ەڭبەكمينىنىڭ باسشىسى ءوز ءسوزىنىڭ باسىندا ۇكىمەتتىڭ كەڭەيتىلگەن وتىرىسىندا پرەزيدەنت مينيسترلەر كابينەتىنىڭ نەگىزگى مىندەتى – ەكونوميكالىق ءوسىمدى قالپىنا كەلتىرۋ جانە قازاقستاندىقتاردىڭ ناقتى تابىسىن ارتتىرۋ ەكەنىن ەرەكشە اتاپ وتكەنىن ەسكە سالدى.
وسىعان بايلانىستى, ەڭبەكمينى باسشىسىنىڭ تاپسىرماسى بويىنشا ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسىنىڭ تەتىكتەرى كاسىپكەرلىكتى دامىتۋ ءۇشىن حالىققا كرەديت بەرۋگە ميكروقارجى ۇيىمدارىنىڭ قاتىسۋىن جانداندىرۋ بولىگىندە, سونداي-اق جۇمىسپەن قامتۋ جول كارتاسى جۇمىسقا ورنالاستىرۋ تۋرالى دەرەكتەردى اۆتوماتتى تۇردە قايتا تەكسەرۋ تاسىلدەرىن ەنگىزۋ بولىگىندە جەتىلدىرىلدى.
«مەملەكەت باسشىسىنىڭ تاپسىرمالارىن ورىنداۋ ماقساتىندا ەڭبەك جانە حالىقتى الەۋمەتتىك قورعاۋ مينيسترلىگى اعىمداعى جىلعى ناۋرىز ايىنىڭ سوڭىنا دەيىن «ەڭبەك» مەملەكەتتىك باعدارلاماسىنا مەملەكەتتىڭ جانە «اتامەكەن» ۇلتتىق كاسىپكەرلەر پالاتاسىنىڭ قاتىسۋىمەن ميكروقارجى ۇيىمدارىن قۇرۋ بولىگىندە وزگەرىستەر ەنگىزۋدى جوسپارلاپ وتىر. «اتامەكەن» ۇكپ جانە جەرگىلىكتى اتقارۋشى ورگانداردىڭ قاتىسۋىمەن ميكروقارجى ۇيىمدارى سوڭعى قارىز الۋشىلارعا نومينالدى سىياقى مولشەرلەمەسى جىلدىق 6% - دان اسپايتىن ميكروكرەديتتەر بەرەتىن بولادى», دەدى س. شاپكەنوۆ.
سونىمەن قاتار, مينيستر جەرگىلىكتى اتقارۋشى ورگاندار «اتامەكەن» ۇكپ-مەن بىرلەسىپ قارىز الۋشىلاردىڭ جوبالارىن سۇيەمەلدەۋدى ۇيىمداستىرۋدى تۇراقتى نەگىزدە قامتاماسىز ەتۋى قاجەت ەكەنىن اتاپ ءوتتى.
ەڭبەكمينىنىڭ باسشىسى سونداي-اق جۇمىسپەن قامتۋ مەن كاسىپكەرلىكتى قولداۋ جونىندەگى جاڭا تاسىلدەر مەن تەتىكتەردى قامتيتىن 2022-2026 جىلدارعا ارنالعان «ەڭبەك 2.0» ۇلتتىق جوباسى ازىرلەنەتىنىن حابارلادى.
«بيىل ءبىز جۇمىسپەن قامتۋ جول كارتاسى شەڭبەرىندە ينفراقۇرىلىمدىق جوبالاردى ىرىكتەۋ, جۇمىسسىزداردى جۇمىسقا ورنالاستىرۋ جانە ميكروكرەديت بەرۋ بويىنشا جاڭا تاسىلدەردى تولىق قاراپ, ازىرلەدىك.
تۇراقتى جۇمىس ورىندارىن قۇرۋ جونىندەگى شارالاردى كۇشەيتۋ ءۇشىن كۇردەلى, اعىمداعى جوندەۋ جونىندەگى جوبالار الىنىپ تاستالدى جانە ۇزاق مەرزىمدى تيىمدىلىككە باسا نازار اۋدارا وتىرىپ, قۇرىلىس جانە رەكونسترۋكتسيالاۋ جونىندەگى جوبالار ىرىكتەلدى», دەپ حابارلادى مينيستر.
ونىڭ ايتۋىنشا, بيىل 27 مىڭ جۇمىس ورنىن قۇرۋمەن 331 ينفراقۇرىلىمدىق جوبانى ىسكە اسىرۋ جوسپارلانۋدا, ونىڭ ىشىندە 40% نەمەسە 10 مىڭنان استام جۇمىس ورنى – تۇراقتى.
سونداي-اق سەرىك شاپكەنوۆ ەڭبەك جانە حالىقتى الەۋمەتتىك قورعاۋ مينيسترلىگى ەڭبەك شارتتارىن ەسەپكە الۋ جۇيەسىندە ادامداردى بىرنەشە رەت قايتا ەنگىزۋگە جانە ەڭبەك شارتتارىن تىركەۋگە جول بەرمەۋ بويىنشا جۇمىس جۇرگىزىپ جاتقانىن اتاپ ءوتتى. جۇمىسقا ورنالاستىرۋ تۋرالى دەرەكتەردى اۆتوماتتى تۇردە قايتا تەكسەرۋدى قامتاماسىز ەتۋ ءۇشىن قارجى مينيسترلىگى مىندەتتى زەينەتاقى جارنالارىنىڭ تۇسىمدەرىنە اۆتوماتتاندىرىلعان باقىلاۋ ورناتۋ بولىگىندە, ال يندۋستريا جانە ينفراقۇرىلىمدىق دامۋ مينيسترلىگى قازاقستاندىق قامتۋ بولىگىندە ءوز اقپاراتتىق جۇيەلەرىن پىسىقتايدى.
