«جاڭا سپورت كەشەندەرى سپورتپەن شۇعىلدانۋعا باۋلىپ قانا قويماي, سپورت تۇرلەرىنىڭ دامۋىن جاڭا ساپالىق دەڭگەيگە شىعارۋعا, قالالىقتاردىڭ بوس ۋاقىتىن سپورتقا ارناۋعا مۇمكىندىك بەرەدى!
قازاقستان تەننيس فەدەراتسياسى 2019 جىلدىڭ كۇزىندە جاڭا "داۋلەت" تەننيس ورتالىعىنىڭ جۇمىسىمەن تانىستىرعان. بۇل سپورت مەكەمەسى بىلتىردىڭ وزىندە قوسىمشا – 340-تان استام بالانى وقۋعا الۋعا مۇمكىندىك بەردى. بۇل بۇرىنعىعا قاراعاندا 40% كوپ. وسىلايشا, قازىر شامامەن 1 مىڭداي بالا تەننيسپەن اينالىسادى.
جاڭا سپورت كەشەنىنە 8 جابىق جانە 5 اشىق كورت, جاتتىعۋ زالدارى, تەوريالىق ساباقتارعا ارنالعان ادىستەمەلىك زالدار, تاماقتانۋ ايماعى جانە ت. ب. بار.
بارلىق حالىقارالىق تالاپتارعا ساي كەلەتىن وسىنداي سپورت مەكەمەلەرىنىڭ اشىلۋىنىڭ ارقاسىندا ەلىمىزدىڭ سپورتىندا جۇلدىزدى جاڭا ەسىمدەر پايدا بولاتىنىنا سەنىمدىمىن! سپورت كەشەندەرى – جاڭادان باستاپ كەلە جاتقان سپورتشىلارىمىزعا – ترامپلين, ال قالالىقتار ءۇشىن – پايدالى دەمالىس ورنى.
مەملەكەت باسشىسىنىڭ تاپسىرماسى بويىنشا, قالا تۇرعىندارىن بۇقارالىق سپورتقا تارتۋ ءۇشىن جاعداي جاساۋعا جۇمىس ىستەيمىز, بالالار-جاسوسپىرىمدەر سپورتى مەن فەدەراتسيالاردى قولدايمىز, قولدانىستاعى سپورت نىساندارىن جوندەيمىز», دەيدى قالا اكىمى.
