شىعىس قازاقستان وبلىسىنىڭ اكىمى بەردىبەك ساپارباەۆ ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە استانا قالاسىندا وقىپ جاتقان شىعىسقازاقستاندىق ستۋدەنتتەرمەن جانە سپورتشىلارمەن جۇزدەستى.
شىعىس قازاقستان وبلىسىنىڭ اكىمى بەردىبەك ساپارباەۆ ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە استانا قالاسىندا وقىپ جاتقان شىعىسقازاقستاندىق ستۋدەنتتەرمەن جانە سپورتشىلارمەن جۇزدەستى.
كەزدەسۋدى ەۋرازيا ۇلتتىق ۋنيۆەرسيتەتىنىڭ رەكتورى ە.سىدىقوۆ قىسقاشا ءسوز سويلەپ اشتى. ودان سوڭ بەردىبەك ماشبەك ۇلى جينالعاندارعا وبلىستىڭ الەۋمەتتىك-ەكونوميكالىق دامۋ قارقىنى تۋرالى باياندادى. وبلىس اكىمى ەلىمىزدىڭ تۇكپىر-تۇكپىرىندە ءبىلىم الىپ جاتقان جاستاردى جۇمىسپەن قامتۋدىڭ باستى نازاردا ەكەنىن ايتتى. وسى ماقساتپەن «تۇلەك» اكتسياسى قولعا الىنىپتى.
كەزدەسۋ بارىسىندا وبلىس باسشىسىنا بىرقاتار تىلەكتەر دە ايتىلدى. جازۋشى ت.ءابدىرايىموۆ شىعىستىڭ تۋماسى زاكي احمەتوۆتىڭ شىعارمالارىن باسپادان شىعارۋ ءىسىن قولعا الۋ قاجەتتىگىن ايتسا, تەلەراديو جانە قوعاممەن بايلانىس كافەدراسىنىڭ 
دوتسەنتى م.جاقىپ سەمەي قالاسىنىڭ تورىنە دۋلات باباتاي ۇلىنىڭ ەسكەرتكىشىن ورناتۋدى ۇسىندى.
ب.ساپارباەۆ بۇل كەزدەسۋدىڭ ەلىمىزدىڭ ءارتۇرلى اۋماعىندا ءبىلىم الىپ جاتقان شىعىسقازاقستاندىق ستۋدەنتتەردىڭ حال-جاعدايىمەن تانىسۋ, ولاردى تۋعان ولكەلەرىندە ەڭبەك ەتۋگە شاقىرۋ ماقساتىندا ۇيىمداستىرىلعانىن ەسكە سالدى. بۇعان دەيىن دە ول استانا قالاسىنداعى نازارباەۆ ۋنيۆەرسيتەتىنىڭ, الماتىداعى قازاق ۇلتتىق ۋنيۆەرسيتەتىنىڭ ستۋدەنتتەرىمەن كەزدەسۋلەر وتكىزىپتى. بەردىبەك ماشبەك ۇلى استانا قالاسىندا وقيتىن 30 ۇزدىك ستۋدەنتكە سىياقى تابىستادى. ال ەۋرازيا ۇلتتىق ۋنيۆەرسيتەتىنە اكىمدىك اتىنان شاعىن اۆتوبۋس سىيلادى.
كامشات جۇباتحانوۆا,
ەۋرازيا ۇلتتىق ۋنيۆەرسيتەتىنىڭ ستۋدەنتى.
