اگەنتتىك توراعاسى مەملەكەت باسشىسىنىڭ باستاماسىمەن قابىلدانعان ساياسي جاڭعىرتۋ شارالارىنا ەرەكشە نازار اۋداردى. وسى باعىتتاعى كەلەسى قادامدار – اۋىلدىق وكرۋگ اكىمدەرىن تىكەلەي سايلاۋدى, ساياسي پارتيالاردىڭ ماجىلىسكە ءوتۋ شەگىن 7-دەن 5%-عا دەيىن تومەندەتۋدى جانە سايلاۋ بيۋللەتەنىنە «بارلىعىنا قارسى» باعانىن ەنگىزۋدى قامتيدى.
سىبايلاس جەمقورلىققا قارسى جۇمىس تۋرالى ايتا كەلىپ, اليك شپەكباەۆ سالالىق زاڭنامانىڭ نوۆەللالارىن جان-جاقتى ءتۇسىندىردى. ولاردىڭ ىشىندە سىبايلاس جەمقورلىق ءۇشىن جاۋاپكەرشىلىكتى كۇشەيتۋ, سىبايلاس جەمقورلىققا قارسى كومپلاەنستى زاڭنامالىق بەكىتۋ, مۇددەلەر قاقتىعىسىن بولدىرماۋ جونىندەگى شارالاردى كۇشەيتۋ, مەملەكەتتىك قىزمەتشىلەر, دەپۋتاتتار, سۋديالار جانە باسقالار ءۇشىن شەتەلدىك بانكتەردەگى شوتتارعا تىيىم سالۋ بار.
ءوز كەزەگىندە كريستوفەر ماككي قازاقستاندا سىبايلاس جەمقورلىققا قارسى ساياساتتى جۇزەگە اسىرۋ ءتاسىلىن جوعارى باعالادى.
«قازاقستان وزگە ەلدەردەن, اسىرەسە, وڭىردە ايتارلىقتاي ەرەكشەلەنەدى. سىبايلاس جەمقورلىققا قارسى باستامالاردىڭ ساياسي دەڭگەيدەگى ترانسفورماتسيالىق وزگەرىستەرمەن كۇشەيە تۇسۋىندە ايرىقشا ەرەكشەلىك بار», دەپ اتاپ ءوتتى سپيكەر.
PRS Group باسشىسى سovid-19 پاندەمياسىنىڭ جانە الەۋمەتتىك-ەكونوميكالىق قالپىنا كەلتىرۋ شارالارىن قابىلداۋ اياسىندا وزەكتىلىگى بىرنەشە ەسە ارتىپ كەلە جاتقان «حالىق ۇنىنە قۇلاق اساتىن مەملەكەتت» ساياساتى تۋرالى وڭ پىكىر ءبىلدىردى.
ساراپشى مەملەكەتتىك قىزمەتتەردىڭ 93% ەلەكتروندى فورماتتا قولجەتىمدى ەكەنىن اتاپ ءوتىپ, تسيفرلاندىرۋ مەن ەلدىڭ ينۆەستيتسيالىق تارتىمدىلىعىنىڭ ءوزارا بايلانىسىن اتاپ ءوتتى. ناتيجەسىندە, دۇنيەجۇزىلىك بانكتىڭ سىبايلاس جەمقورلىقتى باقىلاۋ يندەكسى مەن ترانسپارەنسي ينتەرنەشنل سىبايلاس جەمقورلىقتى قابىلداۋ يندەكسى كورسەتكىشتەرىنىڭ وسۋىنەن دە كورىنىس تابادى.
سونداي-اق ك.ماككي اگەنتتىك قىزمەتىندەگى جوبالىق تاسىلگە نازار اۋداردى. جاقىندا سىبايلاس جەمقورلىققا قارسى جوبالار جونىندەگى باسقارۋشى كوميتەتتىڭ قۇرىلۋى ناقتى ولشەنەتىن ناتيجەلەرگە باعدارلانۋعا مۇمكىندىك بەرەدى.
