ەلىمىزدىڭ 5 وبلىسىنىڭ بىرقاتار تۇرعىندارى قارجى پيراميداسىنىڭ شىرماۋىنا شىرمالىپ, الدانعان بولاتىن. بۇگىندە اتالعان بارلىق قىلمىس ىستەر بىرىكتىرىلىپ, تۇركىستان وبلىسى پد تب-نىڭ وندىرىسىنە بەرىلگەن. قك 217-بابى 3-بولىگى 2-تارماعى بويىنشا قىلمىستىق ءىس تەرگەلۋدە.
وسى جاعدايعا بايلانىستى تۇركىستان وبلىسىنىڭ پوليتسەيلەرى ازاماتتارعا كۇماندى ۋادەلەرگە سەنبەي, بارىنشا قىراعى بولۋ كەرەكتىگىن ەسكەرتەدى. بۇگىندە جوعارىداعى قىلمىستىق ءىس بويىنشا 70-تەن اسا تۇلعا انىقتالىپ, ونىڭ ىشىندە 24 ادام كۇدىكتى دەپ تانىلعان. قازىرگى تاڭدا تۇركىستان وبلىسى بويىنشا تەرگەۋ ورگانىنا 2500-كە جۋىق ازامات «ينديگو 24» پيراميداسىنا يلانىپ, الدانىپ قالعانى جونىندە ارىزدانعان. ولارعا كەلگەن ماتەريالدىق شىعىن 2,5 ملردقا جۋىق تەڭگەنى قۇرادى.
قازىرگى تاڭدا قىلمىستىق ءىس بويىنشا تاجىريبەلى تەرگەۋشىلەرمەن تەرگەۋ امالدارى جۇرگىزىلۋدە. «سوندىقتان تۇركىستان وبلىسىنىڭ تۇرعىندارىنا ەسكەرتەمىز. ەگەر ءسىز «ينديگو 24» قارجى پيراميداسىنىڭ قۇربانى بولساڭىز, مىندەتتى تۇردە جەتىساي اۋدانى اسىقاتا كەنتىنىڭ پوليتسيا بولىمشەسىنە كەلىڭىز. نە بولماسا «102» جەدەل جەلىسى ارقىلى حابارلاسىڭىز» دەپ ەسكەرتەلى پوليتسيا.
