الەم • 12 اقپان، 2021

تاريحتاعى العاشقى ءساتتى وتا

8 رەت كورسەتىلدى

نيۋ-يورك دارىگەرلەرى بەت جانە قول ترانسپلانتاتسياسى بو­­يىن­شا الەمدەگى العاشقى ءساتتى وتانى جاسادى. ناۋقاس – 22 جاس­تاعى دجو ديمەو 2018 جىلى كولىك اپاتىنا ۇشىراپ، دەنەسىنىڭ 80 پا­يىزىن كۇيىك شالىپ، قولدارىنان ايىرىلعان.

مەديتسينا تاريحىندا بەت ترانسپلانتاتسياسى بويىنشا بىر­نەشە وتا جاسالعان. دەگەنمەن، بۇ­گىنگە دەيىن جاقسى ناتيجە بەر­­گەنى تىركەلمەپتى. كەيىنگى وتا فران­تسيادا جاسالعان. الايدا ناۋقاس كوپ ۇزاماي قايتىس بولعان.

دجو ديمەو نيۋ-يوركتەگى فارماتسەۆتيكالىق كومپانيا­دا لابورانت بولىپ قىزمەت ەتەدى. 2018 جىلى تۇنگى اۋىسىمنان شىعىپ، ۇيىنە بەتتەگەندە قالعىپ كەتىپ، اپاتقا ۇشىراعان. سالدارىنان دجونىڭ دەنەسى كۇيىپ، ەرىن، قاباعى مەن قولىنان ايىرىلدى. بۇعان دەيىن دە ول 20 پلاستيكالىق وتا جاساتىپتى. 2019 جىلى ونى نيۋ-يورك ۋنيۆەرسيتەتىنىڭ مەديتسينا ورتالىعىنا جىبەرگەن. ارادا ءبىر جىل وتكەندە جاقسى جاڭالىق جەتتى.

«مۇنداي سىيلىق ومىردە ءبىر-اق رەت بولادى. دونوردىڭ وتباسىنا العىس ايتامىن. مەنىڭ اتا-انام ماعان ەكىنشى مۇمكىندىك بەرگەنى ءۇشىن ءدان ريزا»، دەپ اعىنان جارىلدى.

«وتا تەك ناۋقاستىڭ كەسكىنىن جاق­سارتىپ قويماي، دەنە مۇشە­لەرىنىڭ دۇرىس جۇمىس ىستەۋىن قام­تاماسىز ەتۋى كەرەك بولاتىن. اسىرەسە قولىنىڭ جۇمىسى قاتتى الاڭداتتى»، دەدى بەت ترانسپلانتاتسياسى باعدارلاماسىنىڭ ديرەكتورى ەدۋاردو رودريگەس.

وتادان كەيىن دجو 45 كۇن بويى قارقىندى تەراپيا بولىمىندە باقىلاۋدا بولدى. تاعى ەكى ايىن اۋرۋحانادا وتكىزدى. وندا ناۋقاسقا ءبارىن قايتا باستاۋعا تۋرا كەلگەن. كوزىن اشۋدان باس­تاپ، قولىمەن زات ۇستاۋدى دا جاڭادان ۇيرەنۋگە ءماجبۇر بولىپتى. قازىر دجو جاتتىعۋ زالىنا بارا الادى، ءتىپتى اس دايىن­داۋعا دا كىرىسكەن.

ەم-دوم ءالى دە جالعاسىپ جاتىر. دجو كۇنىنە 5 ساعات فيزيوتەراپيا الادى. ءساتتى ناتيجەنى حابارلاۋ ءۇشىن دارىگەرلەر بىرنەشە اي ۋاقىت كۇتكەن. ء«بىز ونىڭ اعزاسى جاڭا مۇشەلەرىن قابىلداعانىن كۇتتىك. قازىر وتا جاقسى ءوتتى دەپ ايتا الامىز»، دەيدى دارىگەرلەر.

 

دايىنداعان

سۆەتلانا عالىمجانقىزى،

«Egemen Qazaqstan»

سوڭعى جاڭالىقتار

مۋتاتسيالانعان ۆيرۋس

مەديتسينا • بۇگىن، 22:15

جىراۋلىق ونەردىڭ جاناشىرلارى

رۋحانيات • بۇگىن، 21:56

Big Tech كومپانيالارىنىڭ قارجىلىق ماسەلەسى

باعدارلامالار • بۇگىن، 21:30

ۇستازى جاقسىنىڭ ۇستامى جاقسى

رۋحانيات • بۇگىن، 18:30

بالقاشتا قار جاۋىپ جاتىر

اۋا رايى • بۇگىن، 15:48

ۇقساس جاڭالىقتار