ايماقتار • 13 اقپان، 2021

اتىراۋ وبلىسىندا 150 قويىمەن بىرگە جوعالىپ كەتكەن قاريا امان تابىلدى

1627 رەت كورسەتىلدى

اتىراۋ وبلىسىندا 11 اقپاندا 76 جاستاعى ەگدە ادام 150 قويمەن بىرگە جوعالىپ كەتتى. ونى پوليتسيا ينسپەكتورى ءبىر كۇننەن سوڭ تاپتى، دەپ حابارلايدى Egemen.kz  

«جىلىوي اۋداندىق پوليتسيا بولىمىنە 11 اقپاندا كۇندىزگى ساعات 10:35 شاماسىندا جەم سەلولىق وكرۋگىندەگى شارۋا قوجالىعىندا جۇمىس ىستەيتىن 76 جاستاعى ەر ادامنىڭ جوعالعانى تۋرالى حابار ءتۇستى. ورىسكە 150 قويدى باعۋعا شىققان ەگدە ادام قايتا  ورالماعان. سول كۇنى پوليتسەيلەر مەن اۋداندىق توتەنشە جاعدايلار ءبولىمىنىڭ قىزمەتكەرلەرى ەگدە جاستاعى ادامدى ىزدەۋدى باستادى»، دەپ ءمالىم ەتتى وبلىستىق پوليتسيا  دەپارتامەنتىنىڭ ءباسپاسوز قىزمەتىنەن.

جوعالعانى قاريانى ىزدەستىرۋ توقتاتىلعان جوق. بىرنەشە نۇسقا قاراستىرىلدى. جىلىوي اۋداندىق پوليتسيا ءبولىمىنىڭ ۋچاسكەلىك پوليتسيا ينسپەكتورى ءبىرجان زينۋللين ​ جوعالعان ازاماتتى ءبىر تاۋلىكتەن سوڭ، 12 اقپاندا ساعات 11:00-دە «اسان-كەتكەن» قىرىنان  تاپتى. شارۋا قوجالىعىنىڭ قىستاعىنان 15 شاقىرىم قاشىقتان تابىلعان قاريانىڭ تۋىستارى پوليتسيا ينسپەكتورىنا العىسىن ءبىلدىرىپ وتىر.

«شىنىمدى ايتسام، جوعالعان قاريانىڭ تۋىستارى العىس ايتار دەپ كۇتكەن جوق ەدىم. ويتكەنى، قينالعان ادامدارعا قول ۇشىن سوزۋدى مىندەتىم دەپ سانايمىن. سوندىقتان، ماقساتىم – جۇرەك قالاۋىممەن تاڭداعان قىزمەتىمدى، وزىمە جۇكتەلگەن مىندەتتى ابىرويمەن جانە ادالدىقپەن اتقارۋ»، دەيدى ۋچاسكەلىك پوليتسيا ينسپەكتورى ءبىرجان زينۋللين.

 

سوڭعى جاڭالىقتار

قيلى-قيلى تاعدىرلار

تاريح • كەشە

ءبىر شاڭىراقتان – ءۇش مايدانگەر

رۋحانيات • 08 مامىر، 2021

قازاق دەگەنىمىز – باۋىرجان...

رۋحانيات • 08 مامىر، 2021

505-ءشى تۇرمەنىڭ تۇتقىندارى

تاريح • 08 مامىر، 2021

اسكەري ينجەنەرلەر ۇستاحاناسى

وقيعا • 07 مامىر، 2021

ۇقساس جاڭالىقتار