ايماقتار • 16 اقپان، 2021

پاۆلودار وبلىسىندا تاسقىن سۋ مىڭعا جۋىق ۇيگە قاۋىپ توندىرۋدە

27 رەت كورسەتىلدى

اتالعان ۇيلەردە 3672 ادام تۇرادى، دەپ حابارلايدى Egemen.kz Pavlodarnews.kz سايتىنا سىلتەمە جاساپ.

فوتو: كونستانتين شەلكوۆ

وڭىرلىك كوممۋنيكاتسيالار قىزمەتىندە توتەنشە جاعدايلار دەپارتامەنتى باستىعى، ازاماتتىق قورعاۋ پولكوۆنيگى ەرنۇر وتەگەنوۆ كوكتەمگى تاسقىن كەزەڭىنە دايىندىق تۋرالى اڭگىمەلەپ بەردى.

- وتكەن جىلدارداعى سۋ تاسقىنى كەزەڭدەرىنىڭ ساراپتاماسى بويىنشا سۋ جايىلۋى قاۋپى بار ۋچاسكەلەردە مونيتورينگ شارالارى جۇرگىزىلۋدە، - دەدى ول. - سۋ باسۋى ىقتيمال، تومەندەۋ رەلەفتى جەرلەردە ورنالاسقان ەلدى مەكەندەر باقىلاۋعا الىندى. سۋ باسۋى ىقتيمال جەرلەردە 972 تۇرعىن ءۇي ورنالاسقان، ەلدى مەكەندەردەگى حالىق سانى 3672 ادامدى قۇرايدى، سونىمەن قاتار، اۆتوموبيل جولدارىنىڭ ءتورت ۋچاسكەسى بار.


ونى بولدىرماس ءۇشىن وبلىس اۋماعىنداعى سۋ وتكىزۋ قۇبىرلارىنىڭ بارلىعى تازارتىلىپ، جابىلدى. قار تازالاۋ جۇمىستارى جۇرگىزىلەدى: بۇگىنگى كۇنگە دەيىن 432 006 مىڭ تەكشە مەتر قار شىعارىلدى.

وسى جانە وزگە دە جۇمىستار ناتيجەسىندە تاسقىن سۋلار مەن قار سۋلارىنىڭ ەلدى مەكەندەردى باسۋ قاۋپىن ازايتۋعا مۇمكىن بولدى، سونىمەن قاتار، اۆتوموبيل جولدارى مەن ەلدى مەكەندەردى سۋ باسۋ قاۋپى ازايدى.

سوڭعى جاڭالىقتار

دوللار ارزاندادى

قارجى • بۇگىن، 16:22

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار