سونداي-اق قىسقى ازيا ويىندارىندا تولاعاي تابىسقا جەتكەن سپورتشىلارىمىزدى دا جازىپ شىقتى. ەندى مىنە, نازارلارىڭىزعا جات ەلدە وتكەن الەم چەمپيوناتتارىندا ولجا سالعان سپورتشىلاردى ۇسىنىپ وتىرمىز.
1993 جىلى قازاقستان سپورتشىلارى ەلىمىزدىڭ كوك بايراعى استىندا تۇڭعىش رەت ونەر كورسەتىپ, جۇلدەلى ورىندارعا يە بولا باستادى. قازاقتىڭ داڭقتى بالۋانى داۋلەت تۇرلىحانوۆ (گرەك-ريم) پەن گريگوري ەگوروۆ (جەڭىل اتلەتيكا) جاھاندىق تۋرنيردە كۇمىس جۇلدەگەر اتانسا, ۆاسيلي جيروۆ (بوكس), اناتولي حراپاتىي (اۋىر اتلەتيكا) جانە يانا تۋنيانتس (ساداقپەن اتۋ) قولا جۇلدەنى قاناعات تۇتتى.
1994 جىلى باس-اياعى ەكى-اق جۇلدە الدىق. ەسەسىنە, قازاقستان قورجىنىنا العاشقى التىن مەدال ءتۇستى. گرەك-ريم كۇرەسىنىڭ حاس شەبەرى يۋري مەلنيچەنكو فينليانديانىڭ تامپەرە قالاسىندا وتكەن الەم بىرىنشىلىگىنىڭ فينالىندا رەسەيلىك الەكساندر يگناتەنكودان باسىم ءتۇسىپ, جەڭىمپاز اتانسا, نىسانا كوزدەۋدەن گالينا بەلياەۆا قولا جۇلدەگە قول جەتكىزدى.
1995 جىلى جەرلەستەرىمىز بىرنەشە سپورت تۇرىنەن ءتورت قۇرلىق جارىسىنا قاتىسقانىمەن, بارلىعى دا ەلگە التىنسىز قايتتى. بولات ءجۇمادىلوۆ (بوكس), باقتيار بايسەيىتوۆ (گرەك-ريم) پەن يۋري مەلنيچەنكو, ەلمادي جابىرەيىلوۆ (ەكەۋى دە ەركىن كۇرەس), ولگا شيشيگينا (جەڭىل اتلەتيكا) كۇمىس مەدالدى مويىندارىنا تاقسا, اندرەي ماكاروۆ پەن اناتولي حراپاتىي (ەكەۋى دە اۋىر اتلەتيكا), سەرگەي لاۆرينەنكو (ۆەلوسپورت) جانە ۆاسيلي جيروۆ (بوكس) قولا جۇلدەنى مىسە تۇتتى.
1996 جىلى وليمپيادا جىلى بولعاندىقتان كوپتەگەن سپورت تۇرىنەن الەم بىرىنشىلىگى وتپەدى. تەك بەسسايىسشىلارىمىز عانا الاماندا جۇلدە الدى. الەكساندر پارىگين جەكەلەي سىندا الدىنا جان سالماسا, دميتري تيۋرين, ولەگ رەبروۆ جانە الەكساندر پارىگين باستاعان بەسسايىسشىلار كوماندالىق جارىستا قولا جۇلدەمەن ەلگە ورالدى.
1997 جىلى گرەك-ريم كۇرەسىنەن ۆروتسلاۆتا (پولشا) وتكەن جاھان بىرىنشىلىگىندە يۋري مەلنيچەنكو قارسىلاستارىن قاپى قالدىرىپ, الەمنىڭ ەكى دۇركىن جەڭىمپازى دەگەن اتاققا يە بولدى. سپورتتىق گيمناستيكادان سىنعا تۇسكەن سەرگەي فەدورچەنكو التىن تۇعىردان كورىنسە, ەرماحان يبرايىموۆ (بوكس) جاھاندىق ءتۋرنيردىڭ فينالىندا ءسۇرىندى. ال بولات ءجۇمادىلوۆ (بوكس) پەن ماۋلەن مامىروۆ (ەركىن كۇرەس) جۇلدەگەرلەر قاتارىن تولىقتىردى.
1998 جىلى سپورتشىلارىمىز الەم بىرىنشىلىگىندە نەبارى ءۇش-اق مەدال ەنشىلەدى. ەسەسىنە, بارلىعى التىن. الدىمەن قازاقتىڭ ءانۇرانىن بارسەلونادا ناتاليا گۋروۆا (نىسانا كوزدەۋ) شىرقاتسا, باقتيار بايسەيىتوۆ پەن محيتار مانۋكيان (ەكەۋى دە گرەك-ريم كۇرەسى) شۆەتسيادا وتكەن جاھاندىق سايىستا مويىندارىنا التىن مەدال تاقتى.
ب.بايسەيىتوۆ ءۇشىن باستى تۋرنيردە تەڭدەسسىز اتانۋ وڭاي بولعان جوق. ءبىرىنشى كەزدەسۋدە وليمپيادا, الەم چەمپيوناتتارىنىڭ جۇلدەگەرى پولياك يۋزەف تراچتەن ازەر دەگەندە باسىم ءتۇسىپ, كەلەسى قارسىلاسى نورۆەگيا سپورتشىسى بورگە يوحانسسەندى اسا قينالماي ۇتتى. ءۇشىنشى بەلدەسۋدە ازەربايجاندىق كۆيتشا ءبيچيناشۆيليدى ەلىنە ەرتە قايتارسا, جارتىلاي فينالدا مۇرات كاردانوۆپەن ايقاسقا ءتۇستى. بەلدەسۋ تىم اۋىر بولعانىنا قاراماستان, باقتيار رەسەيلىك قارسىلاسىنان ايلاسىن اسىردى. ال اقتىق ايقاستا ونى وليمپيادا جانە الەم چەمپيونى كۋبالىق فيليبەرتو اسكۋي كۇتىپ تۇرعان ەدى. بۇعان دەيىن ەكەۋى ەكى مارتە جولىعىپ, بارلىعىندا دا ويسىراي ۇتىلعان وتانداسىمىز بوز كىلەمگە قۇلشىنىپ شىعىپ, تابلوداعى ەسەپتى 9:2 جەتكىزدى. وسىلايشا, ب.بايسەيىتوۆ تاۋەلسىز قازاقستان تاريحىندا وليمپيادالىق سپورت تۇرىنەن الەم چەمپيونى اتانعان تۇڭعىش قازاق بولىپ تىركەلدى.
1999 جىلعى جاھاندىق دودا بۇعان دەيىنگى جىلدارمەن سالىستىرعاندا مەدالدىڭ ساپاسى جاعىنان دا, سانى جاعىنان دا كوپتىگىمەن ەرەكشەلەندى. الەمدىك ارەنادا 3 التىن, 2 كۇمىس جانە 2 قولا مەدالدى يەلەندىك. سونىڭ ىشىندە التىن مەدالدى بوكسشى بولات ءجۇمادىلوۆ پەن گرەك-ريم كۇرەسىنەن محيتار مانۋكيان جانە ترياتلونشى دميتري گااگ ەنشىلەسە, كۇمىس مەدالدى مۇحتارحان دىلدابەكوۆ (بوكس) پەن يۋري مەلنيچەنكو (گرەك-ريم كۇرەسى) اكەلدى. ال قولا مەدالعا ءادىلحان ساعىندىقوۆ (تاەكۆوندو) پەن ەرماحان يبرايىموۆ (بوكس) قول جەتكىزدى.
وسى جەڭىستەن كەيىن مانۋكيان الەمنىڭ ەكى دۇركىن جەڭىمپازى اتاندى. وكىنىشكە قاراي, سودان بەرى تابانى كۇرەكتەي 21 جىل وتسە دە, جەرلەستەرىمىزدىڭ اراسىنان دۇنيەجۇزىلىك دودالاردا دارالانعان بىردە-ءبىر بالۋان شىقپادى.
2001 جىلى گاليب جافاروۆ (بوكس) پەن ولگا شيشيگينا (جەڭىل اتلەتيكا) اقتىق سىنعا دەيىن القىنباي جەتكەنىمەن, شەشۋشى تۇستا ەسە جىبەرىپ الدى. ال قوس اسحات (شاحاروۆ پەن جىتكەەۆ, ەكەۋى دە دزيۋدو) مويىندارىنا قولا مەدال ءىلدى.
2002 جىلى نىسانا كوزدەۋدەن ولگا دوۆگۋن التىن السا, ناتاليا گۋروۆا كۇمىسپەن كۇپتەلدى.
2003 جىلى قوس بىردەي بوكسشىمىز گاليب جافاروۆ پەن گەننادي گولوۆكين باس جۇلدەنى جەڭىپ الدى. ال ليا نۋركينا (تاەكۆوندو), گەورگي تسۋرتسۋميا (گرەك-ريم كۇرەسى), گەننادي لاليەۆ (ەركىن كۇرەس) جانە دميتري كارپوۆ (جەڭىل اتلەتيكا) قولا جۇلدەنى مىسە تۇتتى.
2004 جىلى تەك الەكساندر ۆينوكۋروۆ (ۆەلوسپورت) پەن دميتري گااگ (ترياتلون) عانا ۇزدىك ۇشتىكتى تۇيىندەدى.
2005 جىلى قىتايدىڭ ميانيان قالاسىندا وتكەن ءتورت قۇرلىق دوداسىندا بوكسشىلارىمىز سەرىك ساپيەۆ پەن ەردوس جاڭابەرگەنوۆ التىننان القا تاعىپ, ءبىرجان جاقىپوۆ, ميرات سارسەمباەۆ جانە افينا وليمپياداسىنىڭ جەڭىمپازى باقتيار ارتاەۆ قولا جۇلدەگەر اتاندى.
اۋىر اتلەتيكادان ءتورت دۇركىن الەم چەمپيونى اتانعان ءبىز بىلەتىن 12 سپورتشى عانا. سول تىزىمدە قازاقستاندىق اناتولي حراپاتىي (5 دۇركىن) مەن يليا يلين
(4 دۇركىن) دە بار. يليانىڭ جارقىن جەڭىسى ناق وسى 2005 جىلى دوحادا وتكەن الەم چەمپيوناتىندا باستالدى. 17 جاستاعى اۋىر اتلەت قوسسايىس (سەرپە مەن جۇلقا كوتەرۋدەن) بويىنشا 386 كيلونى باسىنان اسىرىپ, تاۋەلسىز قازاقستاننىڭ ءانۇرانىن شىرقاتتى.
سونداي-اق گرەك-ريم كۇرەسىنەن ەرمەك كوكەتوۆ, بايداركا جانە كانوەدان جومارت ساتىبالدين جانە ەركىن كۇرەستەن ماگومەد كۋرۋگليەۆ قولا مەدالدى قاناعات تۇتتى.
2006 جىلى قورجىنىمىزعا ەكى التىن مەدال ءتۇستى. ءبىر قىزىعى, ەكى التىندى دا بۇرىن الەم چەمپيونى اتانعان سپورتشىلار يەلەندى. يليا يلين ءبىر جىل بۇرىنعى جەتىستىگىن دومينيكان رەسپۋبليكاسىندا ەكىنشى مارتە قايتالاسا, ولگا دوۆگۋن 2002 جىلعى تولاعاي تابىسىنا حورۆاتيا تورىندە تاعى ءبىر رەت قول جەتكىزدى. سونداي-اق ولگا دوۆگۋن ۆارۆارا كوۆولەنكو مەن گالينا كورچمامەن بىرگە ونەر كورسەتكەن كوماندالىق سايىستا كۇمىس مەدالدى جەڭىپ الدى. ال تاعى ءبىر 50 مەتر قاشىقتىقتا نىسانا كوزدەۋدەن شىمكەنتتىك سپورتشى ءۇشىنشى ورىنعا تابان تىرەدى. سونىمەن قاتار جاھاندىق جارىستا ءدال وسىنداي جەتىستىككە ۆارۆارا كوۆولەنكو (نىسانا كوزدەۋ), نازگۇل بورانباەۆا (بوكس), الەكساندر ۆينوكۋروۆ (ۆەلوسپورت) جانە حاليد حاليدوۆ (كاراتە) تە جەتتى.
2007 جىلى سەرىك ساپيەۆ ءۇشىن تابىستى جىل بولدى. سەبەبى قاراعاندىلىق بوكسشى نەبارى 24 جاسىندا ەكى بىردەي دۇنيەجۇزىلىك دودانىڭ جەڭىمپازى ساناتىنا قوسىلدى. مۇنىمەن قوسا, ول بەيجىڭ وليمپياداسى جولداماسىنا دا يە بولدى. چيكاگودا وتكەن الەم بىرىنشىلىگىندە باقتيار ارتاەۆ پەن ەركەبۇلان شىناليەۆ ءۇشىنشى ورىنعا تابان تىرەسە, وسى جىلى ەلەنا شالىگينا, ولگا سميرنوۆا, ولگا جانىبەكوۆا (ۇشەۋى دە ايەلدەر كۇرەسى), ارمان شىلمانوۆ, اسلان باتىقۇلوۆ, نازگۇل تاجىگۇلوۆا (ۇشەۋى دە تاەكۆوندو) جانە دميتري كارپوۆ (ونسايىسشى) الاماندا ۇزدىك ۇشتىكتەن كورىندى.
2008 جىلى ايەلدەر كۇرەسى, قىزدار بوكسى جانە كاراتەشىلەر سايىسى ءوز جەڭىمپازدارىن انىقتادى. قىرعىزستاننان قونىس اۋدارعان جۇلدىز ەشىموۆا (ايەلدەر كۇرەسى) توكيودا وتكەن الاماندا كۇمىسپەن كۇپتەلسە, ەلەنا كولتسوۆا (بوكس), دارحان ءاسادىلوۆ پەن الىبەك پىرەنوۆ (ەكەۋى دە كاراتە) الەم چەمپيوناتىنىڭ قولا جۇلدەگەرى اتاندى.
2009 جىلى وتكەن جاھاندىق دودادا جۇلدەلەرىمىزدىڭ سانى دا, ساپاسى دا كوپ بولدى. اۋىر اتلەتشىلەرىمىز ءزۇلفيا چينشانلو, مايا مانەزا, سۆەتلانا پودوبەدوۆا وڭتۇستىك كورەيانىڭ كويان قالاسىندا وتكەن الەم بىرىنشىلىگىندە توپ جاردى. وسى جەڭىستەن كەيىن قازاقستاننىڭ اۋىر اتلەتيكا قۇراماسى بەيرەسمي كوماندالىق ەسەپتە العا تەك قىتايلىقتاردى جىبەردى. سونىمەن قاتار 2009 جىلى دزيۋدوشى ماكسيم راكوۆ جانە نىسانا كوزدەۋدەن ناتاليا گۋروۆا قازاقتىڭ ءانۇرانىن شىرقاتسا, سەرىك ساپيەۆ (بوكس), ارمان شىلمانوۆ (تاەكۆوندو), نۇرباقىت تەڭىزباەۆ (گرەك-ريم كۇرەسى), لەونيد سپيريدونوۆ (ەركىن كۇرەس), ەلەنا شالىگينا (ايەلدەر كۇرەسى) جانە ۆلاديمير كۋزنەتسوۆ (اۋىر اتلەتيكا) ۇزدىك ۇشتىكتى تۇيىندەدى.
2010 جىلى قىزدار اراسىندا باربادوس استاناسى بريدجتاۋندا بوكستان وتكەن الەم بىرىنشىلىگىندە كۇمىسپەن كۇپتەلگەن مارينا ۆولنوۆا اراعا ەكى جىل سالىپ لوندون وليمپياداسىنىڭ قولا مەدالىنە يە بولدى. كۇرەس تۇرلەرىنەن ماسكەۋدە وتكەن الەم بىرىنشىلىگىندە العاش رەت ۇزدىك ۇشتىكتەن كورىنگەن المات كەبىسباەۆ (گرەك-ريم كۇرەسى) اراعا جىلدار سالىپ الەمنىڭ كۇمىس جانە ءۇش دۇركىن قولا جۇلدەگەرى اتاندى. سونداي-اق 120 كگ سالماق دارەجەسىندەگى نۇرماحان تىناليەۆ تە العاشقى ءىرى ءتۋرنيرىن ماسكەۋ تورىندە جەڭىپ الدى. قازىر ول الەمنىڭ ءۇش دۇركىن قولا جۇلدەگەرى جانە ازيانىڭ ەكى دۇركىن جەڭىمپازى.
مايا مانەزا, سۆەتلانا پودوبەدوۆا اۋىر اتلەتيكادان انتاليادا وتكەن الەمدىك سايىستا توپ جارسا, ەلەنا شالىگينا (ايەلدەر كۇرەسى) كۇمىس جۇلدەگە قول جەتكىزدى. ال ابدۋلحاكيم شاپيەۆ (ەركىن كۇرەس), ولگا دوۆگۋن, ۆياچەسلاۆ پودلەسنىي (ەكەۋى دە نىسانا كوزدەۋ) جانە نازگۇل بورانباەۆا قولا مەدالعا يە بولدى.
2011 جىل وسىعان دەيىنگى كەزەڭمەن سالىستىرعاندا قازاقستاننىڭ سپورت تاريحىندا ەڭ تابىستى جىل رەتىندە ەستە قالدى. وعلاندارىمىز باس-اياعى 15 جۇلدە ەنشىلەدى. اۋىر اتلەتيكادان پاريج تورىندە وتكەن الەم بىرىنشىلىگىندە يليا يلين, ءزۇلفيا چينشانلو التىن تۇعىردان قول بۇلعاسا, مايا مانەزا كۇمىس مەدالعا يە بولدى. اۋىر جاراقاتىنان ەندى عانا ايىققان سۆەتلانا پودوبەدوۆا قولا جۇلدەنى قاعانات تۇتتى.
وسى جىلى ولگا رىپاكوۆا (جەڭىل اتلەتيكا), ماكسيم راكوۆ (دزيۋدو), سەرىك ساپيەۆ, ادىلبەك نيازىمبەتوۆ (ەكەۋى دە بوكس) جانە المات كەبىسباەۆ (گرەك-ريم كۇرەسى) كۇمىس جۇلدەگەر بولسا, نۇرماحان تىناليەۆ (گرەك-ريم كۇرەسى), عاني جايلاۋوۆ, يۆان دىچكو (ەكەۋى دە بوكس), داۋلەت نيازبەكوۆ, داۋرەن جۇماعازيەۆ (ەكەۋى دە ەركىن كۇرەس) جانە جۇلدىز ەشىموۆا (ايەلدەر كۇرەسى) جۇلدەگەرلەر قاتارىن تولىقتىردى.
2012 جىلى قىتايدىڭ تسينحۋانداو قالاسىندا بوكستان وتكەن الەم چەمپيوناتىنان جۇلدىز ماماتقۇلوۆا كۇمىس, نازىم قىزايباي قولا مەدالدى تاعىپ قايتتى. ايەلدەر كۇرەسىنەن سىنعا تۇسكەن گۇزەل مانيۋروۆا ەكىنشى ورىن السا, كاراتەدەن حاليد حاليدوۆ ۇزدىك ۇشتىكتەن كورىندى.
2013 جىلى جاھاندىق دودادا الماس وتەشوۆ (اۋىر اتلەتيكا) پەن ازامات مۇقانوۆ (دزيۋدو) كۇمىس مەدالمەن ورالسا, نۇرماحان تىناليەۆ (گرەك-ريم كۇرەسى) پەن ەكاتەرينا لاريونوۆا (ايەلدەر كۇرەسى) قولا جۇلدەگەر اتاندى.
2014 جىلى وڭتۇستىك كورەيادا قىزدار اراسىندا بوكستان وتكەن الەم چەمپيوناتىندا نازىم قىزايباي باس جۇلدەنى جەڭىپ الىپ, تاعى ءبىر بوكسشىمىز ءلاززات كۇنگەيباەۆا فينالدا ءسۇرىندى.
2015 جىلى اۋىر اتلەت نيجات راحيموۆ پەن الەكساندر زايچيكوۆ التىن تۇعىردان قول بۇلعاسا, دانيار ەلەۋسىنوۆ, يۆان دىچكو (ەكەۋى دە بوكس) جانە جازيرا جاپارقۇل (اۋىر اتلەتيكا) كۇمىس جۇلدەگەر اتاندى. ال المات كەبىسباەۆ, دوسجان كارتيكوۆ (ەكەۋى دە گرەك-ريم كۇرەسى), سۆەتلانا پودوبەدوۆا (اۋىر اتلەتيكا), ولگا رىپاكوۆا (جەڭىل اتلەتيكا) ۇزدىك ۇشتىكتى تۇيىندەدى.
2016 جىلى نۇرلان بەكجانوۆ ەركىن كۇرەستەن بۋداپەشتتە وتكەن الاماننىڭ فينالىندا جەڭىلىپ, ال ايىم ءابىلدينا (ايەلدەر كۇرەسى) قولا جۇلدەمەن ەلگە ورالدى.
2017 جىلى بوكسشى قايرات ەراليەۆ عانا الەم بىرىنشىلىگىندە بيىك تۇعىردان كورىنە الدى. كۇمىس جۇلدەگە ءابىلحان امانقۇل, قامشىبەك قوڭقاباەۆ (ەكەۋى دە بوكس), مەيرامبەك ايناعۇلوۆ, دەمەۋ جادراەۆ (ەكەۋى دە گرەك-ريم كۇرەسى) يە بولسا, قولا جۇلدەگە جومارت ەرجان, ابىلايحان ءجۇسىپوۆ, ۆاسيلي لەۆيت (ۇشەۋى دە بوكس), قايرات سارىمساقوۆ (تاەكۆوندو), ولگا رىپاكوۆا (جەڭىل اتلەتيكا), اقجۇرەك تاڭاتاروۆ (ەركىن كۇرەس) جانە وتگونتسەتسەگ گالبادراح (دزيۋدو) لايىق دەپ تانىلدى.
2018 جىلى ولجاعا كەنەلگەن وتانداستارىمىزدىڭ اراسىندا ەرلان سەرىكجانوۆ (دزيۋدو), جاينا شەكەربەكوۆا (قىزدار بوكسى), نۇريسلام ساناەۆ سىندى سپورتشىلار ايشىقتى ونەرلەرىمەن كوزگە ءتۇسىپ, كۇمىس جۇلدە الدى. سونداي-اق ارلي چونتەي (اۋىر اتلەتيكا) دە قورجىنعا كۇمىس مەدال سالسا, ايدوس سۇلتانعالي, مەيىرجان شەرماحانبەت (ەكەۋى دە گرەك-ريم كۇرەسى), دارحان ءاسادىلوۆ (كاراتە), نادەجدا ليحاچەۆا (اۋىر اتلەتيكا), وتگونتسەتسەگ گالبادراح (دزيۋدو), كارينا يبراگيموۆا (بوكس) ۇزدىك ۇشتىكتەن كورىندى.
2019 جىلى قازاقستاندىقتار اراسىندا جالعىز التىن جۇلدەنى بەكزات نۇرداۋلەتوۆ (سۋرەتتە) عانا جەڭىپ الدى. ول ەكاتەرينگبۋرگتە وتكەن الەمدىك دوداعا تۇڭعىش رەت قاتىسقانىنا قاراماستان بارلىق قارسىلاسىن بەت قاراتپاي جەڭدى. ءتىپتى جارتىلاي فينالدا ونىڭ جولىنا كۋبالىق اتاعى دارداي حۋليو سەسار لا كرۋس قارسى تۇرسا دا جەرلەسىمىز قايمىققان جوق. لا كرۋستا الەمنىڭ ءتورت دۇركىن جانە ريو وليمپياداسىنىڭ چەمپيونى. بۇكىل الەم كوز تىككەن سپورتتىق شارانىڭ قاق تورىندە وتانداسىمىز كۋبالىق «قابىلاندى» نوكداۋنعا جىبەرىپ, 81 كيلو سالماقتا كىم مىقتى ەكەنىن اڭعارتتى. فينالدا وزبەك ديلشودبەك رۋزمەتوۆتى 5:0 ەسەبىمەن ويسىراتا جەڭگەن بەكزات الەم چەمپيونى اتاندى.
سونداي-اق 2019 جىلى قامشىبەك قونقاباەۆ (بوكس) كۇمىس جۇلدەگە يە بولسا, قايرات سارىمساقوۆ (تاەكۆوندو), ريشات حايبۋللين (قابىرعاعا ورمەلەۋ), ەلدوس سمەتوۆ (دزيۋدو), ميلانا سافرونوۆا, دينا يسلامبەكوۆا (ەكەۋى دە بوكستان), ساكەن بيبوسىنوۆ, ابىلايحان ءجۇسىپوۆ, تۇرسىنباي قۇلاحمەت جانە ۆاسيلي لەۆيت (بارلىعى دا بوكس) قولا مەدال ەنشىلەدى.
جالپى, 1993-2019 جىلدار, ياعني 26 جىلدىڭ ىشىندە وتكەن جاھاندىق جارىستاردا سپورتشىلارىمىز 46 التىن, 52 كۇمىس جانە 101 قولا مەدال جەڭىپ الدى.
الەم چەمپيوناتتارىندا قازاقستاننىڭ كوك بايراعىن بيىك تۇعىردان جەلبىرەتكەن سايىپقىراندارىمىز قازاق سپورتى تاريحىندا التىن ارىپپەن جازىلارى ءسوزسىز. سوندىقتان ەلىمىزدىڭ اتىن اسقاق بيىككە كوتەرگەن وسىنداي چەمپيوندارعا قانداي قۇرمەت پەن قوشەمەت كورسەتسە دە جاراسادى.
1993-2019 جىلدارى ارالىعىندا الەم چەمپيوناتىندا
توپ جارعان سپورتشىلار
|
№ |
سپورتشىلار |
سپورت ءتۇرى |
ديستسيپلينا |
مەدال |
|||
|
1994 جىل |
|||||||
|
1 |
يۋري مەلنيچەنكو |
گرەك-ريم كۇرەسى |
57 كگ |
التىن |
|||
|
1996 جىل |
|||||||
|
2 |
الەكساندر پارىگين |
بەسسايىس |
جەكەلەي |
التىن |
|||
|
3 |
دميتري تيۋرين |
بەسسايىس |
ەستافەتا |
التىن |
|||
|
الەكساندر پارىگين |
|||||||
|
ولەگ رەبروۆ |
|||||||
|
1997 جىل |
|||||||
|
4 |
يۋري مەلنيچەنكو |
گرەك-ريم كۇرەسى |
58 كگ |
التىن |
|||
|
5 |
سەرگەي فەدورچەنكو |
سپورتتىق گيمناستيكا |
|
التىن |
|||
|
1998 جىل |
|||||||
|
6 |
باقتيار بايسەيىتوۆ |
گرەك-ريم كۇرەسى |
63 كگ |
التىن |
|||
|
7 |
محيتار مانۋكيان |
گرەك-ريم كۇرەسى |
74 كگ |
التىن |
|||
|
8 |
ناتاليا گۋروۆا |
نىسانا كوزدەۋ |
|
التىن |
|||
|
1999 جىل |
|||||||
|
9 |
بولات ءجۇمادىلوۆ |
بوكس |
51 كگ |
التىن |
|||
|
10 |
مكحيتار مانۋكيان |
گرەك-ريم كۇرەسى |
63 كگ |
التىن |
|||
|
11 |
دميتري گااگ |
ترياتلون |
جەكەلەي |
التىن |
|||
|
2002 جىل |
|||||||
|
12 |
ولگا دوۆگۋن |
نىسانا كوزدەۋ |
50 م. مىلتىق |
التىن |
|||
|
2003 جىل |
|||||||
|
13 |
گاليب جافاروۆ |
بوكس |
57 كگ |
التىن |
|||
|
14 |
گەننادي گولوۆكين |
بوكس |
75 كگ |
التىن |
|||
|
2005 جىل |
|||||||
|
15 |
سەرىك ساپيەۆ |
بوكس |
64 كگ |
التىن |
|||
|
16 |
ەردوس جاڭابەرگەنوۆ |
بوكس |
81 كگ |
التىن |
|||
|
17 |
يليا يلين |
اۋىر اتلەتيكا |
85 كگ |
التىن |
|||
|
2006 جىل |
|||||||
|
18 |
يليا يلين |
اۋىر اتلەتيكا |
94 كگ |
التىن |
|||
|
19 |
ولگا دوۆگۋن |
نىسانا كوزدەۋ |
50 م. مىلتىق |
التىن |
|||
|
2007 جىل |
|||||||
|
20 |
سەرىك ساپيەۆ |
بوكس |
64 كگ |
التىن |
|||
|
2009 جىل |
|||||||
|
21 |
ءزۇلفيا چينشانلو |
اۋىر اتلەتيكا |
53 كگ |
التىن |
|||
|
22 |
مايا مانەزا |
اۋىر اتلەتيكا |
63 كگ |
التىن |
|||
|
23 |
سۆەتلانا پودوبەدوۆا |
اۋىر اتلەتيكا |
75 كگ |
التىن |
|||
|
24 |
ماكسيم راكوۆ |
دزيۋدو |
100 كگ |
التىن |
|||
|
25 |
ناتاليا گۋروۆا |
نىسانا كوزدەۋ |
10 م. |
التىن |
|||
|
2010 جىل |
|||||||
|
26 |
مايا مانەزا |
اۋىر اتلەتيكا |
63 كگ |
التىن |
|||
|
27 |
سۆەتلانا پودوبەدوۆا |
اۋىر اتلەتيكا |
75 كگ |
التىن |
|||
|
2011 جىل |
|||||||
|
28 |
يليا يلين |
اۋىر اتلەتيكا |
94 كگ |
التىن |
|||
|
29 |
ءزۇلفيا چينشانلو |
اۋىر اتلەتيكا |
53 كگ |
التىن |
|||
|
2013 جىل |
|||||||
|
30 |
ءبىرجان جاقىپوۆ |
بوكس |
49 كگ |
التىن |
|||
|
31 |
مەرەي اقشالوۆ |
بوكس |
64 كگ |
التىن |
|||
|
32 |
دانيار ەلەۋسىنوۆ |
بوكس |
69 كگ |
التىن |
|||
|
33 |
جانىبەك ءالىمحان ۇلى |
بوكس |
75 كگ |
التىن |
|||
|
2014 جىل |
|||||||
|
34 |
نازىم قىزايباي |
بوكس |
48 كگ |
التىن |
|||
|
35 |
ءزۇلفيا چينشانلو |
اۋىر اتلەتيكا |
53 كگ |
التىن |
|||
|
36 |
جاسۇلان قىدىرباەۆ |
اۋىر اتلەتيكا |
94 كگ |
التىن |
|||
|
37 |
يليا يلين |
اۋىر اتلەتيكا |
105 كگ |
التىن |
|||
|
2015 جىل |
|||||||
|
38 |
ەلدوس سمەتوۆ |
دزيۋدو |
60 كگ |
التىن |
|||
|
39 |
نيجات راحيموۆ |
اۋىر اتلەتيكا |
77 كگ |
التىن |
|||
|
40 |
الەكساندر زايچيكوۆ |
اۋىر اتلەتيكا |
105 كگ |
التىن |
|||
|
2016 جىل |
|||||||
|
41 |
نازىم قىزايباي |
بوكس |
48 كگ |
التىن |
|||
|
42 |
دينا جولامان |
بوكس |
54 كگ |
التىن |
|||
|
43 |
ۆالەنتينا حالزوۆا |
بوكس |
69 كگ |
التىن |
|||
|
44 |
ءلاززات كۇنگەيباەۆا |
بوكس |
+81 كگ |
التىن |
|||
|
2017 جىل |
|||||||
|
45 |
قايرات ەراليەۆ |
بوكس |
56 كگ |
التىن |
|||
|
2019 جىل |
|||||||
|
46 |
بەكزات نۇرداۋلەتوۆ |
بوكس |
81 كگ |
التىن |
|||