قارجى مينيسترلىگى بيۋدجەت شىعىستارىن وڭتايلاندىرۋ ماقساتىندا:
رەسپۋبليكالىق جانە جەرگىلىكتى بيۋدجەتتەردىڭ شىعىستارىن وڭتايلاندىرۋدىڭ ادىستەمەلىك نەگىزى ازىرلەيدى;
مەملەكەتتىك جوسپارلاۋدىڭ اقپاراتتىق جۇيەسىنە «ساتىپ الۋدىڭ بىرىڭعاي تەرەزەسى» سەرۆيسى قوسىلادى;
مەملەكەتتىك ورگانداردى اۆتوكولىكپەن قامتاماسىز ەتۋدىڭ جاڭا نۇسقاسى ازىرلەيدى;
داعدارىسقا قارسى جۇمسالاتىن قاراجات تيىمدىلىگىنىڭ مونيتورينگى مەن باقىلاۋدى كۇشەيتەدى;
مەملەكەتتىك قولداۋ شارالارىنىڭ تيىمدىلىگىنە تالداۋ جۇرگىزەدى.
ە. جاماۋباەۆ اتاپ وتكەندەي, بۇل رەتتە اعىمداعى جىلدىڭ 1 ناۋرىزىنا دەيىنگى مەرزىمدە مەملەكەتتىك جانە سالالىق باعدارلامالاردىڭ كورسەتكىشتەرى مەن نىسانالى ينديكاتورلارى بولىگىندە مەملەكەتتىك قولداۋ شارالارىنىڭ تيىمدىلىگىن مونيتورينگتەۋ ادىستەمەسىنە ۇسىنىستار ەنگىزۋ جانە اي سايىن قارجى مينيسترلىگىنە مەملەكەتتىك قولداۋ شارالارىن ىسكە اسىرۋ جونىندەگى ءتيىستى اقپارات بەرۋدى قامتاماسىز ەتۋ قاجەت.
«وسى شارالاردىڭ بارلىعى مەملەكەت باسشىسىنىڭ تاپسىرمالارىن جانە جاڭا باستامالاردى قارجىلاندىرۋ ءۇشىن قوسىمشا رەسۋرستاردى انىقتاۋعا, سونداي-اق بيۋدجەتتىك جوسپارلاۋدىڭ ساپاسىن ارتتىرۋعا مۇمكىندىك بەرەدى», — دەدى مينيستر.
سالىقتىق-كەدەندىك اكىمشىلەندىرۋدى جەتىلدىرۋگە قاتىستى, مەملەكەت باسشىسىنىڭ تاپسىرماسىنا سايكەس ەڭبەك جانە حالىقتى الەۋمەتتىك قورعاۋ مينيسترلىگىمەن اشىلعان جۇمىس ورىندارى جانە جۇمىسقا ورنالاستىرىلعان ازاماتتار تۋرالى مالىمەتتەردى ەلەكتروندىق تۇردە قابىلداۋ قامتاماسىز ەتىلەدى.
«جاقىندا بيۋدجەتتەن, ونىڭ ىشىندە جۇمىسپەن قامتۋ جول كارتاسى شەڭبەرىندە قارجىلاندىرىلعان مەملەكەتتىك باعدارلامالاردىڭ قاتىسۋشىلارىن قاشىقتىقتان باقىلاۋ جانە تالداۋ جۇرگىزىلدى. سالىقتىق اكىمشىلەندىرۋدى وڭايلاتۋ جانە جەڭىلدەتۋ بويىنشا كەشەندى شارالار قابىلدانۋدا. ولار تاۋارلاردى باقىلاۋ جۇيەسىن, تاۋارلارعا ىلەسپە جۇكقۇجاتتار مەن ەلەكتروندىق پلومبالاردى ەنگىزۋدى قامتيدى. بۇل كونتراگەنتتەر اراسىنداعى ىسكە اسىرۋدىڭ اشىقتىعىن قامتاماسىز ەتەدى», — دەدى مينيستر.
بۇدان باسقا, قوسىلعان قۇن سالىعىن اكىمشىلەندىرۋدە Blockchain-تەحنولوگياسىن ەنگىزۋ جوسپارلانۋدا, بۇل سالىق تولەۋدەن جالتارۋ تاۋەكەلىن ايتارلىقتاي تومەندەتەدى جانە قولما-قول اقشا الۋ جونىندەگى مامىلەلەردى قىسقارتادى. قاشىقتان ءوزارا ارەكەتتەسۋگە نەگىزدەلگەن ءىرى بيزنەستىڭ كولدەنەڭ مونيتورينگى بويىنشا پيلوتتىق جوبا باستالدى. سونىمەن قاتار, جەكە تۇلعالاردىڭ مۇلكى مەن جەرىنە سالىناتىن سالىقتار بىرىكتىرىلدى. كوپ پاتەرلى تۇرعىنۇيلەردىڭ مەنشىك يەلەرى ءۇشىن جەر سالىعى الىنىپ تاستالدى.
سونىمەن قاتار, جەكە تۇلعالاردىڭ مەنشىگىنە سالىق تولەۋ ىڭعايلى بولۋ ءۇشىن «E-Salyq Azamat» موبيلدىك قوسىمشاسى ازىرلەندى. اتاپ ايتقاندا, POS-تەرمينال مەن ونلاين-باقىلاۋ كاسسالىق ماشيناسىن قولداناتىن جەكە كاسىپكەرلەردىڭ سالىق ەسەپتىلىگىن ۇسىنۋدان بوساتۋ بولىگىندە «E-Salyq-business» قوسىمشاسى ازىرلەنۋدە.
«جالپى العاندا, جەكە كاسىپكەرلەردى تىركەۋ مەن جابۋدى, سالىق ەسەپتىلىگىن تاپسىرۋدى وڭايلاتۋ, بانك كوميسسياسىن جانە فيسكالدىق دەرەكتەر وپەراتورلارىنىڭ قىزمەتتەرىنە اقى تولەۋدى الىپ تاستاۋ كوزدەلەدى», — دەدى ە. جاماۋباەۆ.
وففشورلىق يۋريسديكتسيالارعا ترانزاكتسيالار بويىنشا وففشورلىق الىمدى ەنگىزۋدى قامتاماسىز ەتۋ ءۇشىن ۋاكىلەتتى ورگانمەن بىرلەسىپ زاڭناماعا قاجەتتى تۇزەتۋلەر پىسىقتالۋدا.
«وسى جىلدىڭ 1 قىركۇيەگىنە دەيىن مەملەكەت شەكاراسىنداعى زاڭسىز ساۋدا اينالىمىنا قارسى كەدەندىك اكىمشىلەندىرۋدى جاقسارتۋدى كوزدەيتىن كەشەندى باعدارلاما ازىرلەنەتىن بولادى», — دەدى مينيستر.
سونىمەن قاتار, بۇگىنگى تاڭدا 100% ەلەكتروندى كەدەندىك دەكلاراتسيالاۋ جۇزەگە اسىرىلدى. «بىرىڭعاي تەرەزە» جانە «استانا-1» اج-ءى ەنگىزىلدى, تاۋەكەلدەردى باسقارۋ جۇيەسىن پايدالانۋ باستالدى.
«قحر-مەن تاۋارلاردىڭ ەكسپورتتىق دەكلاراتسيالارىنىڭ مالىمەتتەرىن ونلاين رەجيمدە الماسۋ جۇرگىزىلۋدە. وسىعان ۇقساس جۇمىستار باسقا ەلدەرمەن دە جۇرگىزىلەتىن بولادى. ارنايى زايم شەڭبەرىندە 9 اۆتو جانە 1 ت/ج وتكىزۋ پۋنكتىن جاڭعىرتۋ جوسپارلانۋدا», — دەپ تۇيىندەدى قارجى ءمينيسترى.
