وتىرىستا مەديتسينالىق قىزمەت كورسەتۋ, جول كارتاسىنىڭ ورىندالۋ بارىسى, سونداي-اق الەۋمەتتىك مەديتسينالىق ساقتاندىرۋ قورى نۇر-سۇلتان قالاسى بويىنشا فيليالىنىڭ 2020 جىلعى جۇمىستارىنىڭ قورىتىندىسى مەن 2021 جىلعا ارنالعان جوسپارى تىڭدالدى.
2020 جىلى 142,8 ملرد.تەڭگە مولشەرىندەگى سوماعا قىزمەت كورسەتىلدى. ونىڭ ىشىندە تمككك اياسىندا – 93,5 ملرد.تەڭگە, ءمامس جۇيەسىندە – 49,3 ملرد.تەڭگە جۇمسالعان.
2021 جىلعى 1 قاڭتارداعى جاعداي بويىنشا نۇر-سۇلتان قالاسىندا: تۇرعىندار سانى 1 179 953 (قر بويىنشا - 18 852 802), ولاردىڭ ىشىندە 645 007 تۇرعىن جەڭىلدىگى بار ساناتقا جاتادى, بۇل بارلىق تۇرعىنداردىڭ 55%-نا جۋىق, ولار ءۇشىن جارنانى مەملەكەت تولەيدى. 380 265 - جالدامالى جۇمىسكەرلەر; 115 921 - جەكە كاسىپكەرلەر مەن ازاماتتىق-قۇقىقتىق شارت نەگىزىندە جۇمىس ىستەيتىندەر; بىرىڭعاي جيىنتىق تولەم بويىنشا جارنا اۋدارعاندار - 134 737; ءوز بەتىنشە جارنا تولەيتىندەر سانى - 20 076.
نۇر-سۇلتان قالاسى بويىنشا ساقتاندىرىلعان تۇرعىندار سانى - 966 204, ساقتاندىرىلماعاندار – 213 749.
نۇر-سۇلتان قالاسى بويىنشا 2017 جىلدىڭ 1 شىلدەسى مەن 2020 جىلدىڭ 31 جەلتوقسانى ارالىعىندا مەديتسينالىق ساقتاندىرۋ ءۇشىن جيناقتالعان جارنانىڭ جالپى سوماسى 58 ملرد تەڭگەدەن اسادى.
2020 جىلدىڭ قاڭتار-جەلتوقسان ايلارىندا مەديتسينالىق ساقتاندىرۋ ءۇشىن ەلوردالىقتار 27,7 ملرد تەڭگەدەن اسا جارنا اۋدارعان.
«سوڭعى دەرەكتەر بويىنشا, نۇر-سۇلتان قالاسىندا بارلىعى 33 585 شوب سۋبەكتىلەرى تىركەلگەن, ولاردىڭ ىشىندە 20 107 - اقپاراتتىق جۇيەدە ءوز دەرەكتەرىن جاڭارتقان, ال 13 478 - اقپاراتتىق جۇيەدە ءوز دەرەكتەرىن ءالى جاڭارتپاعان. شاعىن جانە ورتا بيزنەس وكىلدەرى ءار ايدىڭ 25-ىنە دەيىن جەڭىلدىكتى ساناتتارىنا جاتاتىن ءوز قىزمەتكەرلەرىنىڭ دەرەكتەرىن (جسن) msb.fms.kz سىلتەمەسى بويىنشا "Saqtandyry" اقپاراتتىق جۇيەسىنە ەنگىزىپ, جاڭارتىپ وتىرۋى ءتيىس.
دەرەكتەر ۋاقىتىلى ەنگىزىلمەگەن جاعدايدا, قىزمەتكەرلەر ساقتاندىرۋ مارتەبەسىنىڭ بولماۋىنا بايلانىستى ءمامس جۇيەسىندە مەديتسينالىق كومەككە جۇگىنە الماۋى مۇمكىن» دەپ ءتۇسىندىردى «الەۋمەتتىك مەديتسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ.
