ايماقتار • 15 اقپان، 2021

اتىراۋدا مەديتسينا قىزمەتكەرى وقۋشىلار توبەلەسىن جاسىرىپ قالعان

177 رەت كورسەتىلدى

اتىراۋ وبلىسىنىڭ پوليتسەيلەرى 12-14 اقپاندا ء«جاسوسپىرىم» جەدەل-پروفيلاكتيكالىق ءىس-شاراسىن وتكىزىپ، بىرقاتار زاڭ بۇزۋشىلىقتى انىقتاعانى بەلگىلى بولدى. سونىڭ ىشىندە مەديتسينا قىزمەتكەرىنىڭ وقۋشىلار توبەلەسىن جاسىرىپ قالعانى بار.

ء«ىس-شارا كەزىندە 88 اكىمشىلىك قۇقىقبۇزۋشىلىق انىقتالىپ، 82 اتا-اتا مەن 6 جەكە تۇلعا جاۋاپكەرشىلىككە تارتىلدى. ىشكى ىستەر ورگاندارىنا كامەلەتكە تولماعان 79 ءجاسوسپىرىم اكەلىندى. سونداي-اق، 2 وقۋشىنىڭ توبەلەسۋى سالدارىنان اۋداندىق اۋرۋحاناعا جۇگىنگەنى  بەلگىلى بولدى. توبەلەسكەن وقۋشىلاردى مەديتسينا قىزمەتكەرى قاراعان. بىراق، دەنساۋلىق ساقتاۋ سالاسى قىزمەتكەرىنىڭ اكىمشىلىك قۇقىقبۇزۋشىلىق دەرەگىن پوليتسيا ورگاندارىنا ۋاقىتىلى حابارلاماعانى انىقتالىپ وتىر. وسىعان وراي مەديتسينا قىزمەتكەرىنە قاتىستى قر اكىمشىلىك قۇقىقبۇزۋشىلىق تۋرالى كودەكسىنىڭ 127-بابىنىڭ 1-بولىگىمەن اكىمشىلىك حاتتاما تولتىرىلىپ، سوتقا جولداندى»، دەپ حابارلادى دەپارتامەنتتىڭ ءباسپاسوز قىزمەتى.

ال يۋۆەنالدى پوليتسيا ينسپەكتورلارى 45 قولايسىز وتباسى مەن ءارتۇرلى ساناتپەن ەسەپتە الىنعان كامەلەتكە تولماعان 18 جاسوسپىرىمگە تۇرعىلىقتى مەكەن-جايى بويىنشا تەكسەردى. تۇرمىستىق زورلىق-زومبىلىق دەرەكتەرىنىڭ الدىن الۋ ماقساتىندا 45 قولايسىز وتباسىمەن پروفيلاكتيكالىق ءتۇسىندىرۋ جۇرگىزدى.

«بالا تاربيەسىمەن اينالىسپاي، جۇيەلى تۇردە الكوگول ىشىمدىگىن پايدالانۋشى رەتىندە ەسەپكە تۇرعاننىڭ ءبىرى – 1982 جىلى تۋعان تۇرعىن. اۋدان تۇرعىنىنىڭ كامەلەتكە تولماعان بالالارىنىڭ كوزىنشە ىشىمدىك ىشكەنى انىقتالىپ، وعان قاتىستى قر اكىمشىلىك قۇقىقبۇزۋشىلىق تۋرالى كودەكسىنىڭ 127-بابىمەن اكىمشىلىك حاتتاما تولتىرىلدى. ىشكى ىستەر ورگاندارىنىڭ ەسەبىنە كامەلەتكە تولماعان 11 ءجاسوسپىرىم مەن 7 قولايسىز وتباسى الىندى»، دەپ ءمالىم ەتتى ءباسپاسوز قىزمەتىنەن.

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار