جۇرەك قاعىسى 60-قا دەيىن تۇسكەن قارت اجەيدىڭ بەتى بەرى قاراپ كەلەدى. دارىگەرلەر سوڭعى جىلدارى جۇرەگىندە اقاۋى بار جاندار كوبەيىپ جاتقانىن العا تارتادى.
كەۋانا ۆارۆارا تولوكوننيكوۆا 4 كۇن بۇرىن عانا اۋىر وپەراتسيادان شىقتى. جۇرەك قاعىسى 60-قا دەيىن تومەندەگەن ول اۋرۋحاناعا اۋىر جاعدايدا تۇسكەن. ءومىرى قىل ۇستىندە جاتقان وعان شۇعىل تۇردە وپەراتسيا جاسالىپتى. بۇگىندە ەلەكتروكارديوستيمۋلياتور يمپلانتاتسياسىمەن جۇرەگى ءجيى سوعا باستاعان.
وسى ورايدا ۆارۆارا تولوكوننيكوۆا: ء«وزىمدى وتە ناشار سەزىندىم. تابەتىم قۇرىپ, اس باتپاي قالدى. انە-مىنە ولەم بە دەپ جاتتىم. ال وتادان كەيىن ءبارى وزگەردى. تابەتىم دە اشىلىپ, تاماق تا ءىشىپ الدىم», دەپ ايتىپ ءوتتى.
دارىگەرلەر شىمكەنت قالاسىندا سوڭعى جىلدارى جۇرەك قاعىسىنا شاعىمداناتىندار كوبەيگەن. سوندىقتان دا ەلەكتروكارديوستيمۋلياتور يمپلانتاتسياسىنا بايلانعاندار قاراسى ازايماي تۇر. وسىلاي دەگەن اق حالاتتىلار جۇرەك قاعىسىن رەتتەيىن قوندىرعىنىڭ بۇرىن-سوڭدى 100 جاساعان تۇرعىنعا قويىلماعانىن ايتادى.
شىمكەنت قالالىق كارديولوگيالىق ورتالىقتىڭ دارىگەرى ازات تۇرسىنبەكوۆ: «101 جاستاعى ناۋقاسقا ەلەكتروكارديوستيمۋلياتور يمپلانتاتسياسىن ءبىرىنشى رەت جاساپ جاتىرمىز ءبىزدىڭ تاجىريبەدە. 95-96 جاسار اپالار-اتالارعا جاساعانبىز. ايتا كەتەرلىك جاعداي, ناۋقاستاردىڭ جاسى ۇلعايعان سايىن ولاردىڭ تىندەرى دە وتە نازىك بولىپ كەلەدى. سوندىقتان وتە نازىك جۇمىس ىستەۋىمىز كەرەك», دەپ تولىقتىردى.
وتادان جۋىردا عانا شىققان قارت اجەي كۇنى ەرتەڭ ءوز ۇيىنە قايتادى. ال وعان قوندىرىلعان اپپارات 10 جىلعا دەيىن قىزمەت اتقارادى.
