مەملەكەتتىك جوسپارلاۋ جۇيەسىنە وسى تاسىلدەردى ازىرلەۋ كەزىندەگى نەگىزگى مىندەتتەردىڭ ءبىرى ونىڭ تيىمدىلىگىن كۇشەيتۋ بولدى. ماسەلەن, ءبىرىنشى دەڭگەيدەگى قۇجاتتار ەلدىڭ ۇزاق مەرزىمدى جانە ورتا مەرزىمدى كەزەڭدەگى دامۋ پايىمىن ايقىندايتىن بولادى. قازاقستان 2050 ستراتەگياسى مەملەكەت دامۋىنىڭ ۇزاق مەرزىمدى پايىمىن ايقىندايتىن ەلدىڭ ءتۇيىندى قۇجاتى. وسىعان بايلانىستى ۇزاق مەرزىمدى قۇجاتتى ىسكە اسىرۋ ءۇشىن جالپىۇلتتىق باسىمدىقتار قۇرالى ەنگىزىلەتىن بولادى, ول قازاقستان 2050 ستراتەگياسىنىڭ پايىمىن نەعۇرلىم قىسقا ارالىقتاردا (2025 جىلعا دەيىن) ىسكە اسىرۋ ءۇشىن نەگىزگى باسىمدىقتاردى بىرىكتىرەتىن جانە ايقىندايتىن بىرىڭعاي جانە ينكليۋزيۆتى پلاتفورما بولادى.
«ۇلتتىق دامۋ جوسپارى, اۋماقتىق دامۋ جوسپارى, سونداي-اق ۇلتتىق قاۋىپسىزدىك ستراتەگياسى ورتالىق جانە وڭىرلىك دەڭگەيلەردە دە مەملەكەتتىك اپپاراتتىڭ ماقساتتارى مەن مىندەتتەرىن ايقىندايتىن بولادى. اۋماقتىق دامۋ جوسپارى ەلدىڭ ءاربىر ءوڭىرىنىڭ باسەكەلەستىك ارتىقشىلىقتارىن اشۋعا باعىتتالاتىن بولادى», — دەدى ق. كەلىمبەتوۆ.
ونىڭ ايتۋىنشا, ۇلتتىق جوبالار قۇرالى ەنگىزىلەتىن بولادى, ول جوبالىق تاسىلگە سايكەس بارلىق سيپاتتامالارعا يە بولادى. ەكىنشى دەڭگەيدەگى قۇجاتتار وڭىرارالىق ماسەلەلەر بويىنشا دا, سالالار مەن سالالار اراسىنداعى ماسەلەلەر بويىنشا دا جۇرگىزىلەتىن ساياساتتى ايقىندايتىن بولادى. ءۇشىنشى دەڭگەيدەگى قۇجاتتار ىسكە اسىرۋ قۇجاتتارى بولادى.
مەملەكەتتىك ورگانداردىڭ, كۆازيمەملەكەتتىك ۇيىمداردىڭ دامۋ جوسپارلارى, وڭىرلەردى دامىتۋ جوسپارلارى جوعارى تۇرعان قۇجاتتاردىڭ مىندەتتەرىن ىسكە اسىرۋ جونىندەگى تەتىكتەردى كورسەتەتىن بولادى. وسىلايشا, قازاقستان – 2050 جالپىۇلتتىق باسىمدىقتارى مەن پايىمىن ورىنداۋعا توعىستىرىلاتىن ءۇش دەڭگەيدەگى بارلىق قۇجاتتار اراسىنداعى ناقتى ءوزارا بايلانىس قامتاماسىز ەتىلەدى. وسىعان بايلانىستى, ۇكىمەتتەن مەملەكەتتىك جوسپارلاۋ جۇيەسىن ۇكىمەت قاۋلىسى تۇرىندە بەكىتۋى ءتيىس.
«جالپى, جالپىۇلتتىق باسىمدىقتار ءۇش باعىت: ينستيتۋتتاردىڭ ساپاسى, ازاماتتاردىڭ ءال-اۋقاتى جانە قۋاتتى ەكونوميكا بويىنشا 10 نەگىزگى باسىمدىقتى قامتيدى. قازىرگى ۋاقىتتا پرەزيدەنت جارلىعىنىڭ جالپىۇلتتىق باسىمدىقتار جونىندەگى جوباسى مەملەكەتتىك ورگانداردىڭ كەلىسۋىندە تۇر. جالپىۇلتتىق باسىمدىقتار تۋرالى جارلىق جوباسىن 2021 جىلعى 10 اقپانعا دەيىن قول قويۋعا ەنگىزۋ ورىندى دەپ سانايمىز», — دەدى ول.
2020 جىلدىڭ قازان ايىنان باستاپ اگەنتتىك قازاقستاننىڭ 2025 جىلعا دەيىنگى ۇلتتىق دامۋ جوسپارىن ازىرلەۋگە بەلسەندى قاتىستى. ۇلتتىق دامۋ جوسپارىنىڭ جوباسى ەلدىڭ ەكونوميكالىق ءوسۋىن جەدەلدەتۋگە جانە حالىقتىڭ ءال-اۋقاتىن ارتتىرۋعا باعىتتالعان ورتا مەرزىمدى كەزەڭدەگى ەلدىڭ جاڭا ەكونوميكالىق باعىتىنىڭ نەگىزگى پارامەترلەرىن قالىپتاستىرادى.
بۇل رەتتە ۇلتتىق جوسپار مەملەكەتتىك جوسپارلاۋدىڭ ءبىرىنشى دەڭگەيىنىڭ قۇجاتى بولا وتىرىپ, ءتيىستى سالالاردا ۇلتتىق جوبالاردى ازىرلەۋ ءۇشىن بازيس جانە نەگىز بولادى. وسىعان بايلانىستى ق. كەلىمبەتوۆ 2021 جىلعى 10 اقپانعا دەيىن ۇلتتىق دامۋ جوسپارىن بەكىتۋ تۋرالى پرەزيدەنت جارلىعىنىڭ جوباسىن ەنگىزۋ ورىندى بولاتىنىن اتاپ ءوتتى.
مەملەكەتتىك جوسپارلاۋ جۇيەسىنىڭ نەگىزگى قۇجاتتارىنىڭ ءبىرى ۇلتتىق جوبالار بولادى. جوبالاردىڭ نەگىزگى كريتەريى ناتيجەسىندە ازاماتتاردىڭ ءومىرىن وڭ وزگەرتۋدى قامتاماسىز ەتەتىن ەلدىڭ بۇكىل اۋماعىنا, ەكونوميكاسىنا, الەۋمەتتىك جۇيەسىنە ىقپال ەتۋ بولادى. ۇلتتىق جوبالاردىڭ تىزبەسىن قازاقستان رەسپۋبليكاسى پرەزيدەنتىنىڭ جارلىعىمەن بەكىتۋ ورىندى دەپ اتاپ ءوتتى ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى.
ونىڭ ايتۋىنشا, جوبالار تىزبەسىن بەكىتۋ تۋرالى جارلىقتىڭ جوباسىن پرەزيدەنتتىڭ قول قويۋىنا 2021 جىلعى 1 ناۋرىزعا دەيىن ەنگىزۋ ماڭىزدى, بۇل جوبالاردى ازىرلەۋ پروتسەسىن باستاۋعا مۇمكىندىك بەرەدى.
«ۇكىمەت اعىمداعى مەملەكەتتىك باعدارلامالاردى ودان ءارى جوبالارعا كوشىرۋ ماقساتىندا ولارعا باعالاۋ مەن تالداۋ جۇرگىزۋدى ورىندى دەپ سانايمىز. سجرا وسى ماسەلە بويىنشا ادىسنامالىق قولداۋ كورسەتۋگە دايىن. اتاپ ايتقاندا, جوبانى ۇلتتىق جوبالىق كەڭسەنىڭ تۇراقتى قاتىسۋىمەن ازىرلەۋشى مەملەكەتتىك ورگاندار ازىرلەيتىن بولادى. ستراتەگيالىق جوسپارلاۋ جانە رەفورمالار اگەنتتىگى جوبالار بويىنشا قورىتىندى قالىپتاستىرۋ شەڭبەرىندە مۇنداي جوبالاردىڭ جالپىۇلتتىق باسىمدىقتارعا سايكەستىگىن قامتاماسىز ەتەدى», — دەدى ق. كەلىمبەتوۆ.
ءتسدياوم تسيفرلىق ترانسفورماتسيا ورتالىعى ارقىلى Data driven Government پلاتفورماسى شەڭبەرىندە تولىق تسيفرلىق جاراقتاندىرۋدى جانە ءوزارا ءىس-قيمىلدى قامتاماسىز ەتەدى. قازىرگى ۋاقىتتا اگەنتتىك ۇلتتىق جوبالاردى ازىرلەۋ بويىنشا ادىستەمە دايىنداۋدا, ول جاقىنادا ۇكىمەتكە كەلىسۋگە جىبەرىلەدى. جوبالاردى تەز ارادا ازىرلەۋ قاجەتتىلىگىن نازارعا الا وتىرىپ, سجرا ادىستەمەنى 2021 جىلعى 15 اقپانعا دەيىن قاراۋدى جانە كەلىسۋدى ۇسىنادى. وسىعان بايلانىستى اگەنتتىك ۇلتتىق ەكونوميكا مينيسترلىگىمەن بىرلەسىپ, 2021 جىلعى 1 ناۋرىزعا دەيىنگى مەرزىمدە ورتالىق مەملەكەتتىك ورگاندار مەن جەرگىلىكتى اتقارۋشى ورگانداردىڭ باسشىلىعى ءۇشىن بىرقاتار سەمينارلار وتكىزەدى.
ق. كەلىمبەتوۆتىڭ ايتۋىنشا, مەملەكەتتىك باسقارۋ مەملەكەتتىك جوسپارلاۋ جۇيەسىنە جاڭا تاسىلدەردى تابىستى يمپلەمەنتاتسيالاۋدىڭ نەگىزگى بولىگى رەتىندە سانالاتىنى انىق. وسىلايشا, مەملەكەتتىك جوسپارلاۋ جۇيەسىنە جاڭا تاسىلدەردى تابىستى ەنگىزۋ ماقساتىندا ء«تۇبىر جۇيەلەر» نەگىزىندە مەملەكەتتىك باسقارۋ جۇيەسىن رەفورمالاۋ اسا ماڭىزدى. وسى باعىتتاعى ترانسفورماتسيانىڭ نەگىزگى قاعيداتى «ادام ورتالىعى» بولادى.
جاپپاي تسيفرلاندىرۋ, ونىڭ ىشىندە Data Driven Government پلاتفورماسىن ەنگىزۋ ارقىلى مەملەكەتتىك باسقارۋ جۇيەسىن جاقسارتۋدىڭ نەگىزگى ەلەمەنتىنە اينالادى جانە تيىسىنشە مەملەكەتتىك جوسپارلاۋ جۇيەسىنىڭ تابىستى جانە كەلىسىلگەن قىزمەتىن قامتاماسىز ەتۋگە مۇمكىندىك بەرەدى.
وسى جىلدىڭ 29 قاڭتارىندا مەملەكەت باسشىسى ق. توقاەۆ قازاقستان رەسپۋبليكاسىندا مەملەكەتتىك باسقارۋدى دامىتۋدىڭ 2030 جىلعا دەيىنگى تۇجىرىمداماسىن ماقۇلدادى, ونى 2021 جىلعى 10 اقپانعا دەيىن قول قويۋعا ەنگىزۋ جوسپارلانىپ وتىر. مەملەكەتتىك ساياساتتى قالىپتاستىرۋ جانە ىسكە اسىرۋ كەزىندە مەملەكەتتىك اپپارات پەن مەملەكەتتىك قىزمەتشىلەر مەملەكەتتىك باسقارۋدىڭ 5 ىرگەلى قاعيداتىن باسشىلىققا الاتىن بولادى. ءبىزدىڭ مەملەكەتىمىز «حالىق ۇنىنە قۇلاق اساتىن», ءتيىمدى, قوعامعا ەسەپ بەرەتىن, كاسىبي جانە پراگماتيكالىق بولۋعا ءتيىس. مەملەكەتتىك باسقارۋدىڭ سەرۆيستىك مودەلىنە كوشۋ ءۇشىن مەملەكەتتىك اپپاراتتىڭ الدىنا 9 نەگىزگى مىندەت قويىلدى. سجرا وسى تۇجىرىمدامانى ىسكە اسىرۋدىڭ ەگجەي-تەگجەيلى جوسپارىن تاياۋ ارادا, اعىمداعى جىلدىڭ 1 ناۋرىزىنا دەيىن ازىرلەۋدى تاپسىرۋدى ۇسىندى. قر پرەزيدەنتى جانىنداعى رەفورمالار جونىندەگى جوعارى كەڭەستىڭ شەشىمىنە سايكەس ۇلتتىق ساناق بيىل جۇرگىزىلەدى.
«2021 جىلعى ۇلتتىق حالىق ساناعىنىڭ جاڭالىعى قازىرگى زامانعى تسيفرلىق تەحنولوگيالاردى ەنگىزۋ جانە پروتسەستى اۆتوماتتاندىرۋدىڭ ەنگىزىلۋى. ەندى پوپۋلياتسيا تۋرالى مالىمەتتەردى جيناۋ پروتسەسى ەكى جولمەن جۇزەگە اسىرىلادى. ءبىرىنشى ءادىس sanaq.gov.kz ارنايى سايتىندا ينتەرنەت-ساۋالناما جۇرگىزۋ, ول ۆيرتۋالدى كومەكشىنىڭ كومەگىمەن رەسپوندەنتتەرگە ورنالاسقان جەرىنە قاراماستان وزدىگىنەن ساناق جۇرگىزۋگە جانە وزىنە جانە وتباسى مۇشەلەرىنە ساناق پاراقتارىن تولتىرۋعا مۇمكىندىك بەرەدى. ەكىنشىسى - قاجەتتى سانيتارلىق نورمالاردى ساقتاي وتىرىپ, ءداستۇرلى جاپپاي ارالاۋ ونلاين-رەجيمدە ساناقتان وتپەگەن رەسپوندەنتتەر اراسىندا جۇرگىزىلەتىن بولادى. بۇل شارالاردى قازان ايىندا وتكىزۋ جوسپارلانعان», — دەدى سجرا توراعاسى.
جاپپاي ارالاۋ كەزىندە ينتەرۆيۋەرلەردىڭ ەلەكتروندىق پلانشەتتەردى پايدالانۋى جاڭاشىلدىق, ولار كەيىن ءتيىستى وڭىرلەردەگى مەكتەپتەرگە بەرىلەدى. ءۇي-ءۇيدى ارالاۋ ا.ج. 1-30 قازان ارالىعىندا وتەدى.
ۇلتتىق ساناقتى وتكىزۋ جونىندەگى ءىس-شارالار جوسپارىن ىسكە اسىرۋ ماقساتىندا قر پرەمەر-ءمينيسترىنىڭ ءبىرىنشى ورىنباسارى ءا. سمايىلوۆتىڭ توراعالىعىمەن ارنايى كوميسسيا قۇرۋ تۋرالى وكىم جوباسى ازىرلەنىپ, مۇددەلى مەملەكەتتىك ورگاندار مەن وبلىس اكىمدىكتەرىنە كەلىسۋگە جىبەرىلدى. ارنايى كوميسسيانىڭ ءبىرىنشى وتىرىسىن اعىمداعى جىلدىڭ 10 اقپانىندا وتكىزۋ ۇسىنىلادى.
رەفورمالار جونىندەگى جوعارى كەڭەستىڭ تاپسىرمالارىن ىسكە اسىرۋ ماقساتىندا مىناداي نەگىزگى كۇندەردى بەكىتۋ ۇسىنىلادى: 2021 جىلعى 10 اقپانعا دەيىن ۇكىمەت بەكىتكەن جالپىۇلتتىق باسىمدىقتار, ۇلتتىق دامۋ جوسپارى تۋرالى جارلىقتاردى, مەملەكەتتىك باسقارۋ تۇجىرىمداماسىن قر پرەزيدەنتىنە قول قويۋعا ەنگىزۋ. تۇجىرىمدامانى ىسكە اسىرۋدىڭ ەگجەي-تەگجەيلى جوسپارىن 2021 جىلعى 1 ناۋرىزعا دەيىن بەكىتكەن ءجون.
ۇلتتىق جوبالاردىڭ تىزبەسىن پرەزيدەنتتىڭ جارلىعىمەن 2021 جىلعى 1 ناۋرىزعا دەيىن بەكىتۋ, ال جاڭا ۇلتتىق جوبالاردى 2021 جىلعى 15 ساۋىرگە دەيىن ازىرلەۋ, سونداي-اق مەملەكەتتىك باعدارلامالاردى ۇلتتىق جوبالارعا كوشىرۋ تۇرعىسىنان ولارعا تالداۋ جۇرگىزۋ ۇسىنىلادى.
