ب. مۋسين اتاپ وتكەندەي, مەملەكەت باسشىسى ق. توقاەۆتىڭ ۇكىمەتتىڭ كەڭەيتىلگەن وتىرىسىندا بەرگەن بارلىق تاپسىرمالارى ەرەكشە باقىلاۋعا الىنىپ, بەلسەندى جۇمىس باستالدى.
وتكەن جىلى 1250 اۋىل ءۇشىن وپتيكالىق بايلانىس جەلىسىنىڭ ينفراقۇرىلىمدىق جوباسى اياقتالدى. 928 اۋىل ءموبيلدى ينتەرنەتپەن قامتاماسىز ەتىلدى. وسىلايشا, 5330 اۋىل ءموبيلدى ينتەرنەتپەن قامتىلدى.
رەۆيزيا جۇرگىزىلدى, 510 اۋىلدا ينتەرنەت جىلدامدىعىنا قاتىستى ماسەلەلەر قالىپ وتىر. 2021 جىلى مينيسترلىك بايلانىس ساپاسىن جاقسارتۋ بويىنشا جۇمىس جۇرگىزەدى.
2 جىلدىڭ ىشىندە:
286 اۋىل 3G/4G ستاندارتتارىنا اۋىستىرىلادى.
224 اۋىل جەرسەرىكتىك ترانسميسسيادان جەرۇستى ينفراقۇرىلىمىنا كوشىرىلەدى: راديورەلەيلىك جانە وپتيكالىق بايلانىس جەلىلەرى.
250 ادامنان كەم 242 اۋىلعا كەڭ جولاقتى ءموبيلدى ينتەرنەت جەتكىزىلەدى.
2021 جىلى وپەراتورلار 752 بازالىق ستانتسيا سالادى, وعان قوسا تاعى 562 ستانتسيانى جاڭارتادى.
بايلانىس قىزمەتتەرىنىڭ ساپاسىن باقىلاۋ بويىنشا
بۇعان دەيىن بايلانىس ساپاسىنىڭ مينيمالدى شەگى رەتتەلمەگەن ەدى. بۇيرىق جوباسى ازىرلەندى, وندا بايلانىس ساپاسىنىڭ كورسەتكىشتەرى انىقتالعان: مىسالى, 4G ءۇشىن – كەمىندە 5 مب/سەك قاجەت.
«قۇجات كوپشىلىك تالقىلاۋىنان ءوتتى. مەملەكەتتىك ورگاندارمەن كەلىسىپ, ەكى اي ىشىندە بۇيرىق قابىلدايمىز», — دەدى مينيستر.
تۇتىنۋشىلاردىڭ قۇقىقتارىن قورعاۋ جۇمىستارى جۇرگىزىلۋدە. وتكەن جىلى بايلانىس ساپاسىن تەحنيكالىق ولشەۋ ءۇشىن قوسىمشا مامانداندىرىلعان جابدىق ساتىپ الىندى. سونىمەن قاتار, بايلانىس ساپاسىنىڭ پارامەترلەرىن بۇزعانى ءۇشىن ايىپپۇلدار سوماسىن 10 ەسەگە 1000 ايلىق ەسەپتىك كورسەتكىشكە دەيىن ارتتىرۋ بويىنشا تۇزەتۋلەر دايىندالدى.
Bailanys.bar قىزمەتى – ەلدىڭ كەز كەلگەن تۇرعىنى ينتەرنەت جىلدامدىعىن ولشەي الاتىن سايت, ول تۇتىنۋشىلاردىڭ قۇقىقتارىن قورعاۋ پلاتفورمالارى e-tutynushy.kz جانە ە-ءوتىنىش-پەن ينتەگراتسيالانادى. Speed-test اۆتوماتتى تۇردە, جۇگىنۋ فورماتىندا وپەراتور مەن رەتتەۋشىگە تۇسەدى. بايلانىس قىزمەتتەرىنىڭ ساپاسى ەرەكشە باقىلاۋدا!
مەملەكەتتىك كورسەتىلەتىن قىزمەتتەر بويىنشا
ب. مۋسين اتاپ وتكەندەي, مەملەكەتتىك قىزمەتتەردى اۆتوماتتاندىرۋدىڭ ناتيجەلى بولۋىنىڭ نەگىزگى كورسەتكىشى – ونىڭ ونلاين فورماتتاعى تانىمالدىلىعى. بۇل ءاربىر مەملەكەتتىك ورگان ءۇشىن ءتۇيىندى كورسەتكىش بولۋى ءتيىس. «جەكە كاسىپكەردى» تىركەۋدى شىعارۋ مەن اۆتوكولىكتى بانكتەردىڭ ءموبيلدى قوسىمشالارىندا ساتۋدىڭ ناتيجەلى تاجىريبەسىن كوبەيتۋ جالعاسادى.
«بيىل ءبىز سمارتفونداعى تانىمال قىزمەتتەر سانىن: ازاماتتار ءۇشىن 100 قىزمەتكە دەيىن; بيزنەس ءۇشىن 50 قىزمەتكە دەيىن ارتتىرۋ مىندەتىن الدىمىزعا قويىپ وتىرمىز», — دەدى ب. مۋسين.
تسيفرلىق قۇجاتتار
2020 جىلى مينيسترلىك مەملەكەتتىك ورگاندارمەن بىرلەسىپ, 13 تسيفرلىق قۇجاتتى ىسكە اسىردى. ولاردىڭ سانى وسەتىن بولادى. قاعاز جانە تسيفرلىق قۇجاتتاردىڭ ماڭىزدىلىعى زاڭنامالىق تۇردە بەكىتىلگەن.
بيومەتريا
مينيسترلىك مەملەكەتتىك كورسەتىلەتىن قىزمەتتەردى الۋ كەزىندە تىركەۋ ءۇشىن بيومەتريالىق سايكەستەندىرۋدى ءساتتى ەنگىزدى. بيىل سەرۆيس مەملەكەتتىك ورگانداردىڭ جاپپاي پايدالانۋى ءۇشىن قولجەتىمدى بولادى.
«ە-ءوتىنىش» جۇيەسىنىڭ جۇمىسىن ەنگىزۋ بويىنشا
مەملەكەت باسشىسىنىڭ تاپسىرمالارىن ورىنداۋ ماقساتىندا جانە «حالىق ۇنىنە قۇلاق اساتىن مەملەكەت» تۇجىرىمداماسىنا سايكەس «ە-ءوتىنىش» جوباسى ىسكە اسىرىلۋدا.
اقمولا, قاراعاندى جانە پاۆلودار وبلىستارىنىڭ اكىمدىكتەرىمەن بىرلەسىپ پيلوتتىق اپروباتسيالاۋ جۇرگىزىلۋدە. اقپاراتتىق جۇيەنى مودەرنيزاتسيالاۋ عانا ەمەس, تاسىلدەردىڭ تۇبەگەيلى وزگەرۋى دە ماڭىزدى. ول قالاي جۇرگىزىلەدى؟! «ناتيجە» ورتالىعى ارقىلى جۇگىنگەن كەزدە «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ قىزمەتكەرلەرى ازاماتتىڭ ماسەلەسىن «سول جەردە بىردەن شەشۋ» مۇمكىندىگىن ىزدەيتىن بولادى.
دەربەس دەرەكتەردى قورعاۋعا قاتىستى
زاڭنامالىق باستامالار پىسىقتالدى.
ءبىرىنشى. دەربەس دەرەكتەردى مەملەكەتتىك باقىلاۋ سالاسىنا جاتقىزۋ كوزدەلگەن.
ەكىنشى. تسيفرلىق كەلىسىم جانە قايتارىپ الۋ قاعيداتى ەنگىزىلەدى. ازاماتتار جەكە باسىن راستاعان جاعدايدا: رۇقسات ەتۋگە/باس تارتۋعا وزدەرىنىڭ جەكە دەرەكتەرىنىڭ پايدالانىلۋىن باقىلاي الادى.
ءۇشىنشى. اشىقتىق جانە جاريالىلىق قاعيداتتارىن ساقتاۋ ءۇشىن – مەملەكەتتىك ورگاندار مەن ۇيىمداردىڭ دەربەس دەرەكتەردى جيناۋ جانە وڭدەۋ جونىندەگى شەكتەۋلى تىزبەسىن ايقىنداۋ, سونداي-اق ونى ءبىر زاڭنامالىق اكتىگە (دەربەس دەرەكتەر جانە ولاردى قورعاۋ تۋرالى زاڭ) شوعىرلاندىرۋ قاجەت.
وسى شارالاردى ىسكە اسىرۋ پرەزيدەنتتىڭ دەربەس دەرەكتەر تۋرالى زاڭنامانى وزگەرتۋ جونىندەگى تاپسىرماسىن ورىنداۋعا مۇمكىندىك بەرەدى.
