قازاقستاندا ادام اعزاسىن الماستىراتىن كۇردەلى وتا جاساۋدىڭ قاس شەبەرى كىم دەگەندە، ەسكە بىردەن ترانسپلانتولوگ ابىلاي دونباي تۇسەدى. بۇگىندە شىمكەنت قالاسىنداعى №1 قالالىق كلينيكالىق اۋرۋحاناسىنىڭ باس دارىگەرى بولىپ قىزمەت ەتەتىن ابىلاي دونباي بۇل سالاعا سانالى عۇمىرىن ارناعان.
ەلىمىزدە عانا ەمەس، تمد ەلدەرى ىشىندە اتى ءجيى ايتىلاتىن ترانسپلانتولوگ 11 جىلدان بەرى مەديتسينا سالاسىندا ەڭبەك ەتىپ كەلەدى. ءتىپتى ەۋروپانىڭ ۇزدىك مەديتسينالىق ۇيىمدارىنان ۇسىنىس تۇسسە دە باس تارتقان بىلگىر مامان تۋعان قالاسىندا ەڭبەك ەتۋدى ءجون ساناعان.
تابانى كۇرەكتەي ون جىلدام استام ۋاقىت ارالىعىندا التىن قولدى حيرۋرگ 600-دەن اسا ناۋقاسقا وپەراتسيا جاساپتى. حيرۋرگيا باعىتىنا يننوۆاتسيالىق تەحنولوگيالاردى ەنگىزىپ، ترانسپلانتولوگيا سالاسىن دامىتۋعا كۇش سالعان. ءوزى باسقارىپ وتىرعان اۋرۋحاناداعى بىلىكتى ماماندارمەن بىرگە ابىلاي ءابدىجاپپار ۇلى 2019 جىلى باۋىر ترانسپلانتاتسياسى وتاسىن 5 ساعات 48 مينۋتتا جاساپ، قازاقستاندىق رەكوردتى جاڭارتقان.
بۇگىن ءوزى جۇمىس ىستەيتىن №1 قالالىق كلينيكالىق اۋرۋحانادا بۇيرەك جانە باۋىر ترانسپلانتاتسياسى وپەراتسيالارىن ءساتتى ىستەۋدە. سونداي-اق مەديتسينالىق ءتۋريزمدى دامىتۋ ماقساتىندا 23 شەتەل ازاماتىنا بۇيرەك ترانسپلانتاتسياسىن جاساعان. سوڭعى رەت 166-شى بۇيرەك ترانسپلانتاتسيا وتاسى ءساتتى اياقتالعان.
«بۇيرەگى نەمەسە باۋىرى جاراماي قالىپ، شاراسىز حالگە تۇسكەن ناۋقاستاردىڭ كوزىنەن سونگەن ءۇمىتتى بايقايمىن. سوندىقتان مۇنداي ناۋقاستاردىڭ ءومىرىن امان الىپ قالۋ ءۇشىن كۇردەلى وتا جاساپ، ۇمىتتەرىن قايتا جالعاعىم كەلەدى. ناۋقاستاردىڭ وتادان كەيىنگى قۋانىشتى ءجۇزىن كورىپ، ودان ءارى شابىتتانا تۇسەمىن. ءوزىم باسقارىپ وتىرعان №1 قالالىق كلينيكالىق اۋرۋحانادا جوعارى مامانداندىرىلعان مەديتسينالىق قىزمەتتىڭ ساپاسىن ارتتىرسام دەيمىن. الدا جوسپارىم كوپ. ەڭ باستى مىندەتىم – سىرقاتتانعان جاندارعا مەديتسينالىق كومەك كورسەتۋ»، دەيدى ابىلاي دونباي.
شىمكەنت
شەتەلدەگى جۇمىس: ارتىقشىلىعى مەن كەمشىلىگى
جۇمىس • بۇگىن، 08:40
اگرويندۋستريادا الەۋەتى زور مەگاپوليس
ايماقتار • بۇگىن، 08:38
قىتايمەن ساۋداسى قىزعان جەتىسۋ
ساۋدا • بۇگىن، 08:35
ۇلتتىق سپورت • بۇگىن، 08:33
سپورت • بۇگىن، 08:30
مادەنيەت • كەشە
ۇقساس جاڭالىقتار
ونلاين 
