قازاقستان • 10 اقپان، 2021

كۆازيمەملەكەتتىك سەكتور سالاسىنداعى ساتىپ الۋلاردى رەتتەيتىن زاڭ جوباسى تانىستىرىلدى

7 رەت كورسەتىلدى

قازاقستاندا كۆازيمەملەكەتتىك سەكتوردىڭ بارلىق ساتىپ الۋلارىنا قولدانىلاتىن بىرىڭعاي زاڭ ازىرلەنەتىن بولادى. مۇنداي نورما بۇگىن ماجىلىستە تانىستىرىلعان «كۆازيمەملەكەتتىك سەكتوردىڭ جەكەلەگەن سۋبەكتىلەرىنىڭ ساتىپ الۋى تۋرالى» جاڭا زاڭ جوباسىنا ەنگىزىلمەك.

ءماجىلىستىڭ ەكونوميكالىق رەفورما جانە وڭىرلىك دامۋ كوميتەتىندە دەپۋتات البەرت راۋدىڭ جەتەكشىلىگىمەن اتالعان زاڭ جوباسىنىڭ (ىلەسپە تۇزەتۋلەرىمەن) تانىستىرىلىمى ءوتتى.

دەپۋتاتتارمەن قاتار بەينەكونفەرەنتسيا بايلانىسى ارقىلى وتكەن وتىرىسقا مەملەكەتتىك ورگانداردىڭ، قوعامدىق ۇيىمداردىڭ، كۆازيمەملەكەتتىك سەكتور سۋبەكتىلەرىنىڭ، پارلامەنتتىك ەمەس ساياسي پارتيالاردىڭ، «اتامەكەن» ۇكپ وكىلدەرى جانە ساراپشىلار قاتىستى.

زاڭ جوبالارى بويىنشا بايانداما جاساعان قارجى ۆيتسە-ءمينيسترى قانات باەدىلوۆ قازىرگى ۋاقىتتا كۆازيمەملەكەتتىك سەكتوردى ساتىپ الۋ ءتۇرلى نورماتيۆتىك قۇقىقتىق اكتىلەرمەن رەتتەلەتىنىن ءتۇسىندىردى. مىسالى، «سامۇرىق-قازىنا» قورىنىڭ ساتىپ الۋلارى – «ۇلتتىق ءال-اۋقات قورى تۋرالى» زاڭمەن جانە قوردىڭ ديرەكتورلار كەڭەسى بەكىتەتىن ساتىپ الۋ ەرەجەلەرىمەن جۇزەگە اسىرىلادى. «سامۇرىق-قازىنا» قورىنىڭ قۇرامىنا كىرمەيتىن «بايتەرەك»، «قازاگرو»، «زەردە» سياقتى ۇلتتىق كومپانيالاردىڭ جانە باسقا دا ساتىپ الۋلار – «مەملەكەتتىك م ۇلىك تۋرالى» زاڭمەن جانە قارجى مينيسترلىگىنىڭ ساتىپ الۋ ەرەجەلەرىمەن جۇزەگە اسىرىلادى.

ۆيتسە-ءمينيستردىڭ ايتۋىنشا، ەندى جوعارىدا اتالعان بارلىق كۆازيمەملەكەتتىك سەكتور سۋبەكتىلەرىنىڭ ساتىپ الۋلارى بىرىڭعاي نورماتيۆتىك قۇقىقتىق اكتىمەن رەتتەلەتىن بولادى.

مەملەكەتتىك ساتىپ الۋلارعا ۇقساس تەندەرلىك قۇجاتتامانى، الدىن الا رۇقسات بەرۋ حاتتاماسىن الدىن الا تالقىلاۋ تەتىكتەرى، تەندەرگە قاتىسۋشىلاردىڭ تەندەرلىك قۇجاتتاما بەكىتىلگەنگە دەيىن ءوز ەسكەرتۋلەرىن بەرۋ مۇمكىندىگى، سونداي-اق شاعىمدانۋ كەزەڭىندە شارت جاساسۋدى توقتاتا تۇرۋ كوزدەلەدى.

ساتىپ الۋ ەرەجەلەرى دەڭگەيىندە ساتىپ الۋ پروتسەسىن ەگجەي-تەگجەيلى رەتتەيتىن نورمالاردى رەتتەۋ ۇسىنىلادى. بۇل رەتتە سامۇرىق-قازىنا قورىنىڭ ساتىپ الۋ قاعيدالارىن بەكىتۋدى قوردىڭ قاراماعىندا ساقتاۋ ۇسىنىلادى. ازىرلەۋشى تۇسىندىرگەندەي، بۇل قور قىزمەتىنىڭ ەرەكشەلىگىنە جانە ونىڭ مارتەبەسىنە، سونداي-اق IPO جۇرگىزۋ جانە جەكەشەلەندىرۋدىڭ وزگە دە نىساندارى كەزىندە قور كومپانيالارىنىڭ ينۆەستيتسيالىق تارتىمدىلىعىن ساقتاۋ قاجەتتىگىنە بايلانىستى.

تۇتاستاي العاندا، زاڭ جوباسى بازالىق ەرەجەلەردى عانا كوزدەيتىن 17 باپتان تۇرادى. نەگىزگىسىن ىسكە اسىرۋ ءۇشىن ىلەسپە زاڭ جوباسى ازىرلەندى، وعان كاسىپكەرلىك كودەكسكە جانە اكتسيونەرلىك قوعامدار تۋرالى، مەملەكەتتىك م ۇلىك تۋرالى جانە ۇلتتىق ءال-اۋقات قورى تۋرالى زاڭدارعا تۇزەتۋلەر ەنگىزىلەدى.

تۇتاستاي العاندا، زاڭ جوبالارىن قابىلداۋ كۆازيمەملەكەتتىك سەكتور سۋبەكتىلەرىنىڭ ساتىپ الۋلارىنىڭ اشىقتىعىن ارتتىرۋعا جانە وسى سالاداعى سىبايلاس جەمقورلىق تاۋەكەلدەرىن تومەندەتۋگە مۇمكىندىك بەرەدى، دەپ ءتۇسىندىردى بايانداماشى.

كوميتەت توراعاسى البەرت راۋ وتىرىستى قورىتىندىلاي كەلە، دەپۋتاتتار مەن باسقا دا قاتىسۋشىلار ايتقان ەسكەرتۋلەر مەن ۇسىنىستاردى ەسكەرە وتىرىپ، زاڭ جوباسى ءماجىلىس دەپۋتاتى ابيلفاس حامەدوۆ باستاعان جۇمىس توبىنىڭ وتىرىستارىندا قارالاتىنىن جەتكىزدى.

سوڭعى جاڭالىقتار

سينگاپۋردىڭ سوڭعى اۋىلى

الەم • بۇگىن، 17:55

پەتر يان ۇزدىكتەر قاتارىنا ەندى

جەكپە-جەك • بۇگىن، 16:05

ۇقساس جاڭالىقتار