1 اقپاننان باستاپ ءىىم 102 ءموبيلدى قوسىمشاسىن ىسكە قوسىلدى. قىزمەت "ازاماتتاردىڭ حابارلامالارىن قابىلداۋ پروتسەسىنىڭ بىرىزدىلىگى" جوباسىنىڭ بولىگى بولىپ تابىلادى, ونىڭ مىندەتى پوليتسيانى حالىققا جاقىنداتۋ جانە قول جەتىمدى ەتۋ بولىپ تابىلادى. ازىرلەنگەن قوسىمشانىڭ كومەگىمەن ەلدىڭ ءاربىر تۇرعىنى جاسالعان قۇقىق بۇزۋشىلىق نەمەسە قىلمىس تۋرالى اقپاراتتى جىبەرە الادى جانە ونىڭ حابارلاماسى جاۋاپسىز قالمايتىنىنا سەنىمدى بولا الادى. جۇيە ارقىلى ءوتىنىش بەرۋگە, وپەراتورمەن اۋديو نەمەسە بەينە قوڭىراۋ ارقىلى بايلانىسۋعا, قىزمەت الۋعا, سونداي-اق شاقىرۋ ورنىنا بارعان پوليتسيا جاساعىنىڭ ورنالاسقان جەرىن باقىلاۋعا بولادى.
- ازاماتتاردىڭ حابارلامالارىن قابىلداۋدىڭ بىرەگەي پروتسەسى ىشكى ىستەر ورگاندارىنىڭ بىرىڭعاي تەرەزەسىندە ءارتۇرلى كوممۋنيكاتسيا ارنالارى ارقىلى ازاماتتارمەن ءوزارا ءىس-قيمىل جاساۋعا مۇمكىندىك بەرەدى. وسى رەگلامەنتتىڭ ماقساتى قازاقستان رەسپۋبليكاسى ىشكى ىستەر ورگاندارى قىزمەتكەرلەرىنىڭ قىزمەت ءتارتىبىن انىقتاۋ, ءتۇرلى بايلانىس ارنالارى ارقىلى كەلىپ تۇسكەن وتىنىشتەردى باقىلاۋ جانە قاراۋ بولىپ تابىلادى, - دەدى بقو پد باستىعى پوليتسيا گەنەرال-مايورى ماحسۋدحان ابلازيموۆ.
پوليتسيا ۆەدومستۆوسىنىڭ باسشىسى سونداي - اق "Police 102" موبيلدىك قوسىمشاسى جانە ۆيدجەت ارقىلى بەينە-جانە اۋديو-قوڭىراۋلار ارنالارى, Telegram, ۆكونتاكتە-داعى چات-بوتتار جانە قر ءىىم رەسمي ينتەرنەت-رەسۋرسىندا ورنالاستىرىلعان ۆيدجەت ارقىلى ماتىندىك كەڭەس بەرۋ, وتىنىشتەردى بەرۋ (ماتىندىك) چات-بوتتار, ەلەكتروندىق پوشتا جانە "Police ء102"موبيلدى قوسىمشاسى جۇمىس ىستەيتىنىن اتاپ ءوتتى.
- ازامات قۇقىق بۇزۋشىلىقتار مەن وقيعالارعا قاتىستى ماسەلەلەر بويىنشا ەلەكتروندىق فورماتتا, ياعني سايتتاعى ۆيدجەت ارقىلى ىشكى ىستەر ورگاندارىنا ءوز بەتىنشە جۇگىنۋگە قۇقىلى https://www.gov.kz/memleket/entities / qriim.lang=ru. ازامات ءوتىنىشتىڭ تاقىرىبىن ايقىندايدى: شاعىمدار, ارىزدار, ءوتىنىشتىڭ جاعدايى مەن سيپاتىن سيپاتتايدى, جەكە دەرەكتەرىن جانە قولدانىستاعى ەلەكتروندىق مەكەنجايىن كورسەتەدى. ءوتىنىمنىڭ مارتەبەسى جانە كەرى بايلانىس تۋرالى اقپارات الۋ ءۇشىن ءوتىنىش بەرۋشىنىڭ قازاقستان رەسپۋبليكاسى ىشكى ىستەر مينيسترلىگىنىڭ قولجەتىمدى مەملەكەتتىك قىزمەتتەرى مەن سەرۆيستەرىن الۋ مۇمكىندىگى بار, - دەپ حابارلادى ماحسۋدحان ابلازيموۆ.
دەپارتامەنت باستىعى AppStore, PlayMarket دۇكەندەرىندە تەگىن جۇكتەۋ ءۇشىن قولجەتىمدى "Police 102" ءموبيلدى قوسىمشاسى ارقىلى ازامات جەكە دەرەكتەرگە سايكەس قوسىمشادا تىركەلەدى جانە ولاردى قولجەتىمدى تاسىلدەرمەن (ەلەكتروندىق پوشتا, تەلەفون ءنومىرى) راستايدى, بەينە - جانە اۋديو-قوڭىراۋلاردى جۇزەگە اسىرۋعا مۇمكىندىگى بار, ورىندالۋ بارىسىن قاراۋ جانە كەرى بايلانىس الۋ مۇمكىندىگىمەن وتىنىشتەردى, شاعىمداردى, ارىزداردى بەرەدى.
قورىتىندىلاي كەلە, ماحسۋدحان ابلازيموۆ جۇيەدە تىركەلگەن ەلەكتروندىق ءوتىنىش ءنومىرى ءوتىنىش بەرۋشىگە ەلەكتروندىق مەكەن-جايعا, ءموبيلدى قوسىمشانى حاباردار ەتۋگە جانە Telegram @QZ102bot-تىڭ وتىنىشتەر تاريحى بولىمىندەگى چاتىنا جىبەرىلەتىنىن اتاپ ءوتتى.
سونىمەن قاتار, بۇل قوسىمشادا "SOS تۇيمەسى"ۇسىنىلعان. بۇل توتەنشە شاقىرۋ قۇرىلعىسى, ءىىم دامىعان ەلدەردىڭ تاجىريبەسى بويىنشا كوشەلەردە, قوعامدىق ورىنداردا, سونداي-اق جولداردا ورناتۋدى ۇسىنادى. دابىل تۇيمەسىن باسۋ ارقىلى ءسىز قۇقىق بۇزۋشىلىق تۋرالى حابارلاما جىبەرە الاسىز نەمەسە پوليتسياعا كومەك سۇراي الاسىز.
