگەرلەر الدىنداعى بەرەشەكتەرىن جويۋ جولدارى تالقىلاندى.

بۇگىندە 2020 جىلى قورعانىس مينيسترلىگىنىڭ وبەكتىلەرىن سالۋ جانە جوندەۋ جۇمىستارىن جۇرگىزۋگە اشىق كونكۋرستا جەڭىپ العان «اسكەري قۇرىلىس استانا» جشس-نىڭ («اسكەري قۇرىلىس» اق ەنشىلەس ۇيىمى) جەكەلەگەن جۇمىستاردى كورسەتۋگە شارت جاساسقان قوسالقى مەردىگەر ۇيىمداردىڭ الدىندا قارىزدارى بار ەكەنى كەڭەستە ايتىلدى.

قولدانىستاعى زاڭناماعا سايكەس قورعانىس مينيسترلىگى اكتسيونەرلىك قوعامدار مەن جاۋاپكەرشىلىگى شەكتەۋلى سەرىكتەستىكتەردىڭ مىندەتتەمەلەرى بويىنشا جاۋاپ بەرمەيتىنى جانە ولاردىڭ شارۋاشىلىق قىزمەتىنە ارالاسپايتىنى ءتۇسىندىرىلدى.

«اسكەري قۇرىلىس استانا» جشس دەربەس شارۋاشىلىق جۇرگىزۋشى سۋبەكت بولىپ تابىلادى. بارلىق مەردىگەرلەر مەن قوسالقى مەردىگەرلەر نارىقتىق قاتىناستاردىڭ سۋبەكتىلەرى. كونكۋرستارعا جالپى ەرىكتى تۇردە قاتىسىپ، زاڭدى تۇرعىسىندا ءبىر-بىرىمەن شارتتىق-قۇقىقتىق قاتىناستار جاسايدى.

قورعانىس مينيسترلىگىنىڭ قارۋلى كۇشتەر وبەكتىلەرىن سالۋ جانە جوندەۋ جونىندەگى بىرىڭعاي وپەراتورى جوق. ماسەلەلەردى تالقىلاۋ بارىسىندا «اسكەري قۇرىلىس استانا» جشس-ءنىڭ نەسيە قارىز تۇرىندەگى قارجىلىق قيىندىقتارى 2016 جىلدان باستالعانى اتاپ ءوتىلدى.

تاپسىرىس بەرۋشى رەتىندە اسكەرلەردى پاتەرلەرگە ورنالاستىرۋ باس باسقارماسى «اسكەري قۇرىلىس استانا» جشس-نىڭ الدىنداعى ءوزىنىڭ بارلىق مىندەتتەرىن تولىق كولەمدە ورىندادى.

سونىمەن قاتار، اتقارىلعان جۇمىستارعا بارلىق قاراجاتتى ۋاقتىلى اۋدارعان جانە دەربەس شارۋاشىلىق جۇرگىزۋشى سۋبەكتىلەردىڭ ءوزارا قارىم-قاتىناسى ءۇشىن زاڭدى تۇردە جاۋاپ بەرمەيدى. بىراق بۇل ماسەلەنىڭ الەۋمەتتىك سيپاتىن ەسكەرە وتىرىپ، قورعانىس مينيسترلىگى ءوز باستاماسى بويىنشا بۇل ماسەلەنى ءوزىنىڭ زاڭدى قۇزىرەتتەرى اياسىندا شەشۋگە بەلسەندى قاتىسادى.

كەڭەستە «اسكەري قۇرىلىس استانا» جشس-ءنىڭ قوسالقى مەردىگەرلەر الدىنداعى بەرەشەگىن وتەۋ تەتىكتەرى تالقىلانىپ، ۇسىنىلدى.

قورعانىس ۆەدومستۆوسى «اسكەري قۇرىلىس استانا» جشس-عا اۋديت جۇرگىزەدى. ونىڭ بارىسىندا قورعانىس مينيسترلىگىنىڭ باس قارجى ينسپەكتسياسى سەرىكتەستىكتىڭ قارجى-شارۋاشىلىق قىزمەتىنىڭ تيىمدىلىگىن، سونداي-اق ءاربىر شارت بويىنشا قوسالقى مەردىگەر ۇيىمداردىڭ جۇمىستارىن تولىق جانە ساپالى ورىندالۋىن ايقىنداۋى ءتيىس.

الداعى مۇمكىندىكتەردى ىسكە اسىرۋ ءۇشىن «اسكەري قۇرىلىس استانا» جشس مۇلكى مەن اكتيۆتەرىن تۇگەندەۋ جۇرگىزىلەتىن بولادى. زاڭ بۇزۋشىلىق انىقتالعان جاعدايدا لايىقتى قۇقىقتىق باعا بەرىلەدى.

«اسكەري قۇرىلىس استانا» جشس-نىڭ باسشىلىعى جوسپارلانعان ءىس-شارالاردىڭ ورىندالۋى، بەرەشەكتى جەدەل وتەۋگە مۇمكىندىك بەرەتىنىن ايتتى.

سوڭعى جاڭالىقتار

ۇلى دالا مۇرالارى

ەلوردا • كەشە

ەكى جۇلدە – «ەگەمەندىكتەردە»

ەگەمەن قازاقستان • كەشە

تبيليسيدە توپ جاردى

سپورت • كەشە

كاردينگ شابۋىلى

قوعام • كەشە

ۇقساس جاڭالىقتار