ءبىلىم • 14 اقپان، 2021

اتىراۋلىق وقۋشىلار Telegram-دا ونلاين-كىتاپحانا اشتى

90 رەت كورسەتىلدى

جاڭا جوبانىڭ اۆتورلارى – 9-سىنىپ وقۋشىلارى ەلنار كامەل مەن ساعيدەن كوشاليەۆ. اتىراۋداعى نازارباەۆ زياتكەرلىك مەكتەبىندە وقيتىن ولار ونلاين-كىتاپحانا فورماتىنداعى تەlەgram-bوt ويلاپ تاۋىپ وتىر، دەپ حابارلايدى Egemen.kz

يدەيا اۆتورلارىنىڭ ايتۋىنشا، «NisBooksBot» سەرۆيسىنە نازارباەۆ زياتكەرلىك مەكتەپتەرىنىڭ 7–12 سىنىپتارىنا ارنالعان ماتەماتيكا، بيولوگيا، فيزيكا، حيميا، ينفورماتيكا، گەوگرافيا، قازاقستان تاريحى جانە دۇنيەجۇزى تاريحى وقۋلىقتارى، سونداي-اق حالىقارالىق IELTS جانە SAT ەمتيحاندارىنىڭ دايىندىق تەستەرى جۇكتەلگەن. مۇنداعى كىتاپتار جالپى ءبىلىم بەرەتىن مەكتەپتەردىڭ وقۋشىلارىنا دا قولجەتىمدى وقۋ قۇرالى بولماق.

«كارانتين كەزىندە قاعاز تۇرىندەگى كوپتەگەن كىتاپتاردى تابۋ قيىندىق تۋعىزدى. ۇستازدارىمىز كىتاپتاردىڭ ەلەكتروندى نۇسقالارىنىڭ سىلتەمەسىن جىبەرەدى. الايدا، كەيدە  جۇيەنىڭ ءجيى ىستەن شىعۋىنا بايلانىستى كىتاپتاردى جۇكتەۋ ۇزاق ۋاقىت الادى. وسىنداي سەبەپتەن ۇستازدار مەن وقۋشىلاردىڭ ساباققا دايىندالۋىن جەڭىلدەتۋ ءۇشىن بارلىق وقۋلىقتى ءبىر سەرۆيسكە جينادىق. ارنايى سىلتەمەنى دوستارىمىزعا مەسسەندجەرلەر ارقىلى تاراتامىز. «NisBooksBot» سەرۆيسىندە كىتاپتى وڭاي جۇكتەۋگە، تەلەفوندا دا، كومپيۋتەردە دە ساقتاۋعا بولادى. الداعى ۋاقىتتا كىتاپتاردى وقۋ توقساندارىنا ءبولىپ جۇكتەۋدى ويلاستىرۋدامىز. سوندا ونى تەلەفونعا جۇكتەپ الۋ جەڭىلدەيدى»، دەيدى ەلنار مەن ساعيدەن.

ەندى ولار سەرۆيستىڭ مۇمكىندىگىن كەڭەيتۋدى كوزدەپ وتىر. بولاشاقتا ساباق كەستەسىن، كوركەم ادەبيەت كىتاپتارى مەن نازارباەۆ زياتكەرلىك مەكتەپتەرىنە وقۋعا تۇسۋگە ارنالعان دايىندىق تەستەرىن جۇكتەمەك.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار