«قازىر ءبىز ءوز كليەنتتەرىمىزدىڭ ەسكەرتۋلەرىن ەسەپكە الا وتىرىپ, پورتالىمىزدىڭ جۇمىسىنا ءتيىستى وزگەرىستەردى ەنگىزىپ جاتىرمىز. ءبىرىنشى كەزەكتە وتە ءجيى تۇسەتىن ءوتىنىش - ءوتىنىمدى رەداكتسيالاۋ مۇمكىندىگىن بەرۋ. ياعني, الدىمەن ادام نەسيەنى تولەۋ تۋرالى ءوتىنىش ءبىلدىرىپ الىپ, كەيىن جاڭا پاتەردى يپوتەكاعا ساتىپ العىسى كەلەتىن جاعدايلار بار. ال قازىردىڭ وزىندە ارنايى شوتقا اقشاسى اۋدارىلىپ قويدى دەلىك. مەنىڭ ويىمشا, ءبىر اپتانىڭ ىشىندە ءوتىنىم بەرۋشىلەر ءۇشىن ءوتىنىمدى رەداكتسيالاۋ مۇمكىندىگى بەرىلەدى», دەدى ءلاززات يبراگيموۆا.
ونىڭ ايتۋىنشا ازاماتتار ءتىپتى بەرگەن ءوتىنىمىنىڭ كۇشىن جويا دا الادى.
«كوبىسى اقشا بار ەكەنىنە كوز جەتكىزىپ, وپەراتسيالاردى جىل سوڭىنا دەيىن جۇرگىزۋ تۋرالى شەشىم قابىلداپ جاتىر. مۇنداي مۇمكىندىك تە پايدا بولادى. ادامدار پورتالدى كەڭىنەن قولدانا باستاعان كەزدە تۋىستارىمەن اقىلداسا باستادى. زەينەتاقى تولەمدەرىن بىرىكتىرۋ مۇمكىندىگى دە پايدا بولدى. سوندىقتان جاڭا مۇمكىندىكتەر تۋرالى اقپارات بەرەتىن ءبىزدىڭ بانكتىڭ قىزمەتكەرلەرى الەۋمەتتىك جەلىنى قاداعالاپ وتىر», دەدى ءلاززات يبراگيموۆا.
ەسكە سالساق, 2021 جىلى 2 قاڭتاردا قر پرەزيدەنتى قاسىم-جومارت توقاەۆ زەينەتاقى جيناعىنىڭ ءبىر بولىگىن ماقساتتى پايدالانۋعا قاتىستى زاڭعا قول قويدى. قازاقستاندىقتاردىڭ زەينەتاقى جيناقتارىن پايدالانۋ ءۇشىن جاڭارتىلعان «جەتكىلىكتىلىك شەگى» جاريالاندى. زەينەتاقى جيناعىنان الۋعا بولاتىن سوما بجزق سايتىندا اۆتوماتتى تۇردە كورسەتىلەدى. 23 قاڭتاردان قازاقستاندا زەينەتاقىنىڭ ءبىر بولىگىن الۋعا ءوتىنىم قابىلداۋ باستالدى. ارنايى پورتالدا زەينەتاقىنىڭ ءبىر بولىگىن الۋعا ءوتىنىم قابىلداۋ باستالعالى ءۇش ساعاتتىڭ ىشىندە 4 مىڭنان استام ادام ءوتىنىش بەردى.
