كوركى كوز تارتارلىق ەتىپ بەزەندىرىلگەن, ارقيلى زاماناۋي قوندىرعىلارمەن جابدىقتالعان كابينەتكە ۇلى ويشىلدىڭ ەلۋدەن استام شىعارماسى قويىلىپتى. قازىر مەكتەپ وقۋشىلارى وسى جەردە رۋحاني ءنار الۋدا. وقۋشىلاردىڭ ءبىرى دينارا نۇرمۇحانوۆا ۇلى اقىننىڭ جۇزدەن استام ولەڭىن جاتقا بىلەدى ەكەن. جىل سايىن تۇراقتى وتكىزىلەتىن «اباي وقۋلارى» بايقاۋىندا بىرنەشە مارتە توپ جارعان.
– ەل پرەزيدەنتى قاسىم-جومارت توقاەۆ ءوزىنىڭ «اباي جانە ءححى عاسىر» اتتى ماقالاسىندا ۇلتتىق سانانى جاڭعىرتۋ ءۇشىن جاس ۇرپاق اتا مۇراسىن وقۋ كەرەكتىگىن اتاپ ءوتتى ەمەس پە؟ – دەيدى وقۋشى دينارا نۇرمۇحانوۆا. – ءبىز وسى تالاپتىڭ ۇدەسىنەن شىعۋىمىز كەرەك. مەن ءوزىمنىڭ وسى ويىمدى قۇربىلارىما ۇدايى ايتىپ, جاقسىلىققا جەتەلەپ جۇرەمىن.
مەكتەپتە جاقسىلىق شاراپاتى مول تالاي ءىس قولعا الىنعان ەكەن. سونىڭ ءبىرى وقۋ جىلىنىڭ باسىنان باستاپ قۇرىلعان ابايتانۋ كلۋبى. كلۋب مۇشەلەرى ونلاين جۇيەدە كەمەڭگەر تۇلعانىڭ مول مۇراسىن مۇقيات زەرتتەپ, ءار ولەڭىندە ايتىلاتىن تەرەڭ ويدى تەبىرەنە تالدايدى. اركىم ءوزىنىڭ تۇيسىنگەنىن, شاكىرت كوڭىلدە الاۋلاعان ۇشقىندى جەتكىزۋگە تىرىسادى. كلۋب قۇرامىنداعى ەلۋدەن استام وقۋشى ءاربىر جىلۋى مول جيىنعا ىجداھاتتى دايىندالىپ, ىقىلاسپەن قاتىسادى.
– اباي مۇراسى كول-كوسىر رۋحاني قازىنا, – دەيدى كلۋب جەتەكشىسى ماقسات مۇراتوۆ, – ءبىز ابايتانۋ كابينەتىنىڭ ارقاسىندا جاس تولقىنعا جاراسىمدى تاربيە بەرۋگە ۇمتىلۋدامىز. تەلەفونداعى ارنايى باعدارلاما ارقىلى كەز كەلگەن قارا ءسوزىن, وقۋشى كوڭىلى قالاعان شىعارماسىن كورسەتە الامىز.
ويعا بوككەن ورتالىقتىڭ ارتىقشىلىعى دا وسىندا. كەز كەلگەن ادام كورنەكى قۇرالدار ارقىلى وزىنە قاجەتتى دۇنيەنى تابان استىندا تابا الادى. وي تەڭىزىن كەشەمىن دەگەن وقۋشىعا ودان ارتىق نە كەرەك.
كوكشەتاۋ
