«قالادا ءومىر سۇرۋگە قولايلى جاعداي جاساۋ ءۇشىن تۇرعىن ءۇي ماسەلەسى - ەرەكشە نازاردا. جەڭىلدىكپەن بەرىلەتىن قولجەتىمدى تۇرعىن ءۇي قۇرىلىسى, اپاتتى ءارى ەسكى ۇيلەردى ءسۇرۋ, تۇرعىن ۇيلەردى كۇردەلى جوندەۋ جۇمىستارى ەرەكشە باقىلاۋدا.
بيىل مەملەكەت باسشىسىنىڭ تاپسىرماسىنا سايكەس الەۋمەتتىك تۇرعىن ءۇي قۇرىلىسىنىڭ كولەمىن ۇلعايتامىز. جەتەكشى قۇرىلىس كومپانيالارىمەن جانە بانكتەردىڭ وكىلدەرىمەن كەزدەسىپ, وسى جىلعا ارنالعان جوسپارلاردى تالقىلادىق. وتكەن جىلى ەلوردادا رەكوردتىق - 3 ملن شارشى مەتر تۇرعىن ءۇي سالىنىپ, پايدالانۋعا بەرىلدى. ءوز تاراپىمىزدان قۇرىلىس كومپانيالارىمەن قويان-قولتىق جۇمىس ىستەپ, بارلىق اكىمشىلىك كەدەرگىلەردى الىپ تاستايمىز, پايداسى جوق دەلدالداردان ارىلامىز», دەدى قالا اكىمى.
اكىم بۇدان ءارى جاڭا ۇيلەردى سۋمەن, كارىزبەن جانە جىلۋمەن قامتاماسىز ەتۋ ءۇشىن جەو-3 (1-كەزەك, جىلۋمەن جابدىقتاۋ), كوس-2 (كارىزدىك تازارتۋ قۇرىلىستارى) جانە نفس-3 (سۋمەن جابدىقتاۋ) جوبالاۋ مەن قۇرىلىسى جۇرگىزىلەتىنىن ءمالىم ەتتى.
«قۇرىلىس كومپانيالارىنا قۇرىلىس ساپاسىن ءبىرىنشى ورىنعا قويۋدى, ءوندىرىس كەزىندە قاۋىپسىزدىكتى قامتاماسىز ەتۋدى, جۇمىسشىلارعا جالاقىنى ۋاقتىلى تولەۋدى تاپسىردىم. سونداي-اق, اۋماقتاردى اباتتاندىرۋ مەن كوگالداندىرۋعا نازار اۋدارۋ دا ماڭىزدى», دەدى التاي كولگىنوۆ.
