شىمكەنت قالاسىنىڭ پوليتسيا دەپارتامەنتى باستىعىنىڭ بۇيرىعىنا سايكەس, قالا اۋماعىندا جەدەل جاعدايدى ساۋىقتىرۋ, وتتى اتىس قارۋمەن جاسالعان قىلمىستاردىڭ الدىن الۋ ماقساتىندا اعىمداعى جىلدىڭ اقپان ايىنىڭ 3-ءى مەن ناۋرىز ايىنىڭ 2-ءى ارالىعىندا «قارۋ» جەدەل-پروفيلاكتيكالىق ءىس-شاراسى وتكىزىلۋدە.
ءىس-شارا بارىسىندا وسى كۇنگە دەيىن ىشكى ىستەر ورگاندارىندا تىركەۋدەگى 6 282 قارۋ يەسىنىڭ 1 234 تەكسەرىلىپ, 64 قارۋ يەسىنەن قارۋدى ساقتاۋ جانە تىركەۋ ەرەجەلەرىن بۇزۋ فاكتىلەرى انىقتالىپ, ولارعا اكىمشىلىك شارا كورىلدى. زاڭسىز اينالىمنان 10 بىرلىك قارۋ, ءۇش دانا سنارياد, ەكى دانا سۋىق قارۋ جانە ءبىر دانا وق-ءدارى الىندى.
